Citizenship Amendment Bill | ഡല്‍ഹിയിലെ അക്രമങ്ങള്‍ക്ക് പിന്നില്‍ കോണ്‍ഗ്രസ് എന്ന് അമിത് ഷാ скачать в хорошем качестве

Citizenship Amendment Bill | ഡല്‍ഹിയിലെ അക്രമങ്ങള്‍ക്ക് പിന്നില്‍ കോണ്‍ഗ്രസ് എന്ന് അമിത് ഷാ

. പൗരത്വ ഭേദഗതി നിയമത്തില്‍ പ്രതിഷേധിച്ച് രാജ്യത്ത് തുടരുന്ന അക്രമങ്ങളില്‍ കോണ്‍ഗ്രസിനെ വിമര്‍ശിച്ച് കേന്ദ്ര ആഭ്യന്തരമന്ത്രി അമിത് ഷാ. ഡല്‍ഹിയിലെ അക്രമങ്ങള്‍ക്ക് പിന്നില്‍ കോണ്‍ഗ്രസ് എന്ന് ആരോപണം. ജനങ്ങള്‍ ഇത്തരക്കാരെ പാഠം പഠിപ്പിക്കും എന്നും അമിത് ഷാ. അതിനിടെ, പൗരത്വ പട്ടികയില്‍ നിന്ന് പുറത്താകുന്നവര്‍ക്ക് ആയി രാജ്യത്ത് എവിടെയും തടങ്കല്‍ കേന്ദ്രങ്ങള്‍ നിര്‍മ്മിക്കുന്നില്ല എന്ന പ്രധാനമന്ത്രി നരേന്ദ്ര മോദിയുടെ പ്രസ്താവനക്ക് എതിരെ രാഹുല്‍ ഗാന്ധി. പ്രധാനമന്ത്രിയുടെ പ്രസ്താവന നുണ എന്ന് രാഹുല്‍ ഗാന്ധി. ആര്‍.എസ്.എസിന്റെ പ്രധാനമന്ത്രി ഭാരത മാതാവിനോട് നുണ പറയുക ആണ് എന്ന് രാഹുല്‍ ട്വീറ്റ് ചെയ്തു 2 അസമില്‍ പണി പൂര്‍ത്തീകരിക്കുന്ന തടങ്കല്‍ പാളയത്തിന്റെ വീഡിയോ പങ്കുവച്ചാണ് രാഹുല്‍ ഗാന്ധിയുടെ ട്വീറ്റ്. അസമിലെ തടങ്കല്‍ പാളയത്തിന്റെ മൂന്നില്‍ രണ്ട് നിര്‍മ്മാണ പ്രവര്‍ത്തനങ്ങളും പൂര്‍ത്തി ആയിട്ടുണ്ടെന്നാണ് റിപ്പോര്‍ട്ടുകള്‍. അര്‍ബന്‍ നക്സലുകളായ ചില പ്രതിപക്ഷ പാര്‍ട്ടികളും കോണ്‍ഗ്രസും ചേര്‍ന്നാണ് ഇന്ത്യയില്‍ തടങ്കല്‍ കേന്ദ്രങ്ങള്‍ ഉണ്ടെന്ന് അപവാദ പ്രചാരണം നടത്തുന്നത്. എന്നാല്‍ ഈ രാജ്യത്തെ മുസ്ലീങ്ങള്‍ ആരെയും തടങ്കല്‍ കേന്ദ്രത്തിലേക്ക് അയക്കില്ല. മാത്രമല്ല ഇന്ത്യയില്‍ തടങ്കല്‍ കേന്ദ്രങ്ങളുമില്ല എന്നായിരുന്നു പ്രധാനമന്ത്രി നരേന്ദ്ര മോദിയുടെ പ്രസ്താവന. 3. മരട് ഫ്ളാറ്റ് പൊളിക്കാന്‍ ദിവസങ്ങള്‍ ശേഷിക്കെ, പൊളിക്കുന്ന ദിവസം ഇന്ധന വിതരണം താല്‍ക്കാലികം ആയി നിറുത്തിവയക്കാന്‍ അധികൃതരുടെ നിര്‍ദേശം. കുണ്ടന്നൂരിലെ പൈപ്പിലൂടെ ഉള്ള ഇന്ധന വിതരണമാണ് നിറുത്തിവയ്ക്കുക. പൈപ്പിലുള്ള ഇന്ധനം മാറ്റി വെള്ളം നിറയ്ക്കാന്‍ എക്സ്‌പ്ലോസീവ് വിഭാഗം ഐ.ഒ.സിക്ക് നിര്‍ദേശം നല്‍കി. ആദ്യം പൊളിക്കുന്ന എച്ച്.ടു.ഒ ഫ്ളാറ്റിന് സമീപത്തുള്ള ഐ.ഒ.സി പൈപ്പ് ലൈന്‍ വഴി ഇന്ധനം പമ്പ് ചെയ്യുന്നത് നിറുത്തി വയ്ക്കും. ഈ ഭാഗത്ത് പൈപ്പിനുള്ളില്‍ വെള്ളം നിറയ്ക്കാനും നിര്‍ദേശം 4. ഫ്ളാറ്റുകളിലെ മണ്ണ് പരിശോധനാ ഫലം തൃപ്തികരം എന്ന് കേന്ദ്ര സ്‌ഫോടക വസ്തു വിദഗ്ധര്‍ അറിയിച്ചു. ഫ്ളാറ്റുകളില്‍ നിറയ്ക്കാന്‍ ഉള്ള സ്‌ഫോടക വസ്തുക്കള്‍ തിങ്കളാഴ്ച കൊച്ചിയില്‍ എത്തും. ജനുവരി 11 ന് രാവിലെ 11 മണിക്ക് ആണ് ഹോളിഫെയ്ത്ത് ഫ്ളാറ്റ് പൊളിക്കുക. അന്ന് തന്നെ 11.30 ന് ആല്‍ഫാ സെറീനും പൊളിക്കും. ജനുവരി 12 രാവിലെ 11 മണിക്ക് ജെയ്ന്‍ കോറല്‍ഗോവ് , ഉച്ചയ്ക്ക് 2 മണിക്ക് ഗോള്‍ഡന്‍ കായലോരം എന്നിവ പൊളിക്കും. സ്‌ഫോടനം നടക്കുമ്പോള്‍ 4 മണിക്കൂര്‍ പരിസരവാസികള്‍ മാറി നില്‍ക്കാന്‍ നിര്‍ദേശം നല്‍കിയിട്ടുണ്ട്. 5. യുവമോര്‍ച്ച സംസ്ഥാന സെക്രട്ടറി സന്ദീപ് വാര്യര്‍ സമൂഹ മാദ്ധ്യമങ്ങളിലൂടെ നടത്തിയ അഭിപ്രായ പ്രകടനങ്ങളെ തള്ളി ബി.ജെ.പി സംസ്ഥാന ജനറല്‍ സെക്രട്ടറി എം.ടി. രമേശ്. ചലച്ചിത്ര പ്രവര്‍ത്തകര്‍ക്ക് എതിരെ സന്ദീപ് വാര്യര്‍ നടത്തിയ അഭിപ്രായ പ്രകടനം വ്യക്തിപരം ആണ്. കേന്ദ്രത്തെ വിമര്‍ശിക്കുന്നവരോട് പക പോക്കുന്ന സമീപനം ബി.ജെ.പിക്ക് ഇല്ല. സന്ദീപ് വാര്യരുടെ അഭിപ്രായം പാര്‍ട്ടി നിലപാടായി കാണേണ്ടത് ഇല്ലെന്നും എം.ടി രമേശ് പറഞ്ഞു 6. പൗരത്വ ഭേദഗതിക്ക് എതിരെ കൊച്ചിയില്‍ നടന്ന പീപ്പിള്‍സ് ലോംഗ് മാര്‍ച്ചില്‍ പങ്കെടുത്ത ചലച്ചിത്ര പ്രവര്‍ത്തകരെ ഭീഷണിപ്പെടുത്തി സന്ദീപ് വാര്യര്‍ ഫേസ്ബുക്കില്‍ പോസ്റ്റിട്ടിരുന്നു. മൈക്കും ജനക്കൂട്ടവും കണ്ട് രാഷ്ട്രീയ പ്രസ്താവനകള്‍ നടത്തുന്ന സിനിമാക്കാര്‍, പ്രത്യേകിച്ച് നടിമാര്‍ അച്ഛനോ സഹോദരനോ സെക്രട്ടറിയോ കൃത്യമായ ഇടവേളകളില്‍ ആദായ നികുതി അടയ്ക്കുന്നുണ്ടെന്ന് ഉറപ്പ് വരുത്തണമെന്നും അല്ലാത്ത പക്ഷം നികുതി വെട്ടിപ്പ് കൈയോടെ പിടികൂടുമ്പോള്‍ കണ്ണീര്‍ ഒഴുക്കരുത് എന്നുമായിരുന്നു സന്ദീപ് വാര്യരുടെ ഭീഷണി. 7. ഒരു നൂറ്റാണ്ടിനിടെയുള്ള രണ്ടാമത്തെ വലയ സൂര്യഗ്രഹണം വീക്ഷിച്ച് മലയാളികള്‍. കാസര്‍കോട് ചെറുവത്തൂര്‍ ആണ് ഗ്രഹണം വ്യക്തമായി ദൃശ്യമായത്. ചെറുവത്തൂരില്‍ 5000-ല്‍ അധികം പേരാണ് ഗ്രഹണം കാണാന്‍ ഒത്തുകൂടിയത്. 9.26 മുതല്‍ 9.30 വരെ നീണ്ടു നിന്ന വലയ സുര്യഗ്രഹണ സമയത്ത് സൂര്യന്റെ 90 ശതമാനവും ചന്ദ്രന്റെ നിഴലില്‍ മറഞ്ഞു. നഗ്നനേത്രം കൊണ്ട് ഗ്രഹണം വീക്ഷിക്കരുത് എന്ന മുന്നറിയിപ്പ് ഉണ്ടായിരുന്നതിനാല്‍ സോളാര്‍ ഫില്‍റ്ററുകള്‍ മുഖേനയും പ്രത്യേകം സജ്ജീകരിച്ച സ്‌ക്രീനുകള്‍ മുഖേനെയും ആണ് ആളുകള്‍ ഗ്രഹണം വീക്ഷിച്ചത്