Ambernath Child Assault | लिफ्टचा दरवाजा बंद केला: हाताचा चावा घेऊन १२ वर्षांच्या मुलाला बेदम मारहाण скачать в хорошем качестве

Ambernath Child Assault | लिफ्टचा दरवाजा बंद केला: हाताचा चावा घेऊन १२ वर्षांच्या मुलाला बेदम मारहाण

अंबरनाथमध्ये लिफ्टमधील बालकावर हल्ला लिफ्टचा दरवाजा बंद केल्याच्या रागातून मारहाण अंबरनाथ मधील धक्कादायक घटना सीसीटीव्ही कॅमेरात कैद पोलिसांच्या हलगर्जीविरोधात पालकांचा संताप अंबरनाथ मधील पालेगाव परिसरातील पटेल झेनॉन या गृहप्रकल्पात राहणाऱ्या १२ वर्षाच्या मुलावर लिफ्टमध्ये झालेल्या मारहाणीच्या घटनेने परिसरात खळबळ उडाली आहे. विशेष म्हणजे या गंभीर प्रकारानंतरही पोलिसांनी अदखलपात्र गुन्हा दाखल केला असून, पिडीत कुटुंबाने याबाबत तीव्र नाराजी व्यक्त केली आहे. शंकरलाल पांडे यांचा १२ वर्षांचा मुलगा त्यागी पांडे ४ जुलै रोजी संध्याकाळी ५ वाजता ट्युशनसाठी घरातून निघाला होता. तो इमारतीच्या १४ व्या मजल्यावरून लिफ्टने खाली येत असताना लिफ्ट ९ व्या मजल्यावर थांबली. दरवाजासमोर कोणीच नसल्याने त्याने दरवाजा बंद करण्यासाठी बटण दाबले. पण दरवाजा बंद होत असतानाच नवव्या मजल्यावर राहणारा कैलास थावाणी हा लिफ्टमध्ये शिरला आणि लहानग्या त्यागीच्या कानशिलात मारहाण करण्यास सुरुवात केली. एवढ्यावरच न थांबता, त्याने त्यागीच्या हाताचा चावा घेतला. त्यावेळी लिफ्टमध्ये हाउस किपिंग करणारी महिला उपस्थित होती. तिने प्रसंगावधान राखत लिफ्ट तळ मजल्यावर थांबवल्यावर त्यागीला लिफ्टमधून बाहेर काढले. मात्र लॉबीमध्ये पुन्हा एकदा कैलासने त्यागीवर हात उचलला. या वेळी सुरक्षारक्षक आणि काही रहिवाशांनी हस्तक्षेप करत त्यागीचा बचाव केला आणि त्याला घरी पाठवले. ◆ या घटनेनंतर त्यागीच्या आईने शिवाजी नगर पोलिस ठाणे गाठून तक्रार दाखल केली. मात्र पोलिसांनी अदखलपात्र गुन्हा दाखल केला, ज्यामुळे पांडे कुटुंबीयांनी तीव्र नाराजी व्यक्त केली आहे. ◆ संपूर्ण घटना इमारतीतील सीसीटीव्हीत कैद असूनही संबंधित आरोपीवर कठोर कारवाई होत नसल्याने स्थानिक नागरिकांतही संतापाची भावना आहे. आता या प्रकरणात काय कारवाई केली जाते याकडे सर्वांचे लक्ष लागले आहे. #marathinews #ambernath #crimenews #cctvcamera #politics #police