విలువల విద్యాసదస్సు | Value Education Conclave | AddaRoaddu | Brahmasri Chaganti Koteswara Rao garu скачать в хорошем качестве

విలువల విద్యాసదస్సు | Value Education Conclave | AddaRoaddu | Brahmasri Chaganti Koteswara Rao garu

ఆంధ్రప్రదేశ్ రాష్ట్ర హోం, విపత్తు నిర్వహణ శాఖ మంత్రి శ్రీమతి వంగలపూడి అనిత గారి ఆధ్వర్యంలో పాయకరావుపేట నియోజకవర్గం అడ్డ రోడ్డు లోని ఆదర్శ పాఠశాలలో ఈరోజు (05-02-2026) నిర్వహించిన "విద్యా దీప్తి - సంస్కార స్ఫూర్తి" సభలో పూజ్య గురుదేవులు, "ప్రవచన రత్నాకర", "వాచస్పతి", ఆంధ్రప్రదేశ్ ప్రభుత్వ విద్యార్థుల నైతిక విలువల సలహాదారు, బ్రహ్మశ్రీ చాగంటి కోటేశ్వరరావు గారు ముఖ్యఅతిథిగా పాల్గొన్నారు. పెద్ద సంఖ్యలో హాజరైన వివిధ పాఠశాలల విద్యార్థులకు ధృతి, దృష్టి, మతి, దాక్ష్యము అనే నాలుగు విషయములను విద్యార్థులు అలవర్చుకోవలసిన విధానమును గూర్చి వివరిస్తూ ప్రతీ విద్యార్ధికి లక్ష్యం ఉండవలసిన అవసరం, ఆ లక్ష్యాన్ని చేరుకోవటానికి తల్లి, తండ్రి, గురువుల మార్గనిర్దేసములో ఎలా లక్ష్యాన్ని సాధించుకోవాలి అనే విషయములను గూర్చి ప్రవచించారు. మనం పెట్టుకున్న లక్ష్యానికే ఎలా కట్టుబడి ఉండాలి, అందుకు ఆటంకములైన వ్యసనములకు ఆకర్షితులవ్వకుండా ఎలా నిగ్రహించుకోవాలి అన్న విషయములను మహాత్మా గాంధీ గారు, అబ్దుల్ కలాం గారు, వివేకానంద స్వామి, స్వామి హనుమ వంటి వారిని గూర్చిన ఉదాహరణలతో పూజ్య గురువుగారు ఎంతో గొప్పగా వివరించారు. భారత సంస్కృతిలో ఆధ్యాత్మిక విలువలు అంతర్భాగమని, ఇవి ప్రతి ఒక్కరూ ఆచరించడం ద్వారా మంచి సమాజం ఏర్పడుతుందని చెప్పారు. ఉత్తమ నైతిక విలువలతో రాష్ట్ర విద్యార్థులు ఇతర రాష్ట్రాల వారికి ఆదర్శంగా నిలవాలని గురువుగారు ఆకాంక్షించారు. విద్యార్థులు అడిగిన అనేక ప్రశ్నలకు గురువుగారు వివరణలిచ్చారు. పోలీసు అధికారుల అభ్యర్ధన మేరకు మత్తు పదార్థాలకు విద్యార్థులు బానిసలుగా మారరాదని గురువుగారు ఎంతో విలువైన మార్గనిర్దేశము చేసారు. కార్యక్రమంలో రాష్ట్ర హోం శాఖ మంత్రి శ్రీమతి వంగలపూడి అనిత, ఆదర్శ విద్యాసంస్థల చైర్మన్ సీతారామరాజు తదితరులు పాల్గొన్నారు.