"Naxışlı Novruz" adlı konsert proqramı скачать в хорошем качестве

"Naxışlı Novruz" adlı konsert proqramı

Azərbaycan Dövlət Uşaq Filarmoniyası “Naxışlı Novruz” adlı konsert proqramı ilə çıxış edib. 15 mart 2024-cü il tarixində Dövlət Uşaq Filarmoniyası Azərbaycan Dövlət Gənc Tamaşaçılar Teatrının səhnəsində ənənəvi Novruz konserti ilə çıxış edib. Milli adət-ənənələrin zəngin olduğu Novruz bütün uşaqların sevimli bayramıdır. Proqram xalq və bəstəkar mahnı, rəqsləri ilə olduqca zəngin idi. Xüsusiylə balaca balaların ifasında bayram əhval-ruhiyyəli ifalar üstünlük təşkil edib. “Musiqili Uşaq Teatrı”nın səhnəcikləri Novruzun ən maraqlı adətlərini, personajlarını – qapı pusmaq, papaq atmaq, çərşəmbələr, Bahar qız, Göyçək Fatma, Cırtdan – özündə cəmləşdirmişdir. Proqramda Dövlət Uşaq Filarmoniyasının “Sədəf” xalq çalğı alətləri ansamblı, “Şəms” uşaq xoru, “Güləbətin” vokal ansamblı, “Musiqili Uşaq Teatrı”, oğlan və qızlardan ibarət rəqs ansamblı olduqca peşəkar, rəngarəng çıxışları ilə zalda əyləşən tamaşaçıların marağına səbəb olub. Səhnədə balaca ulduzlarının performansları tamaşaçılar tərəfindən böyük maraq və rəğbətlə qarşılandı. Proqramın sonu xalqımızın güc və birliyini, mübarizliyini əks etdirən ən qədim rəqslərdən biri olan “Yallı” rəqsinin sədaları altında bütün iştirakçıların səhnəyə çıxması ilə tamamlanıb.