Ağdamda döyüşləri dayandıran Nizami Rəmziyə falçı hansı tükürpədən faktları demişdi? скачать в хорошем качестве

Ağdamda döyüşləri dayandıran Nizami Rəmziyə falçı hansı tükürpədən faktları demişdi?

#trend #1000production #nizamiremzi Onu çoxu meyxananın şahı sayır. Bəlkə də, ölümünə həm də belə məsələlər səbəb oldu. Həyatı həyəcanda, təhlükədə keçdi... Bir var idi, ustad meyxanaçı Nizami Rəmzi Nizami Rəmzi 1947-ci ildə Bakıda anadan olub. Ailədə dörd qardaş, bir bacı olublar. Ailənin ilk övladı olan Nizami atasını çox erkən itirdiyindən ailənin bütün yükü onun üzərinə düşüb. Təhsilini yarımçıq qoyub, ailəni saxlamaqda anasına kömək edib, süd satıb. Onu ilk toylara əmisoğlu Səlim aparıb. Nizami Rəmzi xarizmatik adam idi. Təkcə meyxanaçı kimi deyil, sözükeçən adam kimi tanınırdı. Öz aftoriteti sayəsində meyxananı qəbul etdirdi. O vaxta qədər qeyri-ciddi peşə sayılan meyxanaçı, Nizamidən sonra mərtəbəsini artırdı. İlk dəfə meyxananı musiqi ilə dedi, onu efirlərə və xarici ölkələrə çıxardı. Elə buna görə də, ənənəvi meyxanaçılar onu ciddi rəqib sayırdı və zaman keçdikcə bu rəqabət çirkin bir sima alırdı. Bu barədə bir az sonra... Nizami Rəmzi meyxananı yazanda elə yazırmış ki, beytlərin ilk hərflərindən də bir misra yaranırmış. Anasını həddindən çox sevib. İlk ailəsi dağılandan sonra ikinci dəfə Hicran adlı qadınla evlənib. Lakin anasının bu evlilikdən xəbəri olmayıb. Ona görə də evli ola-ola anası Nizamidən yenidən evlənməsini tələb edirmiş. Nizami anasına deyib ki, kimi istəyirsə, evinə gəlin gətirsin. Lakin, anasının gəlin gətirdiyi qadına qarşı soyuq davranandan bir müddət sonra həmin qadın evdən gedir. Nizami isə onun gedişində həmişə özünü günahkar bilib. Hicran adlı qadından isə onun dörd övladı doğulur. Bir qızı və oğlu faciəli şəkildə həlak olur. Nizami oğlunun adını özünə təxəllüs götürür. Ancaq Nizami Hicrandan da ayrılır. Ayrılığa səbəb isə qadın qısqanclığı olur. Həddindən artıq ağır xasiyyəti olub. Onu güldürmək çox çətin imiş. Qapı döyüləndə qapıya qadın xeylağının getməsinə qarşı çıxacaq qədər mühafizəkar imiş. Nizami qadınla duet ifa edən ilk meyxanaçı olub. Üçüncü evliliyi sonbeşiyim adlandırdığı özündən 23 yaş balaca Sevda adlı qadınla olub. Xızıda qastrolda olanda Nizami Rəmzi Sevdaya evlilik təklif edərək deyib: “Mənimlə qalarsan?” Ailəsinin bütün etirazlarına məhəl qoymayan Sevda Nizamiyə qoşulub qaçıb. Sonuncu evliliyindən Seyla adlı bir qızı olub. O, Müğənni Nadir Qafarzadəni uşaq yaşlarından özü ilə toylara aparırmış. Bir dəfə Nizaminin başı meyxanaya bərk qarışır. Yalnız səhərə yaxın o, Nadiri xatırlayır və onu avtomobillərdən birinə qısılaraq ağlayan vəziyyətdə tapır. Bu hal ona çox pis təsir edir. Pencəyini on iki yaşlı Nadirə geyindirib onu qucağına alır. Səhərə qədər Nadiri qucağında yatırır. 1990-ci il, Sovet dağılandan və Azərbaycanda baş verən hərcmərclik Rəmzinin meyxanalarına, mahnılarına siyasi bir sima qazandırdı. O, mahnılarından birində ölkədəki vəziyyəti, gileyi, şikayəti ustadına danışır, Vahidin qəbri üstünə gəlib ona məruzə edirmiş kimi dərdini danışır? 1992-ci ildə Ağdamda hərbçilər qarşısında konsert verməyə gedir. Konsertə icazə verilmir. Bildirilir ki, şəhər bombalanır, mülki əhali çıxarılıb, mümkün deyil. Sonra Nizami Rəmzi ərizə yazaraq bildirir ki, burada baş verən atışma nəticəsində ölsək, məsuliyyəti özümüz daşıyırıq. Onu da qeyd edir ki, bizim canımız burda şəhid olan oğlanlardan artıq deyil. Beləliklə, onun Ağdamda hərbçilər qarşısında konserti baş tutur. Təhlükəsizlik üçün Albert hətta qarşı tərəflə də danışıb, Nizaminin konserti olduğunu deyib. Ermənilər belə Rəmzini sevirmiş, onlar da həmin 2-3 saat ərzində Ağdama doğru müharibəni saxlayıb. Konsert bitəndən sonra müharibə yenidən davam edib. Ölümündə Ağasəlim Çıldağın adı hallansa da bu barədə heç nə sübut olunmayıb. Nizaminin ölümünün sifarişli olması məsələsi bu gün də danışılır. Bu işdə təkcə rəqibi olan meyxanaçıların deyil, başqa qüvvələrin də adı hallanır. Lakin bütün bunlar şaiyə olara qalır: Nizami Rəmzinin əvvəlki evliliklərindən olan övladlarının hamısı ilə münasibəti yaxşı olub. Ölən günə qədər onlarla əlaqəsi olub. Deyilənə görə Nizami az yaşayacağını bilirmiş. Bir qaraçı qadın fal açaraq deyib ki, sən çox məşhur olacaqsan, amma az yaşayacaqsan. Ölümündən əvvəl meyxanaçı dostu Kəbirlə birgə söhbətləşirmişlər. Kəbir kəndlərində dəfn olunan ölünün qəbirdə dirilməsindən, kəfənini cırmasından söhbət edib deyib, “Nizami, sən də öləcəksən, Ağasəlim də. Mən isə meyxananın kralı olacağam”. Nizami isə cavabında belə deyib. “Elə şey yoxdur, biz ikimiz də bir yerdə öləcəyik”. Bu söhbətdən 19 gün sonra 1997-cı il yanvarın 19-da – ad günündən Kəbirgilə gedəndə hər iki dost avtomobil qəzasına düşərək həlak olublar. Ad günündə çəkilən bu video isə Nizami Rəmzinin son görüntüləri olur... Nizami rəhmətə gedəndə Sevda 4 aylıq hamilə olub. Oğlu olacağını bilsə də, Nizaminin dəfnindən 40 gün sonra uşağı tələf etdirib. Nizaminin anasının oğlunun ölümündən xəbəri olmayıb, evdə qutab bişirəndə gəlini qapıdan içəri girib. Heç nədən xəbərsiz ana gəlinin simasından anlayıb ki, oğluna nə isə olub. Xəmirli əlləri ilə dizinə çırpıb qışqırıb: “Nizami hanı? Balama nəsə olub?”