Annapurna Circuit Trek | Day 03 | Chame to Pisanig | ලොව ලස්සනම කදුකර මාර්ගය දිගේ ලොව උසම විල සොයා скачать в хорошем качестве

Annapurna Circuit Trek | Day 03 | Chame to Pisanig | ලොව ලස්සනම කදුකර මාර්ගය දිගේ ලොව උසම විල සොයා

ලෝකයේ උසින්ම පිහිටා ඇති ලෝකයේ ලස්සනම ගමන් මග ලෙස හදුන්වන "අන්නපූර්ණ සර්කිට්" එක දිගේ ගිය වික්‍රමාන්විත සංචාරය. තෙවන කොටස - චාමේ සිට පිසැන්ග් දක්වා. චාමේ ගත කල රාත්‍රිය ඉතා සීතල එකක් වූ අතර මැදියම් රෑ වන තුරුම නවාතැන්පොළ මැද තිබූ චිමිනිය අසලට වී සිටීමට ටැන්ජී ඇතුලු අප කණ්ඩායම යොමු වූයේ පැවතුනා වූ අධික සීතලෙන් මොහොතකට හෝ අස්වැසිල්ලක් ලබා ගැනීමට යි. චිමිනිය ආසන්නයේම තබාගෙන සිටි මාගේ පාද යුගලය මේස් යුගල දෙකකින් ආවරණය කරගෙන සිටි අතර මේස් දෙකටම යට කොට ඇති "තර්මල්" වර්ගයේ කලිසමට උඩින් මා තවත් කලිසමක් ඇද සිටියේ පාද හරහා සිරුරට දැනෙනා සීතල ඉතා වැඩි වූ නිසාවෙනි. මුහුදු මට්ටමේ සිට ටිකෙන් ටික ඉහලට ගමන් කිරීමත්, ඉහල කදුකරයේ පැවතුනා වූ අධික සීත කාලගුණයත්,ශරීරයට එල්ල කලේ යම්කිසි අභියෝගය කි. කෙසේ වෙතත් තව දිනක් හෝ දෙකක් ඇතුලත මේ වෙනස් වූ පරිසර රටාවට අපගේ ශරීර කෙසේ හෝ හුරු කර ගත යුතුය. මක්නිසාද යත් තව තවත් ඉහල කදුකරයට යත්ම මේ සීතල සීග්‍රයෙන් වැඩි වන නිසාවෙනි. රෑ කෑම සදහා (ඩාල් බාත්) පරිප්පු සමගින් බාස්මති සහලේ බත් ආහාරයට ගත් අතර රෑ කෑමෙන් පසු නැවතත් මද වේලාවක් චිමිනිය අසලට වී හිද අපගේ කාමර වෙත ගමන් කලේ දවසේ නිමාව සනිටුහන් කොට නින්දට වැටීමටයි. මුලු සිරුරම වැසෙන පරිද්දෙන් පොරවාගෙන සිටි බ්ලැන්කට්ටුවෙන් එක් පාදයක් පමණක් මදක් පිටතට ගොසිනි. නින්දේ සිටි මාගේ සීතලෙන් වෙලී ගිය පාදය මේ වන විට හිරි වැටී ගොසිනි. එක් වරම අවදි වූ මා නැවතත් හරි බරි ගැසී බ්ලැන්කට්ටුව පොරවා ගත්තේ "එලිත් වෙලාද මෙච්චර ඉක්මනට" යැයි මා හටම කියා ගනිමිනි. එහා මෙහා නොපෙනෙන බ්ලැන්කට්ටුව දෑස් පමණක් පෙනෙන පරිදි මදක් පහත් කොට මාගේ ඉදිරිපසින් ඇති වීදුරු කවුළුව දෙස බැලුවේ හිරු එලිය වැටී උදෑසන සම්පූර්ණ වී ඇත්දැයි සැක හැර බලා ගැනීමටයි. මීදුමෙන් බොද වී ඇති වීදුරු කවුළුවට ඔබ්බෙන් රන්වන් පැහැයෙන් බබළන්නේ විශාල කඳු පන්තියකි. සැබැවින්ම මාගේ නිදිබර නෙත් යුගලය නැවතත් මා පිසදා බැලූවේ මේ සිහිනයක් දෝ යැයි හැගුණු නිසාවෙනි. "හිරුගේ ආගමනයෙන් රන් පැහැ ගැන්වෙන සුදෝ සුදු වන් හිමෙන් වැසී ගිය ආදරණීය කදුකරය..." මා හනි හනිකට බ්ලැන්කෙට්ටුව උරහිස් වටා කරකවාගෙන ඇදෙන් පැන දොර අසළට දිව ගියේ මේ සොඳුරු නිමේශය බොදව ගිය කවුළුවෙන් නොව නිදහස් දෑසින් යුතුව විද ගැනීමේ බලාපොරොත්තුව පෙරදැරිව යි. අප නවාතැන් ගෙන තිබූ කාමර පේලියට පසුපසින් ඇති මාසියැන්ඩි ගංගා නිම්නයට එපිටින් ඇති කඳු වැටියට ඉහලින් පායා ඇති හිරුගේ හිරු කිරණ අපගේ ඉදිරිපසින් ඇති කඳු මතට වැටී, හිමෙන් වැසී ඇති සුදෝ සුදුවන් කඳු මුදුන් කහ,තැඹිලි සහ රත්තරන් වැනි වර්ණ වලින් වර්ණවත් වී ඇත්තේ සොබාදහමේ මනස්කාන්ත බව විදහා දක්වමිනි. මෙලෙස දින ගණනාවක් කදුකරයේ දී අප විදි සුන්දරත්වය සහ අත්දැකීම් අලෙලා සිදු කල රූප රචනාවයි. ආයුබෝවන් මම දිනේෂ්. On the 3rd day of our journey from Chame (2,670 m) to Pisang (3,250 m), Despite the freezing weather, we quickly woke up and got ourselves ready for the 3rd day of our journey. After finishing our breakfast of Tibetan bread with soup, we started our journey, thinking that these steps we once took wouldn’t be returning, as we wouldn’t be taking the same route on our return. The colourful Marshyangdi River, paths with multicoloured stones, blue mountains, and pine trees make this trek one of the most spectacular, yet challenging hikes in the world. I must say that this hike is a challenging one, but with the blink of an eye, our grievances are washed away by the beauty of nature. Along the way, we passed an apple orchard and an apple wine brewery. Even though it was not the season, we managed to eat a few fresh apples on our way. We stopped in a small café for our lunch and made it to our destination, Pisang, before sunset. Pisang Lodge was surrounded by mountains; when we opened our room window, there were breathtaking views of snowy mountains. We quickly finished our dinner and went to bed, as we must sleep to dream again about the mesmerizing world we live in. I hope you will enjoy the video. Greetings, I am Dinesh