Spestian (MG) | حبر على الورق скачать в хорошем качестве

Spestian (MG) | حبر على الورق

   • Spestian - Mix   الصفحة الرسمية على الفيس بوك:   / militaryghost.spestian   الحساب الرسمي على تويتر :   / spestian_mg   رابط التراك mp3 http://www.gulfup.com/?B5VKb4 كلمات التراك : verse 1: جواي أحلام كتيرة وامنيات ما بتنتهي بس ليه لمن تولع نار التغيير تاني بتنطفي شايف قدامي ملامح مستقبل كامل بتختفي وأنا عايش في زمن نادر ما تلقى فيهو صديق وفي بقول كلامي لانو ناتج عن قناعة ضميري صاحي ما بنوم ليوم قيام الساعة بالجد حقيقة انو بلدنا ماشة في سكة هاوية وما بعيد انو السودان بعد سنين يدخل في مجاعة كل ما نقول نعبر , يقولوا خططكم مستحيلة كل ما نقول نغير , يقولوا وين الشخصية البديلة كل ما نقول نفكر , يقولوا خلاص اسكتوا كفاية وتلقائيا تلقى روحنا لسه في نقطة البداية مهما قولتوا ومهما عدتو بنبقى شمعة وسط ظلام ومهما كتفتوا الايادي ما بتكتفوا الكلام ح نبدا نطور في سوداننا مدام شايفين بصيص أمل وما بيهم الانتقاد مدام هدفنا هو العمل I see my people keepin tryin , all time .... but the leards keepin lying , all time ... I wonder why we live like animal in zoo... and why the strong eat the weak and kill em too... verse2 : 2013جات ونحنا لسة زي ما نحنا شعوب بتبني ناطحات ونحنا بكباري فرحنا اسمع ما تتسرع وتقول علي جاحد نعمة أنا بس بقول : ماف توافق بين الأخد والعطا أسر ممرمطة , امورهم ملخبطة أطياف الفقر لافة حوليهم زي أشباح مسلطة غضب إلهي , وهم شايلين الصبر راس مالهم دعوة خالصة للإله في صلاة فجر من قمت وانا ما بسمع في السودان غير الوعود هل انكتب علينا نشوف ماّسي في خانة البنود أحلامنا إتبخرت في وشها قامت السدود ريحة الظلم والفساد فاحت وفاقت الحدود وفي النهاية أنا بقول لكل جائر رب بتمنى لكل ظالم لجهنم يكون حطب عدالة السماء تتحقق وينزل عليه غضب دعوة المظلوم لا ترد مهما كان السبب verse 3: 75%من المجتمع طبقة كادحين والسبب سكوتنا على الوضع العايشين عليه سنين رب الأسرة ماشي في الشارع وبيتكلم مع نفسو مصاريف العيال كترت وبقت أكبر من همو حسابات , وتضريبات , وزمن البهجة ولى وفات والشاب في عمر الثلاثين نتلقى الشيب في شعر راسو زاد مراسم الزواج , قرابة ال200 مليون والشاب يعيش حياتو كلها غارق في الديون ملعون ابو القروش الخلى الناس تبيع ضميرها ملعون ابو القروش الخلى الناس تدوس فقيرها ملعون ابو القرش البصنع من المسؤول إله ملعون ابو أم الأمة الما بتقدر تصنع مصيرها ملعون ابو القرش الخلى البت تبيع شرف ملعون فكر أي فاجر في الرذيلة إنجرف ملعون الحكم الظالم الإتحكم في الناس وإتجبر إتشبه بفرعون أفسد في الأرض وكمان إتكبر verse 4 : أحسن أعيش تحت الأرض يمكن تكون لي هي الوطن بدل ما أنا عايش في بلدي والهم في قلبي إختزن عالم مركب بالغلط , باع ضميره واقترض سجن نفسه في زنزانة بعد ما الواقع إنفرض عالم عامل زي الضباب , تلقى الأمل يطلع سراب تجري وتسك حقك , والله يشربوك الذل شراب نسيت أنا ذكرياتي ودفنتها في تابوت حياتي وكل ما أحب أفضفض برجع وأقرا حروف كلماتي ليه الأمة كلها بتتقدم وحضارتنا بتتهدم خطوات عملية بتتكتب , والانسانية بتتغلب والموزاين بتتقلب , والمروءة بتتسحب صفات قبيحة بتنتشر , أخلاق حميدة بتندثر قلتها وبعيدها تاني : مستحيل نحاول نحصد , من غير ما نفكر نزرع نتكلم من غير ما نسمع , نتفلهم من غير ما نصنع ولو بالجد دايرين نتغير نبدأ بالأنفس أول وتاني حاجة هي المجتمع