DATU SALUMAY ESCAPADE Travelogue скачать в хорошем качестве

DATU SALUMAY ESCAPADE Travelogue

Lakbay Sanaysay Isinumite kay Bb. Dina Marcojos Isinumite nila Tracy Gabuelo, Crystal Mae Cuñado,Harny Gin Arangorin Bilang isang kabataan, nais naming maglakbay, matuto at makagawa ng mga bagong bagay. Hindi lamang para makapunta sa ibang lugar kundi para malaman ang kultura at tradisyon, pagkain, uri ng mga tao, at kanilang wika sa lugar ang aming sadya. Isang parte sa Buda, Bukidnon ang napili naming puntahan, ang Datu Saluma. Ang lugar na ito ay tinatawag na "boundary" ng Davao City at Bukidnon. Tatagal ang biyahe ng tatlo hanggang apat na oras. Binansagan rin ang lugar na ito nilang "mini Baguio" dahil sa lamig ng klima rito. Ang lugar na ito ay isa sa mga dinadayo ng mga torista sa Mindanao. Matatagpuan dito ang Japanese Shrine kung saan ito ang naging base ng mga hapon, noong sinakop nila ang ating bansa. Unang napuntahan namin sa lugar na iyon ay ang Gethsemane Garden, at Captain Haven. Ang dalawang ito ay magkakatabi lamang, medyo papasok ang daanan pero sulit ang mga makikita mo sa daan. Makakakita ka ng maraming pine tree na akala mo ay nasa ibang bansa ka. May parte sa Gethsemane garden kung saan tanaw na tanaw mo ang mga maggagandahang berdeng bundok na napapalibutan ng mga ulap. Ang Gethsemena garden ay may pool at mga nakakahalina sa mata na landscapes. Sa Captains Haven naman makikita ang napakalaking barko na ginawa nilang cafeteria at cottages. Narito rin sa Captains Haven ang infinity pool kung saan parang magkarugtung lang ang dulo ng pool sa mga naggagandahan nilang bundok. Base sa aming naranasan, di ka makakatagal sa pagligo sa pool dahil sa sobrang lamig ng klima at tubig. Ang sunod naming pinuntahan ay ang Highway 81 kung saan sa pangalan pa lang ito ay matatagpuan sa highway lamang. Parang isang cafe sa gitna ng kagubatan kung saan ang mga mesa ng upuan ay nasa tabi ng mga nagtataasang mga puno. Mataas ang lugar na ito at kita mo mula rito ang mga berdeng bundok. At ang huli naming pinuntahan ay ang Seagull Mountain Resort dito kami bumili ng mga souvenir gawa ito sa iba't-ibang klase ng mga materyales. Sa harapan ng resort makikita ang isang pribadong area na kung saan makikita ang mga nagtataasan at naggagandahang puno, kung kayat mahihikayat kang kumuha ng litrato sa ganda ng tanawin dito. Sa oras ng alas 4 ng hapon ay napagpasyahan naming umuwi. Sa gitna ng aming biyahe naisipan naming bumaba upang tingnan ang bentahan ng mga nakakahumaling na bulaklak. At nang mag dapit hapon na ay nasaksihan namin at naramdaman ang pagbuo ng "fog" sa buong Buda. Isa sa mga nagustuhan namin sa lugar na iyon ay ang mga ugali ng taong naninirahan doon. Talagang mararamdaman mo ang init ng pagtanggap na mga tao roon. Ang wika nilang ginagamit ay cebuano rin kung kaya di kami nahirapang makipagkaibigan sa kanila. Ang Datu Salumay ang isa sa mga napakagandang lugar na napuntahan namin at gusto pang balikan. Isa sa mga realisasyon namin ay di namin kailangan pang pumunta sa malayong lugar para maghanap ng magandang mapupuntahan o mababakasyonan. Ang lugar na iyon ay nakakaayang puntahan pag summer at kung gusto mung makatakas sa init ng panahon. Hindi sapat ang isang araw ng aming paglalakbay para matangkilik pang lubos ang lugar na iyon. Pero sa loob ng isang araw ng aming paglalakbay marami natutunan tungkol sa lugar na iyon at nalaman kung bakit maraming torista ang dumadayo sa Datu Salumay. Nagpapasalamat kamisa pamilyang aming nakasama sa aming paglalakbay sa gabay na kanilang ibinigay. Higit sa lahat sa mga magulang namin sa walang sawang pagsuporta, at sa aming guro sa asignaturang ito.