Pohuvani pileski rolati | Hrana i Vino MKD скачать в хорошем качестве

Pohuvani pileski rolati | Hrana i Vino MKD

ПОХУВАНИ ПИЛЕШКИ РОЛАТИ за 4 лица 800 г пилешки гради 100 г домат 50 г црни маслинки без семки 2 јајца 100 г брашно 100 г лебни трошки магдонос 4-5 гранчиња босилек 3 чешниња лук 1 лажица мешан зачин К+ масло за јадење Хималајска сол и црн пипер Потребно време за подготовка на ова предјадење е 40– минути. Во блендер ги ставаме маслинките и чешнињата лук. Гранчињата босилек и магдонос ги кинеме на парчиња, и ги додаваме во блендерот. Ги миксаме состојките и ги ставаме во длабок сад. Посолуваме, наросуваме мелен црн пипер и го додаваме мешаниот зачин К+. Доматот го лупиме и го сечкаме на коцки. Го додаваме во садот и го промешуваме филот со лажица. Пилешките гради ги сечеме на половина по должина, формирајќи шницли. Посолуваме и наросуваме мелен црн пипер. Ги прекриваме шницлите со најлонска фолија и ги толчиме со чук. На првата шницла ставаме 1 лажица фил. Ги свиткуваме краевите на шницлата кон средината и ги толчиме со чук. Филуваната шницла ја свиткуваме во ролат. На истиот начин ги подготвуваме сите ролати. Во длабок сад ги кршиме јајцата и ги матиме со жица. Ролатите ги набрашнуваме, ги свалкуваме во изматените јајца и ги облепуваме со лебните трошки. Потоа ги пржиме на поголема количина загреано масло во тава на оган. Откако ќе поруменат од сите страни ги вадиме ролатите од тавата и ги ставаме на чинија обложена со хартиени салфетки. Ги сечеме ролатите на коси половинки. На чинија за сервирање во круг ги редиме половинките Похувани пилешки ролати. На средината на чинијата нанесуваме претходно испржен помфрит. Декорираме со гранчиња жалфија и парчиња лимон. Со ова јадење ви предлагаме да се напиете квалитетно суво бело вино. Се служи на температура од 10-12 степени. Добар апетит. www.hranaivino.com.mk www.hranaivino.tv Subscribe for upcoming recipes:    / @hranaivinomkd   Follow us: Facebook:   / hranaivino