စစ်ခေါင်းဆောင်ရဲ့လူယုံ အမျိုးသားလွှတ်တော်ဥက္ကဋ္ဌ ဖြစ်လာ (ရုပ်/သံ) скачать в хорошем качестве

စစ်ခေါင်းဆောင်ရဲ့လူယုံ အမျိုးသားလွှတ်တော်ဥက္ကဋ္ဌ ဖြစ်လာ (ရုပ်/သံ)

နေပြည်တော်မှာ မတ်လ ၁၈ ရက်နေ့ကကျင်းပတဲ့ အမျိုးသားလွှတ်တော်အစည်းအဝေးမှာ အာဏာသိမ်း စစ်ခေါင်းဆောင်ရဲ့ လက်ရင်းလူယုံဗိုလ်ချုပ်ကြီးဟောင်း အောင်လင်းဒွေးကိုပဲ အမျိုးသားလွှတ်တော်ဥက္ကဋ္ဌ အဖြစ် တဦးတည်းသော အမည်စာရင်းတင်သွင်းပြီး ရွေးချယ်တင်မြှောက်လိုက်ပါတယ်။ ဦးအောင်လင်းဒွေးဟာ စစ်တက္ကသိုလ် အပတ်စဉ် ၂၅ ဆင်းဖြစ်ပြီး ဗိုလ်ချုပ်မှူးကြီးမင်းအောင်လှိုင် DSA ကျောင်းအုပ်ဘဝကတည်းက လက်ထောက်အဖြစ် အနီးကပ် တာဝန်ယူခဲ့သူ ဖြစ်ပါတယ်။ အခုအချိန်အထိ အယုံကြည်ရဆုံးနဲ့ အနီးစပ်ဆုံး လက်ရုံးတဦးအဖြစ် တည်ရှိနေသူဖြစ်တာကြောင့် စစ်ခေါင်းဆောင်က သူ့ရဲ့အာဏာခိုင်မြဲရေးအတွက် အခရာကျတဲ့လွှတ်တော်ဥက္ကဋ္ဌနေရာမှာ စိတ်ချရတဲ့ လူယုံတော်ကိုပဲ ပုံစံခွက်ရိုက်နေရာချထားလိုက်တာလို့ လေ့လာစောင့်ကြည့်သူတွေကပြောပါတယ်။ စစ်တပ်က ပြဋ္ဌာန်းထားတဲ့ ၂၀၀၈ ဖွဲ့စည်းပုံအခြေခံဥပဒေအရဆိုရင်အစိုးရဖွဲ့ဖို့နဲ့ ဥပဒေပြုရေးမဏ္ဍိုင်အတွက် ပြည်သူ့လွှတ်တော်နဲ့ အမျိုးသားလွှတ်တော် ကအရေးပါပါတယ်။ ဒီလိုအရေးပါတဲ့ လွှတ်တော် နှစ်ရပ်ရဲဲ့ဥက္ကဋ္ဌနေရာကို စစ်ခေါင်းဆောင်ကသူယုံကြည်ရသူတွေဖြစ်တဲ့ ဗိုလ်မှူးချုပ်ဟောင်း ခင်ရီနဲ့ ဗိုလ်ချုပ်ကြီးဟောင်း အောင်လင်းဒွေးတို့ကို နေရာချစီမံထားတာဖြစ်တယ်လို့ ဆိုကြပါတယ်။ #မြန်မာ #ဧရာဝတီ #အောင်လင်းဒွေး #အမျိုးသားလွှတ်တော် #ခင်ရီ #ဂျာဖမ်းနော်တောင် #What’sHappensInMyanmar