Sempalan Babad Lokapala (Danaraja Perlaya) - H. Asep Sunandar Sunarya GH3 скачать в хорошем качестве

Sempalan Babad Lokapala (Danaraja Perlaya) - H. Asep Sunandar Sunarya GH3

Pagelaran wayang golék Giriharja 3 pingpinan Ki Dalang H. Asep Sunandar Sunarya ieu mangrupakeun pagelaran live di Studio Televisi Pendidikan Indonesia taun 2000-an. Harita mah Giriharja 3 dikontrak ku TPI pikeun ngagejrak di TPI dua minggu sakali. Video ieu tos kénging ijin publikasi ti nu gaduh hak ciptana nyaéta PT Suara Mas Abadi, pausahaan industri rékaman nu mangrupakeun anak pausahaan PT MNC (Media Nusantara Citra) nu ngaakuisisi TPI taun 2001. ====================== Sinopsis Sempalan Babad Lokapala Lalakon ieu kaasup wiracarita atawa épos Ramayana. Lalakon ieu mangrupakeun sempalan atawa ringkesan ti Babad Lokapala, matakna durasi pagelaran mung sakedap. Tapi urang tiasa gaduh gambaran kana sejarah awal wiracarita Ramayana. Sinigeug di salebeting karaton Lokapala, Prabu Danaraja ngondang patihna Gandaseti katut kasepuhan Semar Badranaya pikeun badami. Prabu Danaraja téh meunang walapatra atawa surat ti Prabu Dasamuka atawa Rahwana Raja Aléngka. Dasamuka téh adina Prabu Danaraja béda indung tapi sabapa nyaeta ti Begawan Wisrawa. Eusi suratna nyaéta ménta supaya Karajaan Lokapala jeung Karajaan Aléngka dihijikeun jadi hiji karajaan nu dirajaan ku Dasamuka, sedengkeun Prabu Danaraja jadi raja patalukan. Jelas Prabu Danarja nolak kahayang Dasamuka. Dina hal ieu, Prabu Danaraja ngarasa kaduhung pisan geus ngawaris ajian Rawaronték ka Dasamuka. Nu tungtungna malik ka diri sorangan, kusabab Dasamuka téh digambarkeun salaku tokoh nu bedang basangkal, sombong, ambisius, jeung sipat-sipat kagoréngan lianna, jauh tina sipat-sipat kahadéan. Antukna antara Karajaan Lokapala jeung Aléngka perang campuh. Tapi dina pagelaran ieu ngan saukur dicaritakeun ku dalang. Perang tanding dina pagelaran ngan antara Prabu Danaraja jeung Dasamuka. Dina pagelaran ieu, Pa Asep Sunandar salaku dalang teu weléh masihan piwejang ka nu narongton ngeunaan bagbagan kahirupan jeung kaagamaan. Carios lengkepna mangga bandungan dugi ka réngsé. Teu hilap ka nu teu acan subscribe channel pribados nu énggal ieu mangga subscribe sareng pencét loncéngna supados uninga pami aya aplodan énggal. Salajengna urang sadayana kintun du’a ka almarhum Pa H. Asep Sunandar Sunarya, mugia almarhum ditampi iman islamna, dihapunten dosa-dosana, dicaangkeun di alam kuburna, dipaparinan tempat anu mulya mungguhing Allah Swt, husnul khotimah. Aamiin YRA.