الفريسة - حامد زيد скачать в хорошем качестве

الفريسة - حامد زيد

حامد زيد - الفريسة هذا الخطا اللي ما توقعت يخطيه شف كيف كشر طيب القلب نابه أثر الحسد لاعشعش بصدر راعيه يزرع من قلوب الحبايب ذيابه اللي تعلم من سكوتي تماديه علمني استقبل خطاه برحابه والواجب انه لو جحد فزعتي فيه مايجحد حقوق النسب والقرابه وانا اللي يوم ان المصايب تبكيه كنت اقرب إله بضيقته من ثيابه اللي تعاف اوله ... ينعاف تاليه وانا كفا صدري من الحزن ... مابه من لا وقف لي وقفة رجال ... مابيه يغني عن حضور المقفي ... غيابه من لافزع بالكايده مع بني خيه وقت الرخا مايحسب حساب لابه علمت غيري كيف لاصد ... ماجيه وانا تعلمت الصبر والصلابه اصد والضحكه من هني لهني وازداد بوقوعي شموخ و مهابة لان الكتوم ان مالقى من يواسيه ان مانشدته ماعلمت بمصابه لا صار بعدي عن رفيقي بيرضيه نذرن علي اني فلا طق بابه الضعف ماطيقه ولا طيق طاريه والدمع ما يرقى ولا ينرقابه ان ماجمعت وجيه مافرق وجيه ومن لابنيته ماسعيت لخرابه مثلي يعيش برفعته و معاليه وان طاح .. طاح من الثرى ... للسحابة قناعة اللي كسره الخبز ... تغنييه وشجاعة اللي ما يخاف المجابه بدري علي احسب لحسابه واحاتيه وبدري عليه ... يشيلني من حسابه كأني عتقته ... بعتقه رأفة فيه بعض العرب معزتك .. باجتنابة ماهو عشانه .. عشان المشاريه صرت احتمل زلات حظرة جنابه وانا لو اني بالتفت ... بالتفت ليه؟! الرمح غاالي والفريسه ذبابه اليا كسر في خاطرك شخص تغليه حتى المعاتب تستحي من عتابه اللي سكن صدري من الحزن يكفيه ملت تفاصيلي سكوت و رتابه شف من متى وانا اتحمل بلاويه واليا متى و انا احترق من عذابة أحزان تنثرني من التيه للتيه وأحزان تجمعني كآبه كآبه كان احترامي للقرابه مجريه يا شيخ ملعون امها من قرابة من لا يراعي خوتك لا تراعيه ومن لا يقدر هيبتك .. لا تهابة لو كل مخطي بستحي منه وارضيه نزلت قدري للردي والزلابه من هالدقيقه عطف واخلاص .. ما فيه والله لبدل طيبتي بالطلابه يا هييه .. مثلي ما يقولونله هييه مثلي خاطب باحترام و ذرابه اللي بيدخل في مزاجي .. بسويه واخاطب الفظ الغليظ .. بخطابه مثل الغلا اللي باخذه منه .. بعطيه يسمع جوابي مثل ماسمع جوابة وأنا اليا من قلتلي قول ... بوفيه ومثلي اليا من وكد العلم .. جابه سمه تحدي .. سمه الي تسميه بس الوكاد انه مهو باستجابة واللي مهو بقد المواجه ... يخليه ومن لا قدرت تهيبك منك .. هابه الله يعز وجيه و يطمن وجيه حنا بشر .. لكن بشر وسط غابه ومن لا فزع بالكايده مع بني خيه وقت الرخى ... ما ينحسب حساب لابه By : Creativity Design Studio www.creativity-design.com