HERBERT COLANGGO ANG HARI NG BILIBID скачать в хорошем качестве

HERBERT COLANGGO ANG HARI NG BILIBID

Tol bukod kay Jaybee Sebastian na naikwento ko na rin nung nakaraan ay mayroon pang isang mabangis na leon ang sinasabing naghahari rin sa New Bilibid Prison. Ang taong ito ang umanong gumawa ng mga karangyaan sa loob ng maximum security compound.(Ipakita ang mga larawan ng kaniyang mga gamit). Ginawa ng taong ito ang loob ng Maximum na mala las vegas ang dating. Hindi lamang respeto ang kanyang tinatanggap mula sa ibang preso at mga bantay, kundi pati na rin ang takot. Gaya ni Jaybee, isa rin siya sa mga tumestigo laban sa umanong ugnayan ni dating DOJ Secretary Leila De Lima sa mga contrabando at kalakalan ng illegal na droga sa loob ng Bilibid. Kilalanin natin ang taong ito. Herbert "Ampang" Colanggo. Isang batang may pusong lion sa Ozamiz City, walang ibang bakanteng espasyo sa dibdib niya kundi para sa pamilya. Sa barangay Carmen, sa syudad ng Ozamiz, isinilang si Ampang. Sinasabing mabait at masunuring bata si Herbert at pinalaki siya nang maayos. Tsinelas, shorts at sando lang ang puhunan sa pang-araw-araw. Kumbaga sa basketball, naaabot niya ang bola sa rebound pero sa pagaaral, kapos para tumira ng tres - hanggang grade 6 lang kasi siya at hindi na siya nakaapak ng highschool dala ng tindi ng kahirapan. Nang magkasakit ang tatay niya ng malaria, lalo silang naipit sa kahirapan. Ang nanay niya, wala ring hanapbuhay maliban sa paglalaba. Kulang na kulang ang kanilang kinikita para sa pang-araw-araw na gastos, lalong-lalo na sa gamot ng tatay niya. Sa bawat araw, parang isang mahabang pila ang buhay nila, hindi nila alam kung may maiuuwi silang kahit konting pagkain para sa kanilang pamilya. Sa sobrang kapos, hindi nila alam kung ilang beses sila makakakain sa isang araw. 'Yung tipong sa bawat kagat, kailangan mong isipin kung may susunod pa bang hapunan o kahit almusal man lang kinabukasan. Kaya naman, sa edad na pito, napilitan si Ampang na maghanapbuhay. Pero sino ba naman ang tatanggap sa isang batang totoy? Wala, kaya't nagnakaw siya. Di niya gustong maging magnanakaw pero wala na siyang ibang pagpipilian. Hindi naglaon, lumaki si Ampang. At kasabay ng kanyang paglaki ay ang paglaki rin ng kanyang mga krimen. True Crime Tagalog | Tagalog Crime Stories