قرآن خوانی / قل خوانی ، سید گوہر علی شاہ کاظمی معشوق اللہ پوترہ المعروف گہنور شاہ کاظمی скачать в хорошем качестве

قرآن خوانی / قل خوانی ، سید گوہر علی شاہ کاظمی معشوق اللہ پوترہ المعروف گہنور شاہ کاظمی

Peer Syed Gohar Ali Shah Kazmi Mashuqullah Potra urf Pir Ganhwar Shah Kazmi . Mad Muhammad Shah , Rojhan Mazari . پیر آف مڈ محمد شاہ روجھان مزاری ، حضرت پیر سید گوہر علی شاہ کاظمی المعروف گہنور شاہ کاظمی معشوق اللہ پوترہ ۔ تاریخ پیدائش 1/8/1977 تاریخ وفات 26/8/2025 پیر آف مڈ محمد شاہ روجھان مزاری ، درویش صفت ، مرشد کامل ، عظیم روحانی شخصیت ، اپنے بزرگوں کی روحانی روایت و ثقافت کے امین حضرت قبلہ سید گوہر علی شاہ کاظمی المعروف گہنور شاہ کاظمی معشوق اللہ پوترہ سید سردار یکم اگست 1977 کو پیدا ہوئے اور 26 نومبر 2025ء کو اس جہان فانی سے کوچ فرما گئے ۔ اہل خانہ ، اہل علاقہ اور ہزاروں عقیدت مند تاحال سوگوار ہیں اور مغموم ہیں ۔ آپ سادگی اور شرافت میں اپنی مثال آپ تھے ۔ آپ کی دعاوں میں اثر تھا ۔ ہر مسلک اور مکتب فکر کے لوگ آپ کے عقیدت مند اور چاہنے والے تھے ۔ آپ نے ساری زندگی عبادت ، مہمان نوازی اور خدمت خلق میں بسر کی ۔ حضرت امام حسین علیہ السلام کی مجالس عزا کے عاشق تھے اور سچے عزادار و مومن تھے ۔ آپ کی نرم مزاجی اور خلوص کا یہ عالم تھا کہ جو بندہ آپ سے ایک بار ملتا وہ آپ کا گرویدہ اور دیوانہ ہوجاتا ۔ آپ کے ہر عقیدت مند کا یہ دعوٰی ہے کہ پیر گہنور شاہ سئیں ان سے زیادہ محبت کرتے تھے۔ یاد رہے اس خاندان سادات کا مختصر تعارف کچھ یوں ہے حضرت امامزادہ ابراہیم المرتضٰی بن حضرت امام موسی کاظم علیہ السلام کی اولاد میں سے ایک بہت ہی مشہور بزرگ حضرت سلطان العارفین سید سعید احمد کبیر معشوق اللہ گزرے ہیں جن کی مزار پیر شہر تحصیل زہری ضلع خضدار بلوچستان میں مظہر کرامت و ہدایت ہے ۔ جن کے معروف لقب معشوق اللہ کی وجہ سے آپ کی اولاد یعنی نسل معشوق اللہ پوترا یا معشوق پوتہ کاظمی سادات کہلواتے ہیں ۔ سلطان العارفین حضرت سید سعید احمد الکبیر معشوق اللہ کے دو پوتے حضرت سلطان السادات سید سخی علی میراں حیات کاظمی معشوق اللہ پوترہ المعروف ڈاچی والے پیر مدفن موضع پنجگرائیں ضلع مظفرگڑھ اور حضرت سید السادات سید محمد محی الدین المعروف قادر شیر شاہ کاظمی معشوق اللہ پوترہ مدفن شاہ پور دورٹہ ضلع لیہ ۔ مڈ محمد شاہ روجھان مزاری کے کاظمی معشوق اللہ پوترہ سادات حضرت سید علی میراں حیات کاظمی معشوق اللہ پوترہ المعروف ڈاچی والے پیر کی اولاد ہیں ۔ یہ خاندان اٹھارویں صدی عیسوی کے اوائل میں یہاں آ کر آباد ہوا ۔ مڈ محمد شاہ کے سادات کے نواب آف بہاول پور سے بھی عقیدت کے مراسم تھے جو انہیں پیر آف مڈ محمد شاہ کہ کر مخاطب ہوا کرتے تھے یوں آج تک تحریر و تقریر میں پیر آف مڈ محمد شاہ بھی لکھے اور پکارے جاتے ہیں ۔ پانچویں پیر آف مڈ محمد شاہ قبلہ مرشد سید گوہر علی شاہ کاظمی المعروف پیر گہنور شاہ سئیں جنہیں پیار سے ڈاڈا سئیں بھی کہتے تھے لا ولد فوت ہوئے ہیں ۔ آپ کی دستار آپ کے بھائی سید کلیم اصغر شاہ کاظمی کے سر پر رکھی گئی تو انہوں نے گدی نشینی کی یہ روحانی دستار اپنے چھوٹے بھائی سید سلیم اصغر شاہ کاظمی کے سر پر رکھی اور چھٹے پیر آف محمد شاہ مقرر ہوئے ۔ پیر سید گوہر علی شاہ المعروف گہنور شاہ کاظمی معشوق اللہ پوترہ کے چار بھائی سوگوار ہیں ، سید کلیم اصغر کاظمی ، سید نعیم اصغر کاظمی ، سید سلیم اصغر کاظمی اور سید وسیم اصغر کاظمی امید ہے یہ سب اپنے بزرگوں کی رویات کو قائم رکھتے ہوئے مخلوق خدا کی خدمت کو اپنا شیوا بنائیں گے اور اپنے حلقہ احباب و عقیدت سے ربط و تعلق کو مزید وسعت دیں گے ۔ دعا ہے کہ یہ خانوادہ حضرات محمد و آل محمد علیہم السلام کے خصوصی لطف و کرم سے اپنی نیک روایت کے مطابق ہمیشہ آباد و شاد رہے ۔ اللہ تعالٰی مرحوم قبلہ پیر سید گہنور شاہ سئیں کو جنت الفردوس میں جوار سید الشہداء حضرت امام حسین علیہ السلام نصیب فرمائے ۔ آمین