បុញ្ញកិរិយាវត្ថុ ១០ យ៉ាង 13- 15. 8. 22 скачать в хорошем качестве

បុញ្ញកិរិយាវត្ថុ ១០ យ៉ាង 13- 15. 8. 22

បុញ្ញកិរិយាទាំង ១០ (ជាទី តាំង ជាហេតុ ជាគុណជាតិ ដែលនាំឲ្យបានបុណ្យ) ១-ទានមយ បុណ្យសម្រេចដោយការបរិច្ចាគទាន។ ព្រះពុទ្ធទ្រង់សម្តែងថា សម្បុរសទានមាន ៥ យ៉ាង ៖ ក- បុគ្គលឲ្យទានដោយសទ្ធា ខ- បុគ្គលឲ្យទានដោយគោរព គ- បុគ្គលឲ្យទានតាមកាលដ៏គួរ ឃ- បុគ្គលឲ្យទានដោយចិត្តអនុគ្រោះ ង- បុគ្គលឲ្យទានដោយមិនបៀតបៀនខ្លួនឯងនិងអ្នកដទៃ ២-សីលមយៈ បុណ្យសម្រេចអំពីការរក្សាសីល ៣-ភាវនាមយៈ បុណ្យសម្រេចដោយការចម្រើនភាវនា មានសមថៈភាវនា និងវិបស្សនាភាវនា។ ៤-អបចាយនមយៈ បុណ្យសម្រេចដោយការចេះឱនលំទោនគោរព ៥-វេយ្យវច្ចមយៈ បុណ្យសម្រេចដោយការជួយខ្នះខ្នែង ជួយសង្គ្រោះក្នុងកិច្ចការដែលល្អប្រពៃ។ ៦-បតិ្តទានមយៈ បុណ្យកើតឡើងពីចេតនាចែកបុណ្យ ឬឧទិ្ធសបុណ្យកុសល ដែលខ្លួនបានបំពេញហើយដោយកាយ វាចា ចិត្ត ឲ្យដល់មនុស្សសត្វទាំងឡាយ។ ៧-បត្តានុមោទនាមយៈ បុណ្យកើតពីការអនុមោទនា ចំណែកបុន្យដែលគេបានធ្វើហើយ។ ៨-ធម្មសវនមយៈ បុណ្យសម្រេចដោយការស្តាប់ព្រះធម៌។ រមែងទទួលបាអានិសង្ឃ ៥ ប្រការ ដូខខាងក្រោមនេះ៖ ក-អសុតំ សុណាតិ អ្នកស្តាប់រមែងបានស្តាប់រឿងមិនទាន់បានស្តាប់។ ខ-សុតំបរិយោទបេតិ រឿងណាដែលធ្លាប់ស្តាប់ហើយមិនទាន់ច្បាស់ និងចូលចិត្តកាន់តែច្បាស់ឡើង។ គ-កង្ខំវិហនតិ រមែងកំចាត់បង់នូវសេចកី្តសង្ស័យទាំងឡាយចេញបាន។ ឃ-ទិដិ្ឋឧជុំ ករោតិ ធ្វើឲ្យការចេះដឹងយល់ឃើញត្រូវត្រង់។ ង-ចិត្តមស្ស បសីទតិ ចិត្តអ្នកស្តាប់រមែងជ្រះថ្លា។ ង-ចិត្តមស្ស បសីទតិ ចិត្តអ្នកស្តាប់រមែងជ្រះថ្លា។ ៩-ធម្មទេសនាមយៈ បុណ្យសម្រេចដោយការសម្តែងធម៌។ ហៅថា ធម្មទាន មាន ៥ យ៉ាងនោះគឺៈ ក-ភិក្ខុត្រូវសម្តែងធម៌ដល់បុគ្គដទៃ ដោយតាំងចិត្តថាអាត្មាអញ និងសម្តែងនូវអនុបុព្វីកថា១។ ខ-ភិក្ខុត្រូវសម្តែងធម៌ដោយតាំងចិត្តថា អាត្មាអញនឹងសម្តែងធម៌ដោយលើកហេតុផល១។ គ-ភិក្ខុសម្តែងធម៌ដោយតាំងចិត្តថា អាត្មាអញនឹងសម្តែងពាក្យអាស្រ័យសេចកី្តអាណិតដល់ អ្នកស្តាប់១។ ឃ-ភិក្ខុត្រូវសម្តែងធម៌ដល់បុគ្គលដទៃ ដោយតាំងចិត្តថា អាត្មាអញនឹងមិនសម្តែង ព្រោះហេតុ ផលនៃអាមិស១។ ង-ភិក្ខុត្រូវសម្តែងធម៌ដល់បុគ្គលដទៃ ដោយតាំងចិត្តថា អាត្មាអញនឹងសម្តែងដោយមិនបៀត បៀនខ្លួនឯងនិងបុគ្គលដទៃ១។ ១០-ទិដ្ឋុជុកម្ម បុណ្យកើតពីការយល់ឃើញត្រូវត្រង់ល្អតាមសច្ចធម៌។