रेल्वे बोगद्यातील त्रुट्या दूर करा,पुणे गाडी सुरू करा आ. रघुवंशींची जी.एम प्रदीप कुमारांशी चर्चा скачать в хорошем качестве

रेल्वे बोगद्यातील त्रुट्या दूर करा,पुणे गाडी सुरू करा आ. रघुवंशींची जी.एम प्रदीप कुमारांशी चर्चा

रेल्वे बोगद्यातील त्रुट्या दूर करा, पुणे गाडी सुरू करण्यासाठी निवेदन आ.चंद्रकांत रघुवंशींची जी.एम प्रदीप कुमारांशी चर्चा नंदुरबार (प्रतिनिधी)- शहरातील रेल्वे पुलाखालील बोगद्यातील त्रुट्या दूर करून पावसाळ्यात साचणाऱ्या पावसाच्या पाण्याचा योग्य निचरा होण्यासाठी कायमस्वरूपी उपायोजना करावी त्याचप्रमाणे नंदुरबार मार्गे पुणे जाण्यासाठी रेल्वे सुरू करण्याची मागणी शिवसेनेचे संपर्कप्रमुख आमदार चंद्रकांत रघुवंशी यांनी पश्चिम रेल्वेचे जनरल मॅनेजर प्रदीप कुमार जी. यांना निवेदनातून केली आहे. नंदुरबार स्थानकावर अमृत भारत योजनेअंतर्गत विविध विकास कामे करण्यात येत आहेत. कामांची पाहणी करण्यासाठी पश्चिम रेल्वेचे जनरल मॅनेजर प्रदीप कुमार जी. गुरुवारी आले असता आ.रघुवंशींनी निवेदन सादर केले.नंदुरबार शहरातील नळवा रस्त्यावर रेल्वे पुलाखाली बोगदा तयार करण्यात आलेला आहे. या बोगद्यातून मोठ्या संख्येने नागरिक प्रवासासाठी वापर करीत असतात. तथापि, पावसाळ्यात बोगद्यामध्ये मोठ्या प्रमाणात पाणी साचते ज्यामुळे पादचाऱ्यांना आणि वाहनांना त्रास होतो. पाणी साचल्यामुळे पावसाळ्यात जवळजवळ ४ महिने बोगदा पूर्णपणे बंद राहतो. त्यामुळे वाहतूक कोंडी होते आणि नागरिकांना त्रास सहन करावा लागत असल्याचे निवेदनात नमूद करण्यात आले आहे. बोगद्याची जबाबदारी रेल्वेची निवेदनात म्हटले की,बोगद्यामध्ये साचलेल्या पाण्याचा रहिवाशांच्या आरोग्यावरही विपरीत परिणाम होतो. साचलेले पाणी काढून टाकण्यासाठी, नंदुरबार नगरपालिका परिषदेला या समस्या सोडवण्यासाठी मोठे बूस्टर पंप बसवावे लागतात. तथापि, या प्रकरणाची जबाबदारी पूर्णपणे रेल्वे प्रशासनाची आहे. राज्य शासनाने या अंडरपासचा बांधकामासाठी नगर परिषदेमार्फत रेल्वे विभागाला २ कोटी ९६ लाख रुपये दिले. ७ वर्षानंतरही काम असमाधानकारक बोगदा पूर्ण होण्यासाठी ७ वर्षाचा दीर्घ कालावधी उलटूनही काम समाधानकारक ठरलेले नाही. रेल्वे प्रशासनाने पावसाळ्यात साचणाऱ्या पावसाच्या पाण्याचा योग्य निचरा होण्यासाठी कायमस्वरूपी उपाय तयार करून त्याची अंमलबजावणी करावी. यावेळी शिवसेना जिल्हाप्रमुख ॲड.राम रघुवंशी, उपनगराध्यक्ष प्रथमेश चौधरी, बांधकाम सभापती देवेंद्र जैन, पाणीपुरवठा सभापती कैलास पाटील, आरोग्य सभापती प्रीतम ढंडोरे,नगरसेवक किरण रघुवंशी,नगरसेवक यशवर्धन रघुवंशी,कुणाल वसावे,नरेंद्र चौधरी, राऊ मोरे,प्रवीण गुरव,चेतन वळवी,पप्पू गिरासे,जितेंद्र मराठे,रोशन कुरेशी, प्रशांत चौधरी,भूषण नेरे,सुभाष पानपाटील आदी उपस्थित होते.