Qendra e Traumës në Spitalin Ushtarak vuan mungesën e investimeve - (20 Shtator 2002) скачать в хорошем качестве

Qendra e Traumës në Spitalin Ushtarak vuan mungesën e investimeve - (20 Shtator 2002)

Lajme Arkiva - TV Klan 2002 E vetmja qendër kombëtare e traumës në Shqipëri, e cila trajton pacientë me probleme nga më të ndryshmet dhe emergjentet ndodhet në ambientet e Spitalit Ushtarak të Tiranës, nga viti 1993. Në këtë spital, ku kryen të gjitha shërbimet, nga më të lehtat deri tek ato më të ndërlikuarat, kurohen pacientë ushtarakë dhe civil. Prej më shumë se 20 vjetësh në këtë spital nuk është bërë asnjë restaurim i plotë apo ndërhyrje për ta sjellë në gjendje normale dhe brenda standarteve të shërbimit parësor, që i ofrohet pacientit, e mangësitë janë nga më të ndryshmit, duke filluar që nga aparatet kryesorë, për të cilat nuk është dhënë asnjë fond. Të vetmet aparate të cilat kanë ardhur vitin që shkoi, ndodhen në qendrën e urgjencës, por gjithsesi, nuk mund t’i plotësojnë të gjitha shërbimet e duhura për pacientët. Sipas drejtuesve kryesorë të këtij spitali, tashmë ka ardhur momenti të kërkohet ndihmë financiare, si nga institucionet shtetërore, Ministria e Mbrojtjes dhe ajo e Shëndetësisë dhe nga donatorë të huaj. I vetmi donator për momentin është Ministria e Jashtme e Norvegjisë në bashkëpunim me Ministrinë e Mbrojtjes, e cila ka qenë e gatshme të lëvrojë fonde për restaurimin e kësaj qendre, që sipas një masterplani, punimet do të fillojnë në muajin Tetor. “Efektivi dhe personeli i spitalit tonë është munduar me një mobilizim të veçantë, që të mbledhë këtë fluks të madh, por është ndeshur gjithashtu dhe në vështirësi të mëdha, përsa i përket mungesës së aparaturave në sallat e urgjencave dhe gjithashtu në reanimacionin e politraumës. Pajisjet më të domosdoshme tani janë në repartin e reanimacionit, siç janë respiratorët, pasi numri i të sëmurëve është më i madh seç janë aparate në dispozicion”. Spitali Qendror Ushtarak ndahet në tre pjesë, nga Instituti i Mjekësisë Ushtarake, Spitali Ushtarak dhe nga Qendra Kombëtare e Traumës. Dy të parat kanë mundur të sigurojnë fonde nga Ministria e Mbrojtjes, ndërsa kjo e fundit është ende në pritje të fondeve nga shteti dhe donatorë të huaj./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/