شێخموس скачать в хорошем качестве

شێخموس

شێخموس ئەحمەد: داوای گەرەنتی ڕاستەقینە دەکەین بۆ گەڕانەوەی سەلامەتی ئاوارەکان بۆ سەر ماڵ و حاڵی خۆیان شێخموس ئەحمەد، بەرپرسی فەرمانگەی کاروباری کۆچ و کۆچبەران لە ئیدارەی خۆسەری کوردستانی ڕۆژئاوا، ڕایگەیاند ئاوارەکان و کۆچبەرانی ناوچەکانی شێخ مەقسود، حەلەب، عەفرین و تەبقە لە بارودۆخێکی زۆر سەختی مرۆییدا دەژین. بە وتەی ئەحمەد، زیاتر لە 250 هەزار ئاوارە بۆ ناوچەکانی جەزیرە کۆچیان کردووە و زیاتر لە 200 هەزار ئاوارەش لە کانتۆنی کۆبانێ نیشتەجێ بوون، کە زۆربەیان لە هەلومەرجی گەمارۆدا ڕووبەڕووی کەمبوونەوەی پێداویستییە سەرەتاییەکان بوونەتەوە. ئەحمەد هەروەها ئاماژەی بە گەیشتنی هەندێک هاوکاری مرۆیی لە باشووری کوردستانەوە لە ڕێگەی دەروازەی سێمالکا بۆ قامیشلۆ کرد، و سوپاسی ڕێکخراوی خێرخوازی ماڵی بارزانی و هەندێک لایەنگری میدیایی کرد، لەوانە کەناڵی سامانە لە سلێمانی، بۆ ڕۆڵیان لە تیشک خستنە سەر ئازار و ناخۆشیەکانی ئاوارەکان. لە بەشێکی دیکەی قسەکانیدا، تیشکی خستە سەر دۆخی ئاوارەکانی هاتوو لە تەبقە، شێخ مەقسود و عەفرین بۆ کۆبانێ و ڕایگەیاند ئەو هاوکارانەی نەتەوە یەکگرتووەکان پێشکەشیان دەکات، ناتوانێت پێداویستییەکانیان دابین بکات. شێخموس ئەحمەد لە پەیوەندی بە ڕێککەوتننامەی ڕاگەیەنراو لە نێوان حکومەتی دیمەشق و هێزەکانی سوریای دیموکراتدا وتی: «داوای گەرەنتی ڕوون و ڕاستەقینە دەکەین بۆ دڵنیابوون لە گەڕانەوەی سەلامەتی ئاوارەکانی ناوچەکانی جەزیرە و کۆبانێ بۆ سەر ماڵ و حاڵی خۆیان». هەروەها ڕۆشنایی خستە سەر بارودۆخی کەمپەکانی ئاوارەکان لە حەسەکە و کەمپی ئەلعەریشە و ڕایگەیاند لە دوای هێرش و بەئامانجگرتنی ئەو ناوچانە لەلایەن حکومەتی دیمەشقەوە، ناوەندەکانی مانەوە تێکچوون و تاڵانکردن و دزینی خۆراک و پێداویستییەکان ڕوویداوە، کە ئەمەش دۆخی مرۆیی ئاوارەکان زیاتر خراپتر کردووە.