රජයේ ලිංගික තීරණ අභියෝගයට – දැන් මොනවද වෙන්නේ? скачать в хорошем качестве

රජයේ ලිංගික තීරණ අභියෝගයට – දැන් මොනවද වෙන්නේ?

වෛද්‍යමය සැත්කම් හරහා පුද්ගලයෙකුට තම කැමැත්ත අනුව ලිංගිකත්වය වෙනස් කර ගැනීමට අවසර ලබාදීම සම්බන්ධයෙන් රජය ක්‍රියාත්මක කර ඇති නීති සහ ප්‍රතිපත්ති අභියෝගයට ලක් කරමින් ඉදිරිපත් වූ මූලික අයිතිවාසිකම් පෙත්සමක් ශ්‍රේෂ්ඨාධිකරණය විසින් විභාගයට ගැනීමට තීරණය කර ඇත. මෙම පෙත්සම ශ්‍රී ලංකා ගුවන් හමුදාවේ විශ්‍රාමික නිලධාරියෙකු වන ශාන්ත ජයතිලක මහතා විසින් ඉදිරිපත් කර ඇති අතර, 2016 වසරේ සෞඛ්‍ය අංශ නිකුත් කළ උපදෙස් මත පදනම්ව සැත්කම් මගින් ලිංගිකත්වය වෙනස් කළ පුද්ගලයන්ට නව උප්පැන්න සහතික සහ ජාතික හැඳුනුම්පත් නිකුත් කිරීම නීතිවිරෝධී බව ඔහු චෝදනා කරයි. පෙත්සම්කරු පෙන්වා දෙන්නේ උපතින් උරුම වන ජීව විද්‍යාත්මක ලිංගිකත්වය නොසලකා, හුදු පුද්ගල අභිලාෂය මත පමණක් ලිංගික අනන්‍යතාව වෙනස් කිරීමට මෙරට නීතියෙන් ඉඩක් නොමැති බවයි. එමෙන්ම මෙවැනි ලිංගික පරිවර්තන සඳහා රජය අනුබල දීම හරහා නීතියෙන් පිළි නොගන්නා සමලිංගික විවාහ සඳහා වක්‍රව මග පෑදෙන බවද පෙත්සමෙහි සඳහන් වේ. මෙම නඩුව ප්‍රීති පද්මන් සූරසේන, ශිරාන් ගුණරත්න සහ අචල වෙංගප්පුලි යන ත්‍රිපුද්ගල විනිසුරු මඩුල්ලක් හමුවේ සලකා බැලුණු අතර, අදාළ කරුණු සම්බන්ධයෙන් පැහැදිලි කිරීම සඳහා හිටපු සහ වත්මන් රාජ්‍ය නායකයින් ඇතුළු පාර්ශව කිහිපයකට නොතීසි නිකුත් කිරීමට අධිකරණය නියෝග කර ඇත. පෙත්සම ලබන ජූලි මස 20 වන දා නැවත කැඳවීමට නියමිතය. ජනමත විචාරණයකින් තොරව මෙවැනි තීරණාත්මක ප්‍රතිපත්ති වෙනස්කම් සිදු කිරීම නීත්‍යානුකූල නොවන බවට පෙර අධිකරණ තීන්දු ද මෙහිදී උපුටා දක්වා ඇති අතර, මෙම වැඩපිළිවෙලවල් හරහා මූලික මිනිස් අයිතිවාසිකම් උල්ලංඝනය වී ඇති බව ප්‍රකාශ කරන ලෙස පෙත්සම්කරු ශ්‍රේෂ්ඨාධිකරණයෙන් ඉල්ලා සිටී. 👉 ඔබගේ අදහස comment කරන්න 👉 වීඩියෝව Like කර Subscribe වන්න 👉 තවත් නීතිමය සහ දේශපාලන විග්‍රහ සඳහා Channel එක follow කරන්න #SriLankaNews #SupremeCourtSL #FundamentalRights #GenderIdentity #GenderChange #SriLankaPolitics #HumanRightsSL #LegalChallenge #SCFRPetition #HealthMinistrySL #TransgenderDebate #NationalID #BirthCertificate #GovernmentPolicy #SriLankaLaw #PoliticalAnalysis #CurrentAffairsSL #SinhalaNews #BreakingNewsSL #AnjanaUdara