The Buddhism explained by San Sochea follower (2021 new) សទ្ធា​ (Saddhā) скачать в хорошем качестве

The Buddhism explained by San Sochea follower (2021 new) សទ្ធា​ (Saddhā)

The Buddhism explained by Monk San Sochea follower (2021 new) សទ្ធា​ (Saddhā) ១. កម្មសទ្ធា គឺជាការជឿកម្ម, ជឿច្បាប់នៃកម្ម, ជឿថាកម្មមានពិត គឺជឿថា បើធ្វើអ្វីដែលប្រកបដោយចេតនា គឺផ្ចង់ចិត្តធ្វើ រមែងជាកម្ម គឺជាអំពើអាក្រក់ឬល្អកើតឡើងក្នុងចិត្ត ជាហេតុបច្ច័យឱ្យកើតផលល្អ ផលអាក្រក់តទៅ អំពើទាំងឡាយគឺមិនសាបសូន្យ និងជឿថាផលដែលត្រូវការសម្រេចបានដោយទង្វើ មិនមែនដោយការអង្វរករ ការបន់ស្រន់សុំសេចក្តីសុខ ឬដេកចាំជោគវាសនាជាដើម ។ ២. វិបាកសទ្ធា គឺការជឿទៅលើលទ្ថផលដែលយើងទទួលបាន មានន័យថាជឿវិបាក, ជឿផលនៃកម្ម, ជឿថាផលនៃកម្មមានពិត ទោះជាអាក្រក់ល្អមានក្រខ្វះខាតក៏យើងមិនមានការអាក់អន់ស្រពន់ចិត្តអ្វីចំពោះអ្នកណាដែរ ផលទាំងឡាយមិនមែនបានមកពីឪពុកម្តាយ ឬក៏អាទិទេពណាមួយនោះទេ អ្វីៗគឺកើតមានកំណើតអំពីខ្លួនឯងទាំងអស់ មានតែការខំព្យាយាមបំពេញការងារ រៀនសូត្រ ការប្រព្រឹត្តសេចក្តីល្អ ដើម្បីកែច្នៃ និងត្រួសត្រាយផ្លូវទៅរកសេចក្តីល្អ ។ ៣. កម្មសកតាសទ្ធា គឺកម្មជារបស់ខ្លួនគ្មាននរណាចែក ឬផ្តល់ឲ្យនោះទេ មានន័យថា សត្វមានកម្មជារបស់ខ្លួន, ជឿថាម្នាក់ៗ ជាម្ចាស់នៃកម្ម នឹងត្រូវទទួលខុសត្រូវ សោយវិបាក ប្រព្រឹត្តទៅតាមកម្មរបស់ខ្លួន គឺថាខ្លួនយើងជាអ្នកធ្វើ គឺខ្លួនយើងអ្នកទទួល ។ មាតាបិតាគ្រាន់តែបានផ្តល់ឲ្យយើងបានត្រឹមតែរូបកាយ ប៉ុន្តែចិត្ត វិញ្ញាណ វាសនា វិបាករបស់កម្មផ្សេងៗគឺជាកំណប់ព្រេងដែលយើងបានសន្សំទុកអស់កាលដ៏យូរមកហើយបូកផ្សំ និងបច្ចុប្បន្នកម្មរបស់យើងផង រួមបញ្ចូលគ្នាចេញជាលទ្ធផលឲ្យយើងឃើញក្នុងពេលឥឡូវនេះ ។ ៤. តថាគតពោធិសទ្ធា (ជឿការត្រាស់ដឹងរបស់ព្រះពុទ្ធជាម្ចាស់, ជឿជាក់ក្នុងអង្គព្រះតថាគតថាទ្រង់ជាព្រះសម្មាសម្ពុទ្ធ ទ្រង់មានព្រះគុណទាំង ៩ ប្រការ ត្រាស់សម្ដែងធម៌ បញ្ញត្តវិន័យទុកដោយល្អ ទ្រង់ជាអ្នកនាំផ្លូវដែលបង្ហាញឱ្យឃើញថា មនុស្សគឺយើងគ្រប់គ្នានេះ ប្រសិនបើទូន្មានខ្លួនដោយល្អ ក៏អាចចូលដល់ភូមិធម៌ដ៏ឧត្តុង្គឧត្តមបរិសុទ្ធផូរផង់រួចផុតចាកទុក្ខបាន ដូចដែលព្រះអង្គបានបំពេញទុកជាតួយ៉ាង ។