AMMORE 'E MAMMA di Ferdinando Russo - Le videopoesie di Gianni Caputo скачать в хорошем качестве

AMMORE 'E MAMMA di Ferdinando Russo - Le videopoesie di Gianni Caputo

AMMORE 'E MAMMA di Ferdinando Russo - Le videopoesie di Gianni Caputo - Le più belle poesie napoletane So' juto a dimannà da nu Rumito: — Patre, comm'aggia fa? So' disperato! Essa nun è cchiù chella de na vota; stu core 'o ssente, e ne sarrà dannato! Nun pozzo suffrì troppo! Addò sta scritto?! Patre, raccumannàteme 'a Madonna...! Isso ha rispuosto: — Figlio beneditto! 'A femmena è culonna e l'ommo è fronna!. Me so' partuto 'a llà, tristo e scuntento; pe munte e chiane aggio curruto tanto! A na capanna so' arrivato. E dinto nc'era nu Mago ca facea nu ncanto. — Famme nu ncanto pure a me, aggio ditto; tu, che canusce 'e ccose 'e tutt' 'o munno! Isso ha rispuosto: — È femmena? E sta scritto: Chi nasce quatro nun pò murì tunno! Me ne so' juto addu na fattucchiara, e l'aggio ditto: — Famme na fattura! Lèvame 'a dint' 'o core 'a notta nera, ca si chella me lassa è na sventura! E m'ha rispuosto cu na resatella: — Niente nce appure, si nun tene core! Quanno nun vo' cchiù amà, femmena bella, dice: Fernuto è l'uoglio; 'a lampa more! So' juto addu na zingara, e m'ha strinto 'a mana 'nmano, e po' m'ha ditto: Siente! Veco na vita appecundruta 'e chianto pecchè 'a vuò bene troppo 'e sentimente! L' 'e guardata ncantato, pe gulio; l' 'e vista comm'a n'angelo, 'a figliola! Nun te fa janco, Cavaliero mio! L'angelo tene 'e scelle... e se ne vola... E so' turnato amaramente 'a casa, addò sta mamma mia, santa e penzosa. E nnanza 'e piede suioi me songo miso, e chiagnenno aggio ditto tuttecosa. Essa nun m'ha rispuosto. M'ha strignuto forte int' 'e bracce, e m'ha vasato assai... E m'è parzo 'e sunnà d'avè sentuto: «Ammore 'e mamma nun se cagna mai..»