Mga mangingisda, sinubukang bingwitin ang 500k sa Laro Laro Pick | It's Showtime | November 10, 2025 скачать в хорошем качестве

Mga mangingisda, sinubukang bingwitin ang 500k sa Laro Laro Pick | It's Showtime | November 10, 2025

Mahigpit na yakap, Malang People at Kapamilya, anuman ang hamon na ‘yong pinagdadaanan. Kasama n’yo kami sa panalangin. Kapit lang, tayo’y aahon din. Habang papalapit ang katapusan ng taon, may bago bang chapter sa life mo? Baka naman nagbago ang pananaw mo sa buhay, o nagbago ang taste sa music. Pero kung feelings ni crush ang nagbago, aww, ipagdarasal na rin namin ang mabilis na pagmo-move on mo. Surround yourself with friends and family who truly love you and make you happy. Heto ang hindi magbabago—ang good vibes na dala ng "It's Showtime" para sa inyo Madlang People! Kaya sa ating pagbangon, sabay-sabay nating harapin ang Lunes with a grateful and hopeful heart. Saluhin muna ang good vibes mula sa isang harana from singer-songwriter Arthur Miguel. Mapapasulyap ka talaga sa charisma ng "Sulyap" singer. Paano nga ba nabuo itong kanta that hits us right in the feels? Dahil sa pagbisita ng Gen Z crooner, nagkaasaran na naman tungkol sa edad. Age reveal? Wala ‘yan kay Tyang Amy Perez na looking young forever. Tuwing dumarating ang matinding bagyo, isa sa pinakatinatamaan ang hanapbuhay ng masisipag na mangingisda. Doble hirap ang dala ng mga bagyo sa kanila pero hindi sila nawawalan ng pag-asa, bagama’t minsan ang kita ay sapat lang sa pang-araw-araw na pangangailangan. Kaya nang minsan silang naglaro sa “Laro Laro Pick,” sinikap nila na ang P500K POT money ay mabingwit. Kinilala ng hosts si Jerry, isang mapagmahal na ama mula Laguna. Pangingisda na ang kinalakihan niyang buhay. Dahil 15 lang siya nang magsimulang matuto sa tatay na mangingisda rin. Pangingisda na ang nagtaguyod sa kanyang pamilya, lalo na sa pag-aaral ng mga anak. Kung hindi man siya palarin sa game arena, sana dumating pa rin ang winning moment niya sa buhay bilang mangingisda. Palabiro at masayahin naman si Don Don kahit pa doble ang hirap at panganib sa ginagawa niyang mano-manong pagsisid. Nag-alala ang "Showtime" hosts sa kaligtasan ni Don Don, na kayang manatili sa ilalim ng dagat sa loob ng limang minuto para lang makahuli ng isda. Ingat po palagi, Kuya Don Don at sana'y dumami pa ang mabingwit n'yong biyaya. Hindi naman napigil ni Nanay Aileen ang luha dahil sa mensahe ng anak niyang dalaga, na aminadong palaging nag-aalala sa trabaho ng ina't amang mangingisda lalo na kapag masama ang panahon. Si mister naman ay 'di maitago ang kilig nang magbigay ng mensahe. Malaking bagay talaga ang pagmamahal ng pamilya para ‘di mawalan ng pag-asa. Para naman sa pag-asang maging champion, dapat piliin ang tamang kahon sa "Illuminate or Eliminate." Sa "It's Giving," ang kategorya ay mga pinakakaraniwang gulay sa Pilipinas ayon sa isang website, pagkatapos ay napa-sing along ang lahat sa kantang "Anak" sa "You Gotta Lyric." Isa lang ang pwedeng makahawak sa swerte pagdating ng "PILImination" round at ito ay ang mangingisdang si Ronel. Palaban ang mangingisdang si Ronel at malaki ang puso para sa kapwa. Sa naging laban niya sa "Laro Laro Pick" jackpot round, gustong-gusto niyang piliin ang POT na katumbas ng kalahating milyon, hindi lang para sa sarili at kanyang pamilya, kundi para makatulong sa mga kapwa mangingisdang kasama sa studio. Isa sa kanyang tutulungan si Aileen. Pero sabi naman ni Aileen, huwag ma-pressure si Ronel at pakinggan lang ang laman ng puso. Hanggang sa umabot ng P60,000 ang offer sa Li-Pot, mas pinili na niya ito para siguradong may maiuuwi sa pamilya at maitutulong sa iba. Good choice naman ang Li-Pot dahil nang subukan niyang sagutin ang Pot question tungkol sa unang Pilipinong idineklara bilang santo, hindi nakasagot si Ronel dahil hindi siya Katoliko kaya hindi kabisado ang mga trivia katulad nito. Sa jackpot round, he did well, kaya naman congrats, Ronel! Matapos makoronahan ni Kent Villarba bilang pinakabagong “Tawag Ng Tanghalan” champion, balikan natin ang isa sa mga most lauded vocal showdowns sa “Tawag Ng Tanghalan Ika-9 Na Taon.” Ito ang naging ‘Pangkatapatan’ face-off nina FJ Cortez ng Pangkat Luntian at Precious Baraquil ng Pangkat Bughaw. Sa naging laban nila, ibinuhos ni FJ ang puso with her rendition of "Close To Where You Are" by Jonalyn Viray. Naging emosyonal si FJ matapos ang performance dahil ramdam niya ang mensahe ng awitin bilang isang single mom na patuloy na bumabangon sa kabila ng mga pagsubok. Komento ni hurado Billy Crawford, bagay na bagay sa boses ni FJ ang napiling kanta. Inialay ni Precious ang awiting “Sa Ugoy ng Duyan” para sa kanyang ina. Inspirasyon din niya ang kanyang twin sister na isa ring mang-aawit. Ayon kay hurado Jed Madela, naramdaman niya ang sincerity ni Precious, which is very important sa isang performance. Mahirap man ang areglo ng kanta, na-pull off pa rin niya nang maganda. #ItsShowtimeFullEpisode #ABSCBNEntertainment #ItsShowtimeOnline