StarTalk一氣呵成版丨周吉佩感謝袁富華教路提升演技 自嘲初出道唱功猶如小朋友 скачать в хорошем качестве

StarTalk一氣呵成版丨周吉佩感謝袁富華教路提升演技 自嘲初出道唱功猶如小朋友

StarTalk一氣呵成版丨周吉佩感謝袁富華教路提升演技 自嘲初出道唱功猶如小朋友 入行16年嘅 周吉佩（吉吉），將會喺本月30號舉行人生首個個人演唱會，呢日佢就接受 許文軒 《StarTalk》嘅訪問，由演唱會講到自己嘅第三人生。 其實自參加完《中年好聲音》後，就有唔少人都同吉吉傾過開騷一事，不過吉吉覺得開騷就好似要同大家交代自己嘅作品同經歷一樣，而喺《中年好聲音》後自己只推出咗一首歌，所以就決定先用一年時間為自己儲歌。 16年嘅等候終於等到開騷機會，吉吉坦言可以用「百感交集」嚟形容自己嘅心情，回想當初剛入行時，吉吉表示當年曾信心滿滿地向經理人豪言，要喺5年後於紅館開屬於自己嘅演唱會，點知入行第二連，佢就已經連歌手呢份工作都冇埋，當時吉吉覺得開演唱會變成一件「遙不可及」嘅事。直到而家第三次再有開騷嘅機會，經過多年嚟嘅沈澱，吉吉表示緊張嘅心情少咗，反而多咗一份興奮同期待，希望畀大家認識更多嘅自己，以及一路以嚟周吉佩係點樣行過嚟嘅。 由初出道做樂壇新人，到組成樂隊，變到而家再次單飛當歌手，每個階段吉吉都有屬於自己嘅作品，亦會喺今次演唱會上獻唱，當中就包括佢21歲時，推出嘅首支個人歌曲《家教》，當時由Eric Kwok作曲、林夕填詞，吉吉坦言自己當年拎到歌詞時，其實唔太理解到歌詞嘅意思，直至最近因為演唱會再次重閱，吉吉表示理解深咗，同時笑指聽返當年自己唱呢首歌，就好似一個小朋友唱歌咁，感慨真係要有經歷先可以唱好一首歌。 吉吉指《家教》係一首描寫父親嘅歌曲，當年自己唱時，就好似小朋友唱畀爸爸聽，但當而家自己都成為一位父親後，再唱呢首歌就變成以父親嘅角度去唱，感覺相當特別，同時亦令吉吉萌生重新錄製舊作嘅念頭。 向來都會自己創作歌曲嘅吉吉，今次同樣堅持自己創作唱演會點題歌《第三人生》，講到呢首歌嘅創作靈感同經歷，吉吉自己滔滔不絕，由最初腦中嘅靈感風暴，到與Goro一拍即合嘅過程，吉吉都一一同大家分享。 除咗堅持自己作曲外，吉吉今次亦再次操刀為MV做導演，仲搵嚟前輩袁富華演出，同時吉吉亦剖析自己對「第三人生」嘅睇法。由於成個MV相當有故事性，所以吉吉特別剪咗一個6分幾鐘嘅劇場版MV，佢笑言由於有華哥嘅助陣同教路，自己嘅演技亦有所提升。 提到吉吉嘅歌唱事業，不得不提佢背後嘅賢內助，吉吉指太太比自己更緊張佢嘅事業，甚至有時會食不下嚥。本身從事管理工作嘅周太，而家已辭工全心任吉吉嘅幕後軍師，不過吉吉就笑言自己就好似太太嘅下屬咁，佢又指以前同太太只會傾兩個小朋友嘅事，但而家就會講多咗工作嘅話題。 #StarTalk #一氣呵成版 #周吉佩 #許文軒 #演唱會 #第三人生 #紙飛機 #家教 #EricKwok #林夕 #父親 #太太 #賢內助 #樂壇新人 #樂隊 #靈感風暴 #紅館 #袁富華 #MV #演技 #提升 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0