WORLD RADIO DAY FEATURES STORY скачать в хорошем качестве

WORLD RADIO DAY FEATURES STORY

Kinada PEBRERO 13, ginsasalin-urig an World Radio Day, ha ilarom han tema nga "Radio and Climate Change: A Powerful Tool for Climate Action." Gintudlok han UNESCO ine nga adlaw para ha tanan nga radio professionals, practitioners ngan volunteers, para han bug-os nga kalibutan, agud nga kilal-on an ira dedikasyon ngan passion pag-abot ha pagpapasamwak ha kahanginan. Ginkilala han UNESCO an importansya han radyo, labi na ha mga remote areas han kada nasud, nga agsob dire aabot iton internet ngan broadcast network. Una nga ginselibrar an World Radio Day hadton 2011 han igtindog han UNESCO member state ngan ig-adopt ine han United Nations General Assembly han 2012. Gintagan duon han Kapisanan ng mga Brodkaster ng Pilipinas an importanysa an radio ha kaluyo han pag-butho han makabag-o nga teknolohiya. Ha Pilipinas, nagtikang an radio hadton tuig 1924 ha pagtindog han KZKZ (AM) ni Henry Herman Sr. ha Manila, an tag-iya han Electrical Supply Company. Hi Henry Herman in usa nga Amerikano ngan anay sundalo nga umabot ha Pilipinas agud nga makigbisog para ha Pilipinas-Amerika, ngan nagpabilin hiya ha Pilipinas hangtod nga mahuan an iya mandato nga trabaho.. Mababaruan nga han una tanan nga mga program ha radio in Ingles, tungod nga panahon han kolonya hiton Amerika ha nasud. An Radyo in dire kontrolado han mga aludayday ngan balaod, kutob nga igtindog an Radio Control Board han 1931 ha ilarom han Pamahalaang Insular. Yana nga panahon, damo nga mga istasyon na hiton radio ha Pilipinas ngan damo na gihapon iton pagpipilian hiton mga mamarati. Ha mao nga industriya, usa an Bombo Radyo Philippines nga nakipag bisog agud nga mabatian ha kahanginan. Kun diin gintindog ine han 1966 ha Iloilo City. An nasabi nga istasyon in padayon an pagribhong, nagtikang ine ha single AM radio station hangtod nga nagin usa ha pinaka kilala ngan dako nga kompanya han radio networks. Kilala an Bombo Radyo Philippines nga makusog an paninidugan partikular na ha Visayas ngan Mindanao. Ginbubug-os an Bombo Radyo Philippines hiton 32 nga fully digitalized nga AM ngan FM station nationwide, kun diin kalakip na dinhe an pagpapasamwak han public affairs, music ngan entertainment. Usa gihapon ine nga nagin prominente nga source gawas han Metro Manila, partikular na ha oras hiton kalamidad ngan local emergencies. Ine in mapatupd nga an dedikasyon ha pagserbisyo ha publiko an tumong kun kay-anu gintindog an Bombo Radyo Philippines. Ha pagkayana, haros 60 katuig na nga nababatian, ngan nagpapadayon ha pamayagpag ha kahanginan an Bombo Radyo Philippines, ngan nakikigdungan ha mga napapanahon, magpaso nga balita, magin ha makabag-o nga mga teknolohiya. An dire matutupngan nga didikasyon han Bombo Radyo Philippines, nga maghatag hin napapanahon nga isyu, ngan mga panhitabo in magpapadayon hangtod nga mayda mga avid listeners nga namamati ngan natapod ha serbisyo publiko han Bombo Radyo Philippines. Ha kaluyo han damo nga mga istasyon, in siguraduhon han kada mamarati nga hira in mayda paninindugan nga prinsipyo ha tanan nga isyu nga natatabo ha nasud, matungod nga an radyo is usa la nga instrumento nga nagpapasamwak ha kahinganan hiton mga araba han publiko, ngan mga napapanahon nga himangrawon. Yana nga adlaw, an Bombo Radyo Tacloban, kumo usa nga promeninte nga istasyon ha nasud, nakiki-usa kami ha pagsalin-urog han World Radio Day. Malipayon nga World Radio Day mga Ka-Bombo! via | Bombo Max Monteza