Туған өлкем Түгіскенім скачать в хорошем качестве

Туған өлкем Түгіскенім

"Түгіскен ТШ" ЖШС-нің диқандары егінге орақ салып, Сыр салысын шашпай - төкпей жинап алудың қамына кірісті. Алғашқы орақ салу рәсіміне аудан әкімі Руслан Рүстемұлы Рүстемов Ыбырай Жақаев атындағы Қазақ Күріш Ғылыми-Зерттеу Институты директоры Қамбарбек Амангелдіұлы Мүбараков, Ауданның құрметті азаматтары, шаруашылық директоры, Нематилла Рустемов ғалымдар, ауыл ақсақалдары мен еңбеккерлер қатысты. Алғашқы орақ салу шарасында аудан басшысы сөз сөйлеп, науқандық жұмысты бастаған Түгіскендіктерге құттықтау лебізін жеткізді. Ауданда күріш егетін ірі шаруашылықтар жұмысы жолға қойылып, шаруасы шараған. Солардың қатарындағы "Түгіскен ТШ" ЖШС - нің еңбеккерлері жыл сайын қамбаны астыққа толтырып, аудан мерейінің үстем болуына үлес қосуда. Биылғы жылы да шаруашылық диқандары жоғары жетістікке жетеді деген сенімдеміз. Астықты шашпай - төкпей, ысырапсыз жинап алуға тілекшіміз. Қамба дәнге толсын -- деді, аудан әкімі. Серіктестіктің N"2 өндірістік егіс бригадасы алқабында өткен шарада жергілікті мәдениет саласының өнерпаздары әннен шашу шашып, сала ардагерлері ақ батасын беріп, егіннің бітік шығуына тілектестіктерін білдірді. – Күріштің өнімділігі көңіл қуантады. Орым науқанына барлық техника мен құрал-жабдықтар сақадай сай. Сәтін салса мемлекет көрсеткен зор қолдаудың арқасында мол өнім алуға дайынбыз, – дейді шаруашылық директоры Нематилла Рустемов Шаруашылықта 65 адам жұмыспен қамтылған. Ағымдағы жылы негізгі өнім Сыр салысын 1250 гектар алқапқа егіп, одан мол өнім алуға ниетті. #Жаңақорған