Përvjetori i Stavri Shkurtit (8 Gusht 1999) скачать в хорошем качестве

Përvjetori i Stavri Shkurtit (8 Gusht 1999)

Arkiva - Tv Klan 1998-2012; Pamje te aktorit Stavri Shkurti. Pamje nga funerali i tij, pamje nga bisedat me artistë të tjerë. Pamje nga role të ndryshme në Teatër e Kinema. Një jetë e tërë në skenën e teatrit dhe ekranin e kinemasë. Është përkujtuar nga miq dhe të afërmit në Korçë, 1 vjetori i vdekjes së Artistit të Popullit, Stavri Shkurti. Interpretues i mbi 200 roleve në Teatër dhe Kinema ai është një nga aktorët më të mëdhenj të gjeneratës së tij dhe në përgjithësi për shkollën shqiptare të interpretimit. Stavri Shkurti lindi në vitin 1929 në qytetin e Korçës ku përfundoi arsimin e mesëm me rezultate të shkëlqyera. Më pas shkon për studime në Çekosllovaki ku diplomohet për inxhinier turbinash. Por fati e kishte lidhur ngushtë me Teatrin në të cilin ai kaloi vitet më itensive të jetës duke mos punuar asnjë vit në profesionin e tij. Në mendje mbahen mend rolet e tij në Tatrin e Korçës ku ndër to veçohen " Pamje nga ura" " Vajzat pa prikë", " "Qyteti i akuzuar" e të tjerë. Pa harruar dhe figurat e realizuara në kinematografinë tonë si "Ballë për ballë" , "Zonja nga qyteti" " I treti" e të tjerë. Ai punoi si aktor profesionist 35 vjet me radhë derisa doli në pension por nuk u nda asnjë ditë nga profesioni dhe nga njerëzit me të cilët krijoi aq shumë emocione për publikun. Secili prej roleve i luajtur nga ai ai ka dhënë gjithçka nga shpirti dhe humori i tij. Pas kolegut të tij Pandi Raidhi duket se po shuhen dhe kolosët e artit skenik shqiptar.