AVA 1740 (ခက်​ဇော်) အခန်း (၂၃) скачать в хорошем качестве

AVA 1740 (ခက်​ဇော်) အခန်း (၂၃)

AVA 1740 (ခက်​ဇော်) အခန်း (၂၃) ===== လွီဇာ၏ ခေါ်သံကြောင့်...ငတွန်က မြင်းကို ဇက်ကြိုးဆွဲက ရပ်လိုက်၏။ လွီဇာက ငတွန် ရှိရာသို့ လျှောက်သွားသည်။ “ကျုပ်ကို ခွင့်လွှတ်ပါ...လွီဇာ” ငတွန်၏ ရင်ဘတ်က နိမ့်ချည်မြင့်ချည်။ အသက်ရှုသံများ မြန်နေသည်။ “မောင်ကြီး ကို ကျွန်မက ဘာမခွင့်လွှတ်စရာရှိလဲရှင်..မောင်ကြီး ကို ဘယ်တော့မှ အပြစ်မမြင်ပါဘူး” “ကျုပ်....ရှင်မိငယ် နဲ့ တွေ့ပြီးခဲ့ပြီ” ငတွန့်အသံက ဟိုးအဝေးကြီးဆီမှ ပျံ့လွင့်လာသလို လွီဇာ ခံစားလိုက်ရ၏။ ငတွန်က မြင်းပေါ်မှ ခုန်ဆင်းလာပြီ လွီဇာရှေ့တွင် ရပ်လိုက်သည်။ “ကျုပ် မှာ အာဏာမရှိဘူး။ ပစ္စည်းဥစ္စာမရှိဘူး။ ကျုပ်က တပါးကျွန်။ ဒီလိုဘဝမှာ မင်းလို လွတ်လပ်တဲ့ မိန်းကလေးတစ်ယောက်ကို ကျုပ် ချစ်ခွင့်မပန်ရဲခဲ့ဘူး။ မင်းကတော့ ကျုပ်အတွက်နဲ့ ဒီမင်းစိုးရာဇာတွေဆီမှာ စတေးခဲ့တယ်။ ကျုပ် အရမ်းရှက်တယ်..လွီဇာ။ ကျုပ်ကို ခွင့်လွှတ်ပါ..ကျုပ်ကို ခွင့်လွှတ်ပါ..ကျုပ်ကို..ကျုပ်” ငတွန်၏ အသံက တိမ်ဝင်သွားသည်။ လွီဇာက ကြွက်သားအမြောင်းများထနေသော ငတွန်၏ လက်မောင်းတစ်ဖက်ကို ဆုပ်ကိုင်လိုက်သည်။ “ရှင် ဝမ်းမနည်းရဘူးနော်..မောင်ကြီး...ကျွန်မအတွက် ဝမ်းမနည်းရဘူး...” ငတွန်က အံကို တင်းတင်းကြိတ်ပြီး လွီဇာ၏ မျက်နှာကို ငေးကြည့်နေသည်။ “ကျုပ် ခင်ဗျားကို လက်ထပ်မယ်..လွီဇာ” ငတွန်၏ လက်တစ်ဖက်က လွီဇာ၏ ပုခုံးကို ဆုပ်ကိုင်လိုက်သည်။ လွီဇာက ခေါင်းခါလိုက်၏။ “ကျွန်မက အပျိုမဟုတ်တော့ဘူးနော်” “ဒါပေမယ့်..ခင်ဗျားက လွီဇာလေ” လွီဇာက ပြုံးလိုက်သည်။ ~~~~~ ခက်ဇော် #audiobook #spring #khetzaw #ava #1740