ကြက်သားပဲ သီးကြော် Green bean chicken stir fry скачать в хорошем качестве

ကြက်သားပဲ သီးကြော် Green bean chicken stir fry

အလုပ်သွားတဲ့အခါ ထမင်းဗူး သယ်သွားရတဲ့ သူငယ်ချင်းတွေ အတွက် အဆင်ပြေစေမယ့် အသားရော အရွက်ပါ ပါတဲ့ ဟင်းတပွဲဖြစ်တဲ့ ကြက်သားပဲသီးကြော်ပါမယ်။ အရိုးထုတ်ထားတဲ့ ကြက်ပေါင် ၁ ချောင်းကို လက်သန်းအရွယ် ပါးပါးရှည်ရှည်လေးတွေ လှီးဖြတ်ထားပေးပါ။ ဒါမှ ချက်ရတဲ့အချိန် မြန်မှာဖြစ်ပါတယ်။ အသားအရသာနှပ်ဖို့အတွက် ဟင်းချက်အရက် - ၁ ဇွန်း စားပွဲတင်ဇွန်း (မရှိရင်မထည့်လည်းရပါတယ်) ပဲငံပြာရည်အကြည် - ၁ ဇွန်း စားပွဲတင်ဇွန်း ဆား - အနည်းငယ် အချိုမှုန့် - အနည်းငယ် (သို့) သကြား အစားထိုးလို့ရပါတယ်။ အားလုံးကို နှံ့စပ်အောင် နယ်ထားပေးပါ။ ဘိုစားပဲ ကို လှီးထားပေးပါ။ ကြက်သွန်ဖြူ ၅ မွှာကို ဓားပြားရိုက်ထားပါ။ ချင်း ကို ရှည်ရှည်လေး လှီးထားပေးပါ ကြက်သွန်နီကို လေးစိပ်စိပ်ပြီး ခွာထားပေးပါ။ အသီးအရွက်တွေက ရေခဲသေတ္တာထဲမှာ ရှိတာတွေကိုလည်း နည်းနည်းစီရောထည့်လို့လည်း ကောင်းပါတယ်။ ဆော့စ်စဖျော်ထားပါမယ်။ သကြား - ၁ ဇွန်း စားပွဲတင်ဇွန်း ပဲငံပြာရည်အကြည် - ၂ ဇွန်း စားပွဲတင်ဇွန်း ပဲငံပြာရည်အပျစ် - 0.5 ဇွန်း စားပွဲတင်ဇွန်း ခရုဆီ - ၁ ဇွန်း စားပွဲတင်ဇွန်း နှမ်းဆီမွှေး - 0.5 ဇွန်း စားပွဲတင်ဇွန်း ရေ - အနည်းငယ် ထည့်ပြီးမွှေထားပေးပါ။ ပထမဆုံး ဒယ်အိုးထဲမှာ ဆီထည့်ပြီး နှပ်ထားတဲ့ ကြက်သားတွေကို ကြော်‌ပေးပါ။ ကြက်သွားပြီဆိုရင် ကြက်သားကို ဆယ်ထားပါ။ ဒယ်အိုးထဲဆီအနည်းငယ်ထည့်ပြီး ကြက်သွန်ဖြူ။နီ။ချင်း ကို ဆီသတ်ပေးပါ။ မွှေးလာရင် ပဲသီး တွေထည့်ပြီး ကျက်သွားတဲ့ အထိကြော်ပေးပါ. ပဲသီးတွေကျက်ပြီဆိုမှ ကြော်ပြီး ဆယ်ထားတဲ့ ကြက်သားတွေထည့်မယ်။ ဆော့စ်ထည့်ပြီး မီးပြင်းပြင်းနဲ့ ဆော့စ်တွေ ခမ်းတဲ့အထိ ချက်ပေးပါ။ ဒီနေရာမှာ ကော်ရည် မထည့်တာက ထမင်းဗူးထည့်တဲ့အခါ ကော်ရည်က အေးရင်စားမကောင်းတာကြောင့်အခုလို ဆော့စ်ကို ကျဲကျဲလေးနဲ့ အသားနဲ့အရွက်မှာ ကပ်နေတယ်ဆိုရင် လုံ‌လောက်ပြီဖြစ်ပါတယ်။ ငရုတ်ကောင်းမှုန့်စားရင် ငရုတ်ကောင်းမှုန့်လေး နောက်ဆုံးမှ ဖြူးပေးလိုက်ရင် အရသာရှိတဲ့ ကြက်သားပဲသီးကြော်ကို သုံးဆောင်နိုင်ပြီဖြစ်ပါတယ်ခင်ဗျာ.. သူငယ်ချင်းအားလုံး ကျန်းမာပျော်ရွှင်ကြပါစေ.. Cookfork1 ၏ အခြားသော လူမှုကွန်ယက်တွေဖြစ်တဲ့ ဖေ့စ်ဘုတ်။ အင်စတာဂရမ်။တစ်တော့ မှာလည်း မတူညီသော တင်ဆက်မှုများဖြင့် တင်ပေးထားပါတယ်ခင်ဗျာ။