Հայաստանը կարևորագույն որոշումների նախաշեմին. 2023թ.-ի զարգացումներ. «Տեղորոշում» скачать в хорошем качестве

Հայաստանը կարևորագույն որոշումների նախաշեմին. 2023թ.-ի զարգացումներ. «Տեղորոշում»

Նախորդ տարվա Հայաստանի արտաքին քաղաքական ձեռքբերումների ու կորուստների ամփոփում: Անվտանգային մարտահրավերներ, Լեռնային Ղարաբաղի հայաթափում, ռազմաքաղաքական նոր հարաբերություններ և այլ զարգացումներ «Տեղորոշում» նախագծի շրջանակում «Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին: https://www.amerikayidzayn.com/   / amerikayidzayn     / amerikayidzayn   https://t.me/Amerikayidzayn   / amerikayidzayn   Ինչպես նախորդ տարիներին, 2023 թվականին նույնպես Հայաստանի արտաքին քաղաքականության ամենից կարևորը խնդիրն էր երկրի անվտանգության ապահովումը: Պահպանվեց լարվածությունն Ադրբեջանի հետ, և չնայած միջազգային դերակատարների ջանքերին, Երևանին ու Բաքվին այդպես էլ չհաջողվեց հասնել խաղաղության պայմանագրի կնքմանը: 1.Հայաստան-ԱՄՆ հարաբերությունների խորացում 2023 թվականի ընթացքում Միացյալ Նահանգները շարունակեց ակտիվորեն ներգրավված մնալ Երևանի ու Բաքվի միջև բանակցային գործընթացում: Տարվա ընթացքում Վաշինգտոնը հյուրընկալեց Հայաստանի ու Ադրբեջանի արտգործնախարարներին՝ «կառուցողական» որակելով Արարատ Միրզոյանի ու Ջեյհուն Բայրամովի բանակցությունները: Սակայն արդեն տարվա երկրորդ կեսին ադրբեջանական կողմը, ըստ էության, հրաժարվեց վաշինգտոնյան հարթակից: Բաքուն սկսեց ԱՄՆ-ին մեղադրել միակողմանի՝ հայամետ դիրքորոշման մեջ՝ այդպիսին ներկայացնելով Վաշինգտոնի քննադատությունը այս սեպտեմբերի 19-ին Լեռնային Ղարաբաղի դեմ Ադրբեջանի ձեռնարկած ռազմական գործողությունների առնչությամբ և ԱՄՆ վարչակազմի որոշումը՝ հրաժարվել հայտնի 907-րդ բանաձևի կասեցումից, ինչի հետևանքով ամեն տարի Վաշինգտոնը ռազմական որոշակի աջակցություն էր ցուցաբերում Բաքվին։ Ավելացնենք Եվրոպայի և Եվրասիայի հարցերով ԱՄՆ-ի պետքարտուղարի տեղակալ Ջեյմս Օ՛Բրայենի հայտարարությունը ԱՄՆ Ներկայացուցիչների տան արտաքին հարաբերությունների հանձնաժողովում ընթացող «Լեռնային Ղարաբաղի ապագան» խորագրով լսումների ժամանակ, թե Վաշինգտոնի համար անընդունելի է Հայաստանի տարածքի նկատմամբ որևէ ոտնձգություն․«Ադրբեջանի հետ բոլոր մակարդակների շփումներում մենք հստակ ազդակ ենք հղել, որ Հայաստանի տարածքում ուժի կիրառումը բացարձակապես անընդունելի է: Բաքվի իշխանությունները մեզ վստահեցրին, որ նման նպատակ չունեն: Մենք այժմ ուշադրությամբ հետևում ենք զորքերի տեղաշարժին, և արդյո՞ք այլ նշաններ կան, որ նպատակներն այլ են: Ինչպես արդեն նշեցի, նրանց՝ [ադրբեջանական կողմին] հասկացրել ենք, որ հարաբերությունները սովորականի պես չեն շարունակվի, քանի դեռ [Հայաստանի ու Ադրբեջանի միջև] խաղաղության համաձայնագիրը կնքված չէ: Նաև հետաձգել ենք բարձրաստիճան որոշ այցելություններ [Բաքու]»։ Ի հավելումն, Միացյալ Նահանգները հայտարարեց, որ Լեռնային Ղարաբաղի դեմ Ադրբեջանի սեպտեմբերյան հարձակումը չի նպաստում հայ-ադրբեջանական բանակցային գործընթացին: Զուգահեռաբար՝ ԱՄՆ-ն նշանակալի ջանքեր գործադրեց ադրբեջանական ռազմական գործողությունների հետևանքով Հայաստան տեղահանված Լեռնային Ղարաբաղի հայությանը մարդասիրական օգնություն ցուցաբերելու ուղղությամբ: Hayastan Adrbejan Armenia qaghaqakanutyun Russia USA EU