أولاد حاج الماحي - الفاقَ جودو الكرام جدودو - نظم الشيخ/ حاج الماحي عليه رحمة الله скачать в хорошем качестве

أولاد حاج الماحي - الفاقَ جودو الكرام جدودو - نظم الشيخ/ حاج الماحي عليه رحمة الله

الفاقَ جودو الفاقَ جُودو الكرام جدودو أرح نزور طه في بلودو بديت بي ربَّنا الـــــودُودُو أحد صمد والكتاب شهودو قديم وحي واجب الوجودو في حقّه الطّاعة والسُّجودو خلقنا بي قدرتو شوفو جودو رحمنا بي وابل الرُّعودو نحمدو أسعدنا بي سُعُودو واخرجنا من ملة اليهودو إلهي للذنب لا نعودو وسِوي رِضاك يا كريم نحودو ثنيتو بي صادق الوعودو مُحمد الغالي من جُدودو يفوق لِنوح والخليل وهُودُو وجُملة المرسلين جنودو صَحُّوا دِينُن علي عقودو وآمنوا وختّت العهودو أكثرُن مِن تُقا وزهودو كِرام وأحمد لهم يقودو أوّلُن وآخرُن خُلُودو مثيلو لا سُفلي لا صعودو مُحمد البدري ليل وُلُودو خَرَّ لي الله بِالسُّجودو مُطهّراً صافي غير برودو يُوقّد النُّر علي خُودودو بقَّ فاق للسما عمودو وضّوّ لي جُملة الــبُلوُدو حبيبي هدّم بُنا اليهودو وخُمّدت نارهم خُمودو نهر ساوي الشَّقي العنودو يِبِس وغاض كيّه للحسُودو مُبرَّا قلبو مو حقودو حليم رءوف للضِعاف يجودو ما ادّخر حاشا في ام قدودو يمينو للمدّة مو جحودو أمين وواقف علي حُدودو مواصِلاً للمريض يعودو شِفا القلوب طِبّها الكمودو شفيعنا يومت وجوهنا سُودُو حِسارو ياخُوي شوي الكُبُودو جَلَب صليح فاس مع الهنودو إلهِي حَلحِل لَنا القيودو نشِد علي العاتي مو قعودو نرامي نمرُق علي بُلودُو نصل نطوف مكة الاسودو سعينا في زمزم الوُرودو حَجِينا لوّينا للِشُّدودو نصِل مدينتو ونحادي قُودو نشوف في طيبة النخيل يَنُودُو نخُش لبابو ونشِم نُدُودُو نزورو ونجلس مع جنودو تَجّوه الخُوَّة لا عُبُودو جعل عرب شُكري والحُمودو بِدير سوايق شِبا ونكودو ونواحي الإسلام بُلُـود بُلُـودو نَهَارَ تتنجّض الجُلُودو ذُنوبنا تنضاف علي ثمودو مَعَاكَ في جنّة الخُلُودو وسُكُونَّا دار النعيم نَخُودو نَحُوز حِسان لابسات عُقُودو جمال وجوهِن بلا فصودو صلا وسلام من الودودو تفوق علي وابل الرعودو النّبات جميع ما شعق في عودو دُرَّه وعدار حَبّضهو وسقودو ونخيلنا ما ناوا لا حصُودو بِعدَّ نيل مِصر بي رُهُودو في كلِ عام مَوجَهُو زبُودُو العيون تُرع بركة والعُدُودو عدد عِلِم واجب الوجودو علي الرّسول ناير الخُوُدود