ઈરાન પર હુમલો કરીને ટ્રમ્પ મોટી ભૂલ કરી બેઠાં? скачать в хорошем качестве

ઈરાન પર હુમલો કરીને ટ્રમ્પ મોટી ભૂલ કરી બેઠાં?

અત્યારસુધી અનેક યુદ્ધ રોકાવી પોતાને નોબેલ શાંતિ પુરસ્કાર મળવો જોઈએ તેવી માગ કરતા ડોનલ્ડ ટ્રમ્પ ઈરાન પર અટેક કરીને શું મોટી ભૂલ કરી બેઠા છે? જે રીતે આ યુદ્ધ લાંબુ ખેંચાતું દેખાઈ રહ્યું છે તેનાથી હવે આ પ્રશ્ન થવો સ્વાભાવિક છે. અમેરિકાના પ્રેસિડેન્ટને કદાચ એવો વ્હેમ હતો કે પોતે જેમ વેનેઝુએલા પર રાતોરાત હુમલો કરી તેના પ્રેસિડેન્ટ મદુરોને ઉઠાવી લીધા હતા તેવી જ રીતે ઈરાનમાં પણ સુપ્રીમ લીડર ખૌમનીને ખતમ કરીને તેનીમ આર્મીને ઘૂંટણીયે પાડી દેવાશે. જોકે, ટ્રમ્પની આ ગણતરી ખૂબ જ ભયાનક રીતે ખોટી પડતી દેખાઈ રહી છે અને ઈરાન વૉરને કારણે હવે ગ્લોબલ ઈકોનોમી સામે અનિશ્ચિતતાનું નવું અને ઘણું મોટું જોખમ ઉભું થઈ રહ્યું છે. છેલ્લા એકાદ-બે મહિનાથી અમેરિકા જે રીતે ઈરાનની આસપાસ પોતાના યુદ્ધ જહાજ તેમજ સૈન્ય તૈનાત કરી રહ્યું હતું તેનાથી ગમે ત્યારે યુદ્ધ થશે તે નક્કી થઈ ગયું હતું અને આવું કંઈ થાય ત્યારે શું કરવાનું છે તેનો પ્લાન પણ ઈરાન પાસે પહેલાથી જ તૈયાર હતો.