ព្រំដែនក្តៅខ្លាំង អនុទីនរត់ចោលស្តេច? ឬ​ ល្បិចគេចពី Donald Trump|១២ធ្នូ២០២៥|BoSokunthea скачать в хорошем качестве

ព្រំដែនក្តៅខ្លាំង អនុទីនរត់ចោលស្តេច? ឬ​ ល្បិចគេចពី Donald Trump|១២ធ្នូ២០២៥|BoSokunthea

យុទ្ធនាការ “ខ្មែររួមគ្នាជាធ្លុងមួយ” លើកទី ២ ភាគីថៃនៅតែបន្តវាយប្រហារមកលើដែនអធិបតេយ្យកម្ពុជា និងប្រជាពលរដ្ឋខ្មែរស្លូតត្រង់យ៉ាងកំរោល។ ភាគីថៃបានបន្តរំលោភបំពានលើបទឈប់បាញ់ និង«សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ» ដែលភាគីកម្ពុជានិងភាគីថៃបានចុះហត្ថលេខា កាលពីថ្ងៃទី២៦ ខែតុលា ឆ្នាំ២០២៥ ដោយបន្តធ្វើសកម្មភាពឈ្លានពានប្រដាប់អាវុធសាជាថ្មីមកលើបូរណភាពទឹកដីរបស់កម្ពុជាដោយការប្រើប្រាស់កម្លាំងយោធា។ ខណៈដែលការវាយប្រហារទាំងនេះនៅតែបន្ត ក្រុមគ្រួសារ ប្រជាពលរដ្ឋខ្មែរស្លូតត្រង់ ជាពិសេសស្រ្តី និងកុមារ ដែលរស់នៅតាមតំបន់រងផលប៉ះពាល់កំពុងប្រឈមមុខនឹងការភ័យខ្លាច ភាពច្រឡាចល់ និងអស្ថេរភាពកាន់តែខ្លាំងឡើង។ ក្នុងខណៈដែលជីវភាពរស់នៅប្រចាំថ្ងៃ សុវត្ថិភាព និងស្ថិរភាពសហគមន៍ ស្ថិតក្រោមការគំរាមកំហែង បែបនេះ ការសាមគ្គី និងការគាំទ្រជាធ្លុងមួយ ពិតជាចាំបាច់ជាងពេលណាៗទាំងអស់។ ហេតុដូច្នេះ ក្រុមយុវជន សិទ្ធិខ្ញុំ បានសម្រេចអនុវត្តនូវយុទ្ធនាការ ខ្មែររួមគ្នាជាធ្លុងមួយ ឡើងវិញដែលជាគំនិតផ្តួចផ្តើមផ្នែកមនុស្សធម៌ជូនចំពោះសហគមន៍ និងប្រជាពលរដ្ឋស្លូតត្រង់ ជាពិសេសលើស្ត្រី និងកុមារដែលរងផលប៉ះពាល់ពីការឈ្លានពានដោយប្រទេសថៃនេះ។ គោលបំណងនៃការផ្តួចផ្តើមឡើងវិញនេះ គឺដើម្បីជំរុញស្មារតីខ្មែររួបរួមគ្នាជាធ្លុងមួយ​ក្នុងគ្រាអាសន្ន​​ និងដើម្បីលើកទឹកចិត្តប្រជាជនកម្ពុជាទាំងអស់ ជាពិសេសយុវជន ឱ្យឈរជាមួយគ្នានៅក្នុងអំឡុងពេលប្រទេសជាតិជួបអស្ថេរភាពបែបនេះ ។ តាមរយៈយុទ្ធនាការនេះ យើងមានបំណងពង្រឹងស្មារតីសហគមន៍ កៀរគង​ និងប្រមូលថវិកា​ ព្រមទាំងសម្ភារៈចាំបាច់​ សម្រាប់ទ្រទ្រង់បងប្អូនជនរួមជាតិខ្មែរនៅតាមបណ្ដោយព្រំដែនកម្ពុជា​ថៃ ដែលបានជម្លៀសទៅទីតាំងដែលមានសុវត្ថិភាព​។ សិទ្ធិខ្ញុំ​ សូមធ្វើការអំពាវនាវដល់សប្បុរសជនទាំងអស់រួមគ្នាជាធ្លុងមួយដើម្បីព្រះរាជាណាចក្រកម្ពុជា​តាមរយៈយុទ្ធនាការមួយនេះ។ បច្ចុប្បន្ននេះពួកយើងកំពុងស្វែងរករបស់របរប្រើប្រាស់ចាំបាច់ប្រចាំថ្ងៃដូចជា មុង​ ភួយ​​ អំពូលសូឡា អង្រឹង កន្ទេល​ ថ្នាំមូស​ និងថ្នាំសង្កូវ ព្រមទាំងសំឡីអនាម័យ ឬ បងប្អូនអាចចូលរួមឧបត្ថម្ភជា​ថវិការមកកាន់គណនី​ធនាគារ​ ABA របស់សិទ្ធិខ្ញុំ មានលេខគណនី​ ០១២ ៣០៦ ១២៤