13.03.2026 Жаңалықтар топтамасы скачать в хорошем качестве

13.03.2026 Жаңалықтар топтамасы

1. ЖҮЗДЕГЕН ОТБАСЫ БАСПАНАЛЫ БОЛДЫ Қонаев қаласы мен Іле ауданының тұрғындары қоныс тойын тойлады. Көптен күткен баспана қуанышына ұзақ жылдар бойы үй кезегінде тұрған отбасылар кенелді. Салтанатты шараға арнайы қатысқан облыс басшысы қуаныш иелерін құттықтап, жаңа пәтерлердің кілтін табыс етті. 2. ЖАҢА АМБУЛАТОРИЯЛАР АШЫЛДЫ - Іле ауданында заманауи екі дәрігерлік амбулатория пайдалануға берілді. Жаңа медициналық нысандар халық тығыз қоныстанған Береке және Көкқайнар ауылдарында бой көтерді. 3. ЖЕР МЕН СУ ТАПШЫЛЫҒЫ ҚАРАЛДЫ - Кеген ауданында 10 мың гектарға жуық суармалы алқапқа су жетпей, ауылшаруашылық өнімінің көлемі төмендеген. Сондай-ақ, Жамбыл ауданында мемлекетке қайтарылған жер телімдері шаруаларға дұрыс бөлінбепті. Бұл мәселелер Алматы облыстық қоғамдық кеңестің кезекті отырысында қаралды. Жиналыста суару жүйесін жаңарту, жерді дұрыс пайдалану жолдары ұсынылды. 4. ҚАЙСАР КӘСІПКЕР - Нарынқолдық шебер Орынгүл Баратжанқызы 20 жылдан астам уақыттан бері аяқ киім тігіп, ел алғысына бөленіп келеді. Ол табиғи былғарыдан сапалы етік тігіп, сүйікті ісін табыс көзіне айналдырды. Мемлекеттен алған гранттың арқасында кәсібін кеңейтті. Денсаулығы сыр бергеніне қарамастан, тағдыр тауқыметіне мойымай, еңбектің арқасында өз кәсібін дөңгелетіп отыр. 5. «АДАМ ЖӘНЕ ҒАРЫШ» АВИАШОУ ӨТЕДІ -12 сәуірде Байсерке аэродромында авиациялық маусымның салтанатты ашылуы өтеді. Бұл туралы авиабазада өткен баспасөз мәслихатында айтылды. Іс-шара Алматы облысы әкімдігінің қолдауымен ұйымдастырылмақ. Биылғы «Адам және Ғарыш» авиафестивалі аясында ауқымды әуе шоуы көрермен назарына ұсынылып, қонақтар ұшқыштардың шеберлігін тамашалайды. Сондай-ақ бағдарламада: алып әуе шарларының аспанға көтерілуі, парашютпен секіру және түрлі әуе шоу-бағдарламалары жоспарланған. 6. ӘУЕГЕ 500-ДЕН АСА ДРОН КӨТЕРІЛДІ - Қонаев қаласының аспанында ерекше көрініс. Шаһар көгінде 500 дрон қалықтап, жарқыраған әсем бейнелердің әсерлі шоуы болды. Түнгі аспанда бірінен соң бірі пайда болған композициялар көпшіліктің назарын аударды. Аспанда қазақ халқы үшін береке мен бірліктің белгісі саналатын шаңырақ, көктем мен жаңарудың нышаны – қызғалдақ гүлі көрініс тапты Аймақтағы басты оқиғалардан хабардар болу үшін Qonaev Media News арнасына жазылып, лайк басып, видеолармен бөлісіңіз. Instagram — https://www.instagram.com/qonaev.medi... TikTok — https://www.tiktok.com/@qonaev.media?... Telegram — https://t.me/qonaevmedia #QonaevMedia #КонаевМедиа #ҚонаевМедиа #Алматыоблысы #Алматинскаяобласть #Конаев #Қонаевқаласы #Қазақстанжаңалықтары #жаңалықтар #новости