The Universal Amazing World Record | MATRU - PITRU PUJAN : A JOURNEY TOWARDS INDIAN/ SANATAN CULTURE скачать в хорошем качестве

The Universal Amazing World Record | MATRU - PITRU PUJAN : A JOURNEY TOWARDS INDIAN/ SANATAN CULTURE

સુરતના ગોડાદરા વિસ્તારમાં છેલ્લા 17 વર્ષ સુધી સમાજને શિક્ષણ, સંસ્કાર અને વ્યક્તિત્વ વિકાસ સાથે જવાબદાર નાગરિક પૂરા પાડતી સાંદિપની વિદ્યાલયએ ૧૪ ફેબ્રુઆરી ૨૦૨૬, શનિવારના રોજ "માતૃ-પિતૃ પૂજન દિવસ" નિમિત્તે ૫૧૦૦ થી વધુ વિદ્યાર્થીઓ અને વાલીઓને ભારતીય/ સનાતન સંસ્કૃતિ તરફ જાગૃત કરી 'યુનિવર્સલ અમેઝિંગ વર્લ્ડ રેકોર્ડ' ની ખ્યાતિ પ્રાપ્ત કરી હતી.સમાજમાં ફેબ્રુઆરી માસ અને પશ્ચિમી સંસ્કૃતિ પ્રત્યેના વધી રહેલા પ્રયાણની સામે સાંદિપની વિદ્યાલય દ્વારા તારીખ ૩ ફેબ્રુઆરી ૨૦૨૬ થી ૧૪ ફેબ્રુઆરી ૨૦૨૬ સુધી સતત ગોડાદરા વિસ્તારની ૪૦થી વધુ સોસાયટીઓ / શેરીઓમાં જઈ શાળાના શિક્ષકોએ માતૃ-પિતૃ પૂજન કાર્યક્રમ હાથ ધરી સામૂહિક તેમજ વ્યક્તિગત માતૃ-પિતૃ વંદના, વ્યાખ્યાન અને આશીર્વાદ સમારોહ યોજી સમાજને ભારતીય સંસ્કૃતિ તરફ આગળ વધવાની પ્રેરણા પૂરી પાડી હતી. આ જાગૃતિ અભિયાન દરમિયાન શાળાએ 5100 થી વધુ વિદ્યાર્થી અને વાલીઓને જાગૃત કરવાની સાથે યુનિવર્સલ અમેઝિંગ વર્લ્ડ રેકોર્ડ ખાતે નોંધણી નોંધાવી અદભુત સિદ્ધિ પ્રાપ્ત કરી હતી. તારીખ 14 ફેબ્રુઆરી 2026 શનિવારના રોજ બપોરે ૦૩.૦૦ કલાકે શાળામાં આ ખ્યાતિ માટેની સેરેમની સુંદર આયોજન કરવામાં આવ્યું હતું. જેમાં યુનિવર્સલ અમેઝિંગ વર્લ્ડ રેકોર્ડ સંસ્થા તરફથી મેનેજિંગ ડિરેક્ટર શ્રી અશ્વિનભાઈ સુદાની, ગોડાદરા વિસ્તારના આસપાસના વરિષ્ઠ પત્રકારો, શાળાના મેનેજિંગ ડિરેક્ટર શ્રી ઉમેશભાઈ અરજનભાઈ આહીર, શ્રી દિનેશભાઈ અરજનભાઈ આહીર, શાળાના ગુજરાતી માધ્યમના આચાર્ય શ્રી શાહીદ જી. કુરેશી, હિન્દી માધ્યમના આચાર્ય શ્રી રાહુલ અરુણ પાટીલ અને અંગ્રેજી માધ્યમના આચાર્ય શ્રી સંદીપ આર પટેલ, વિશ્વ વિક્રમના સાક્ષી ડો. દેવરાજ એસ. હડિયા તેમજ શાળાના વિદ્યાર્થી અને વાલીઓ મોટી સંખ્યામાં ઉપસ્થિત રહ્યા હતા.શ્રી અશ્વિનભાઈ સુદાની સાહેબે સમિતિના પ્રોટોકોલ મુજબ પ્રાસંગિક સંબોધન કરી શાળાને સર્ટિફિકેટ એનાયત કર્યું હતું. સાથે સાથે ધોરણ ૧૦ અને ૧૨ ના વિદ્યાર્થીઓને બોર્ડની પરીક્ષા બાબત શુભકામનાઓ પાઠવી હતી. શાળાના મેનેજિંગ ડિરેક્ટર શ્રી ઉમેશભાઈ આહીરે ઉપસ્થિત સર્વે મહેમાનો, સોસાયટીના પ્રમુખો અને આ પાવન કાર્યમાં જોડાનાર તમામ શિક્ષકમિત્રોનો આભાર વ્યક્ત કર્યો હતો.