ណាតូ អះអាងពីការបាញ់ទម្លាក់មីស៊ីលបាលីស្ទិកទី៣ចេញពីអ៊ីរ៉ង់ក្នុងដែនអាកាសតួកគី скачать в хорошем качестве

ណាតូ អះអាងពីការបាញ់ទម្លាក់មីស៊ីលបាលីស្ទិកទី៣ចេញពីអ៊ីរ៉ង់ក្នុងដែនអាកាសតួកគី

🔥 ណាតូ អះអាងពីការបាញ់ទម្លាក់មីស៊ីលបាលីស្ទិកទី៣ចេញពីអ៊ីរ៉ង់ក្នុងដែនអាកាសតួកគី ក្រសួងការពារជាតិតួកគី បានឱ្យដឹងថា កងកម្លាំងការពារដែនអាកាសរបស់អង្គការណាតូ (NATO) ភាគខាងកើតសមុទ្រមេឌីទែរ៉ាណេ បានបាញ់ទម្លាក់មីស៊ីលបាលីស្ទិកទី៣ផ្លោងចេញពីអ៊ីរ៉ង់ឆ្ពោះទៅកាន់ប្រទេសតួកគី ខណៈសង្គ្រាមសហរដ្ឋអាមេរិក-អ៊ីស្រាអែលលើអ៊ីរ៉ង់កំពុងបន្លឺឡើងនៅភាគខាងលិចកាន់តែខ្លាំង។ នេះបើយោងតាម Al Jazeera ផ្សាយថ្ងៃទី១៣ ខែមីនា ឆ្នាំ២០២៦ ។ សេចក្តីថ្លែងការណ៍របស់ក្រសួងការពារជាតិលើកឡើងកាលពីថ្ងៃសុក្រថា៖ «គ្រាប់ផ្លោងមួយគ្រាប់ដែលបាញ់ចេញពីអ៊ីរ៉ង់ ចូលទៅក្នុងដែនអាកាសតួកគីត្រូវបានបំផ្លាញដោយឧបករណ៍ការពារដែនអាកាស និងមីស៊ីលរបស់អង្គការណាតូដែលដាក់ពង្រាយនៅភាគខាងកើតមេឌីទែរ៉ាណេ»។ អ្នកនាំពាក្យអង្គការណាតូ លោកស្រី Allison Hart និយាយថា៖ «អង្គការណាតូនៅតែប្រុងប្រយ័ត្ន និងឈរយ៉ាងរឹងមាំក្នុងការការពារសម្ព័ន្ធមិត្តទាំងអស់»។ ប្រព័ន្ធការពារដែនអាកាសរបស់អង្គការណាតូ បានបាញ់ទម្លាក់មីស៊ីលបាលីស្ទិកអ៊ីរ៉ង់ដំបូងដែលបាញ់ទៅលើប្រទេសតួកគីលើកទី១នៅថ្ងៃទី០៤ខែមីនា និងលើកទី២នៅថ្ងៃទី៩ ខែមីនា។ ក្រសួងការពារជាតិតួកគី បានបន្តថា មីស៊ីលដំបូងត្រូវបានបាញ់ទម្លាក់តាមផ្លូវឆ្ពោះទៅកាន់ដែនអាកាសតួកគី ខណៈមីស៊ីលទីពីរបានចូលទៅក្នុងដែនអាកាសប្រទេសនេះដូចគ្នាដែរ។ មីស៊ីលទាំងនោះកាន់តែបង្កការសាកល្បងសម្រាប់សមាជិកណាតូ គឺទីក្រុងអង់ការ៉ា និងសម្ព័ន្ធមិត្ត។ ទោះបីជាយ៉ាងណា សេចក្តីថ្លែងការណ៍របស់ក្រសួងការពារជាតិតួកគីនៅថ្ងៃសុក្រ បានលើកឡើងថា៖ «វិធានការចាំបាច់ទាំងអស់កំពុងត្រូវបានអនុវត្តយ៉ាងម៉ឺងម៉ាត់ និងគ្មានការស្ទាក់ស្ទើរប្រឆាំងនឹងការគំរាមកំហែងណាមួយដែលតម្រង់មកលើទឹកដី និងដែនអាកាសរបស់ប្រទេសយើងនោះទេ។ ការពិគ្រោះយោបល់កំពុងត្រូវបានធ្វើឡើងជាមួយប្រទេសពាក់ព័ន្ធ ដើម្បីបញ្ជាក់គ្រប់ទិដ្ឋភាពទាំងអស់នៃឧប្បត្តិហេតុ»។ អ៊ីរ៉ង់មិនធ្វើការអត្ថាធិប្បាយភ្លាមៗលើឧប្បត្តិហេតុចុងក្រោយនេះទេ ប៉ុន្តែក្រុងតេហេរ៉ង់បានបដិសេធម្តងហើយម្តងទៀតថាមិនបានកំណត់គោលដៅដោយចេតនាទៅលើតួកគីនោះទេ អំឡុងសង្គ្រាមជាមួយសហរដ្ឋអាមេរិក និងអ៊ីស្រាអែលនោះទេ៕ ស្ថានទូតអាមេរិកប្រចាំក្រុងបាកដាដ រងការវាយប្រហារដោយមីស៊ីល ស្ថានការណ៍សន្តិសុខនៅក្នុងប្រទេសអ៊ីរ៉ាក់បានឡើងកម្ដៅជាថ្មី បន្ទាប់ពីគ្រាប់មីស៊ីលមួយគ្រាប់បានបាញ់ធ្លាក់ចំទីលានចុះចតឧទ្ធម្ភាគចក្រ នៅខាងក្នុងបរិវេណស្ថានទូតសហរដ្ឋអាមេរិកប្រចាំទីក្រុងបាកដាដ កាលពីថ្ងៃសុក្រទី១៣ខែមីនាឆ្នាំ២០២៦។ នេះបើយោងតាមការចុះផ្សាយរបស់ CNN និង AFP។ បើតាមការបញ្ជាក់ពីមន្ត្រីសន្តិសុខអ៊ីរ៉ាក់ ទោះបីជាគេមិនទាន់ដឹងច្បាស់ថាគ្រាប់មីស៊ីលនោះបាញ់ចេញពីប្រភពណាក៏ដោយ ប៉ុន្តែសាក្សីនៅកន្លែងកើតហេតុបានរាយការណ៍ថា ឃើញមានផ្សែងហុយចេញពីសង្កាត់ Arasat ដែលជាតំបន់គេស្គាល់ថាជាមូលដ្ឋានបង្កប់ខ្លួនរបស់ក្រុមប្រដាប់អាវុធគាំទ្រដោយអ៊ីរ៉ង់។ នេះគឺជាលើកទី២ហើយ ដែលបរិវេណស្ថានទូតដ៏សំខាន់មួយនេះបានក្លាយជាគោលដៅវាយប្រហារ ចាប់តាំងពីសង្រ្គាមទ្រង់ទ្រាយធំនៅមជ្ឈិមបូព៌ាបានផ្ទុះឡើងកាលពីថ្ងៃទី២៨ខែកុម្ភៈ។ ការវាយប្រហារនេះត្រូវបានគេជឿថា ជាការសងសឹកទៅនឹងការវាយប្រហារតាមអាកាសកាលពីពេលថ្មីៗនេះ ទៅលើក្រុមប្រដាប់អាវុធ Kataib Hezbollah ដែលបានបណ្តាលឲ្យសមាជិករបស់ពួកគេ ២នាក់បាត់បង់ជីវិត។ រហូតមកដល់ពេលនេះ ខាងស្ថានទូតអាមេរិកមិនទាន់មានការអត្ថាធិប្បាយជាផ្លូវការជុំវិញទំហំការខូចខាតនៅឡើយទេ ប៉ុន្តែពីមុនមក ពួកគេធ្លាប់បានប្រកាសអាសន្នសន្តិសុខកម្រិតទី៤ រួចជាស្រេច ដើម្បីព្រមានថា ក្រុមសកម្មប្រយុទ្ធដែលស្និទ្ធនឹងទីក្រុងតេហេរ៉ង់ អាចនឹងកំណត់គោលដៅវាយប្រហារលើផលប្រយោជន៍របស់អាមេរិក។ ចាប់តាំងពីជម្លោះត្រីភាគីរវាងអ៊ីស្រាអែល សហរដ្ឋអាមេរិក និងអ៊ីរ៉ង់ បានចាប់ផ្តើមមក ចំនួនអ្នកស្លាប់សរុបបានកើនឡើងលើស ២០០០នាក់ហើយ ដែលភាគច្រើនគឺជាជនជាតិអ៊ីរ៉ង់។ សង្រ្គាមនេះមិនត្រឹមតែបំផ្លាញជីវិតមនុស្សប៉ុណ្ណោះទេ ប៉ុន្តែវាកំពុងបន្តអង្រួនស្ថិរភាពនៃប្រទេសជាច្រើននៅទូទាំងតំបន់មជ្ឈិមបូព៌ាទាំងមូល៕ កងទ័ពអាមេរិកយ៉ាងហោច១៣នាក់បាត់បង់ជីវិតនិង២០០នាក់រងរបួស យោងសេចក្តីរាយការណ៍របស់សារព័ត៌មាន The Wall Street Journal ដោយដកស្រង់ប្រភពមួយ កងទ័ពសហរដ្ឋអាមេរិកយ៉ាងហោចណាស់មានបុគ្គលិកយោធាអាមេរិកចំនួន ១៣ នាក់ត្រូវបានសម្លាប់ និង ២០០នាក់ផ្សេងទៀតរងរបួសចាប់តាំងពីការចាប់ផ្តើមនៃប្រតិបត្តិការ Epic Fury ប្រឆាំងនឹងអ៊ីរ៉ង់។ សេចក្តីរាយការណ៍នោះ ក៏បានអះអាងដែរថា បុគ្គលិកយោធាដែលរងរបួសចំនួន១៧០នាក់ក្នុងចំណោម ២០០ នាក់នោះ បានវិលត្រឡប់មកបំពេញកាតព្វកិច្ចវិញហើយ ស្របពេលដែលប្រធានាធិបតីសហរដ្ឋអាមេរិក លោក ដូណាល់ ត្រាំ បានអះអាងថា ប្រតិបត្តិការយោធាប្រឆាំងអ៊ីរ៉ង់នឹងប្រើពេលយូរតាមដែលវាត្រូវការ ខណៈដែលអ៊ីរ៉ង់បដិសេធការចុះចាញ់ដោយឥតលក្ខខណ្ឌដែលលើកឡើងដោយលោក ត្រាំ។ ចាប់តាំងពីការវាយប្រហាររួមគ្នាដោយសហរដ្ឋអាមេរិកនិងអ៊ីស្រាអែលលើប្រទេសអ៊ីរ៉ង់ផ្តើមពីថ្ងៃទី២៨ខែកុម្ភៈ រហូតដល់ពេលនេះ អឺរ៉ង់បានវាយប្រហារសងសឹកដោយបាញ់មីស៊ីលរយៈចម្ងាយមធ្យមនិងឆ្លាយចូលមូលដ្ឋានទ័ពសហរដ្ឋអាមេរិកនៅបណ្តាញប្រទេសក្នុងឈូងសមុទ្រ និងសំដៅទៅប្រទេសអ៊ីស្រាអែល។ យោងសេចក្តីរាយការណ៍ផ្សេងទៀត បានឲ្យដឹងថា នៅមុននេះ បញ្ជាការកណ្តាលសហរដ្ឋអាមេរិកបានរាយការណ៍ថា ទាហានអាមេរិកចំនួន ៦នាក់ត្រូវបានសម្លាប់ក្នុងអំឡុងពេលការវាយប្រហារសងសឹករបស់អ៊ីរ៉ង់ទៅលើមូលដ្ឋានអាមេរិកមួយក្នុងប្រទេសគុយវ៉ែត ហើយទាហានម្នាក់ទៀតបានស្លាប់ដោយសាររបួសដែលបានកើតឡើងក្នុងអំឡុងពេលវាយប្រហារលើមូលដ្ឋានមួយក្នុងប្រទេសអារ៉ាប៊ីសាអូឌីតនៅថ្ងៃទី ១ខែមីនា។ នៅថ្ងៃសុក្រ របាយការណ៍បានលេចចេញថា សមាជិកនាវិកទាំង ៦ នាក់នៃយន្តហោះចាក់ប្រេង KC-135 របស់សហរដ្ឋអាមេរិកដែលបានធ្លាក់នៅភាគខាងលិចប្រទេសអ៊ីរ៉ាក់ត្រូវបានសម្លាប់។ ក្រោយពីការធ្លាក់យន្តហោះចាក់សាំងបណ្តាលឲ្យនាវិក៦បានសម្លាប់ បណ្តាក្រុមសកម្មប្រយុទ្ធគាំទ្រដោយអឺរ៉ង់ បានអះអាងថា ពីស្នាដៃរបស់ពួកគេក្នុងការវាយប្រហារយន្តហោះនោះ៕