Կապսուլային էնդոսկոպիա Նաիրի ԲԿ скачать в хорошем качестве

Կապսուլային էնդոսկոպիա Նաիրի ԲԿ

Ստանդարտ գաստրոդուոդենոսկոպիան կատարվում է կերակրափողա-ստամոքսային և 12- մատնյա աղու /աղեստամոքսային տրակտի վերին բաժինների/ ախտորոշման նպատակով՝ կիրառելով մասնագիտացված գործիք - գաստրոսկոպ, որն իրենից ներկայացնում է ճկուն զոնդ, հագեցած օպտիկական համակարգով: Գաստրոդուոդենոսկոպը ներմուծվում է ստամոքս և 12-մատնյա աղիք բերանի և կերակրափողի միջոցով: Ստամոքսի զննումը կատարվում է որոշակի հերթականությամբ ՝ կերակրափող, ստամոքս և 12- մատնյա աղիք: Հետազոտությունը ավարտվում է 12-մատնյա աղիքի վերին հորիզոնական, վայրէջ և ստորին հորիզոնական հատվածներով: Ստանդարտ կոլոնոսկոպիան՝գործիքային հետազոտության ժամանակակից եղանակ է, որը կիրառվում է հաստ և ուղիղ աղիքի պաթոլոգիկ վիճակը ախտորոշելու նպատակով: Ուսումնասիրությունը կատարվում է էնդոսկոպի օգնությամբ, որն անցկացվում է հետանցքով՝ աղիքի լուսանցք և աստիճանաբար շարժվում առաջ: Ժամանակակից բժշկության մեջ բարակ աղիքը համարվում է աղեստամոքսային տրակտի հետազոտության համար դժվար հասանելի հատվածներից: Բարակ աղիքի երկարությունը անհատական է, միջին երկարությունը կազմում է 3-5մ: Մինչև վերջին ժամանակները բժիշկները կարող էին տեսնել բարակ աղիքի վերին հատվածի միայն 30-40 սմ (12-մատնյա աղիք ) և 10-20 սմ ստորին հատվածը (զստաղիք): Ռենտգենյան և ոչ ինվազիվ այլ եղանակով կատարված hետազոտությունները կարող են բացահայտել միայն կոպիտ պաթոլոգիան: Կապսուլային Էնդոսկոպիան՝ էնդոսկոպիկ կապսուլայի օգնությամբ կատարվող բարակ աղիքի հետազոտությունը սկզբունքորեն նոր եղանակ է: Կապսուլային էնդոսկոպիայի սարքավորումը իրենից ներկայացնում է անլար սարք, որն իր մեջ ներառում է միկրոխցիկ, թվային մշակման սարք, անլար ընդունիչ և հաղորդիչ համակարգ, լուսավորող համակարգ և ալն: Կապսուլան բերանով ընդունելուց հետո, շարժվելով աղեստամոքսային տրակտում կատարում է անդադար նկարահանում և հաղորդում է այն թվային մշակման սարքին: Ստացված պատկերների հիման վրա բժիշկը կատարում է ախտորոշում: Հիվանդ X.՝ ծնված 1944թ. դիմել է Նաիրի ԲԿ սեպտեմբերի 28ին , 2016թ. վերջին 3-4 տարիներին ունեցած խրոնիկ փորլուծության գանգատներով: Ըստ հետազոտությունների տվյալների՝ ստանդարտ գաստրոսկոպիայի, կոլոնոսկոպիայի, արյան և մեզի անալիզների հիվանդի գանգատները բնութագրող ոչ մի պաթոլոգիա չի հայտնաբերվել: Սեպտեմբերի 30 -ին հիվանդը նախապատրաստվեց տեսակապսուլային էնդոսկոպիկ հետազոտությանը: Տեսակապսուլայի անցումը աղեստամոքսային տրակտի միջով տևեց 11 ժամ 52 րոպե: Հաջորդ առավոտ տեղեկությունը ձայնագրիչից տեղափոխվեց համակարգիչ և հատուկ լիցենզիոն ծրագրով մշակվեց, որի արդյունքում ախտորոշվեց ՝ էրոզիվ անտրալ գաստրիտ, դուոդենիտ, տերմինալ իլեիտ, մակերեսային կոլիտ: Հարկ է նշել, որ պրոցեդուրան անցկացնելուց առաջ պետք է ստամոքս-աղիքային տրակտը նախապատրաստել՝ հետևելով հատուկ սննդակարգի, կիրառելով աղիքային տրակտը մաքրող այլ միջոցներ, աղիքի տեսանելիության համար օպտիմալ պայմաններ ստեղծելու նպատակով: https://www.erebunimed.com/arm/news.m...