ICYIGISHO CYA 3 11-17 UKWAKIRA, 2025 INZIBUTSO ZUBUNTU BWIMANA ibyigisho biyobora abakuze Kwiga 📖 скачать в хорошем качестве

ICYIGISHO CYA 3 11-17 UKWAKIRA, 2025 INZIBUTSO ZUBUNTU BWIMANA ibyigisho biyobora abakuze Kwiga 📖

IBINDI BYO KWIGWA NO KUZIRIKANWA: Soma igitabo cyanditswe na Ellen G. White cyitwa Abakurambere nAbahanuzi, igice cya 44 (Bambuka Yorodani) pp. 404-408. Iga witonze imibereho yAbisiraheli mu rugendo rwabo bajya i Kanani. Iga igice cya gatatu nicya kane byigitabo cya Yosuwa, wandika ibijyanye nimyiteguro yabo nuburyo bambutse Yorodani bakagera mu gihugu cyisezerano. Dukwiriye kwiga ibyo bintu tubishyizeho umutima, twiyibutsa inyigisho Uwiteka Imana yigishije ubwoko bwe bwo mu gihe cya kera. Noneho kuri twebwe, nkuko yari yaragennye ko bikwiriye kumera kuri bo, inyigisho zo mu Ijambo rye zizahora ari nziza kandi zinejeje. Ellen G. White Comments, The SDA Bible Commentary, vol, p. 994. Isirayeli yo muri iki gihe iri mu kaga karushijeho gukomera ko kwibagirwa Imana no gushorwa mu gusenga ibigirwamana kurusha uko ubwoko bwayo bwo mu gihe cyashize bwabigenje. Ibigirwamana byinshi bisengwa ndetse nabavuga ko bakomeza Isabato. Byumwihariko, Imana yabwiye ubwoko bwayo bwa kera kwirinda gusenga ibigirwamana, kubera ko iyo baza kuyoba bakareka gukorera Imana nzima, umuvumo wayo wari kuba kuri bo. Ku rundi ruhande, iyo baza kuyikundisha umutima wabo wose, nubugingo bwabo bwose, nimbaraga zabo zose, yari kubaha umugisha mwinshi usaze haba mu ntonga no mu bigega, kandi igakura indwara hagati muri bo. Ellen G. White, Ibihamya byItorero (Umuzingo wa 1) p. 505. IBIBAZO: Mu itsinda ryanyu ryIshuri ryo ku Isabato nimwungurane ibitekerezo ku bijyanye no kwambuka Yorodani mu buryo bwigitangaza. Wasobanura ute ibitangaza? Wavuga ko ari iyihe mpamvu bisa nkaho Imana itagikora ibitangaza muri iki gihe? Ni mu buhe buryo bufatika wavuga mu itsinda ryanyu bwakumira kwibagirwa mu buryo bwa mwuka, byaba ku muntu ku giti cye cyangwa nkitorero? Mu gihe ari ingenzi ko tugirana umubano uhamye nImana, kandi ntitwubakire imibereho yacu ya Gikristo ku bikomeye byabayeho mu gihe cyashize, ni mu buhe buryo dushobora gukomeza kwifashisha imibereho yacu yo mu gihe cyashize nkurwibutso rutwibutsa ibyImana yakoze mu mibereho yacu? Utekereza ute uburyo, ku ruhande rumwe, Isabato ishobora kudufasha kwibuka ubutabazi bwImana mu mibereho yacu, kandi no ku rundi ruhande, ikaduha umusogongero wikiruhuko twasezeraniwe turi mu bwami Bwayo? Ni mu buhe buryo Isabato itatwerekeza kubyo tugomba kwibuka gusa ahubwo no kubyo dushobora kuzagira mu gihe kizaza?