Tv Klan - Ambasada në Vatikan konventë për rolin e gruas скачать в хорошем качестве

Tv Klan - Ambasada në Vatikan konventë për rolin e gruas

"Gratë, lidershipi dhe dialogu, ura mes dijeve, kulturave dhe shoqërisë". Ky është titulli i konventës që u zhvillua në Romë, në atë që njihet si Salla e Kapitujve në Senat, dhe u moderua nga gazetarja e ANSA-s, Manuella Tulli. Eventi, i promovuar nga Ambasada e Shqipërisë pranë Selisë së Shenjtë dhe Urdhri Sovran Ushtarak i Maltës, synonte të ritheksonte rëndësinë e rolit të gruas në botën e sotme. “Ky event është i rëndësishëm sepse gratë janë shumë të rëndësishme; ato janë forca më e madhe e njerëzimit, janë të afta të bëjnë gjëra të mëdha, sjellin jetë, japin jetë dhe e bëjnë jetën më të bukur. Për këtë arsye, ky takim është shumë i rëndësishëm,” deklaroi Marinela Prifti, Zv. Ministre e Kulturës. “Për delegacionin shqiptar është shumë e rëndësishme të jetë në këtë event që bashkon gratë që japin kontributin e tyre për shoqërinë, por edhe për kulturën. Japin kontributin e tyre në Parlament. Ne jemi një grup deputetesh nga Parlamenti shqiptar dhe prej shumë vitesh kontribuojmë në politikën e vendit tonë. Për këtë arsye, mendoj se kur jemi të gjitha gratë të bashkuara, mund të bëjmë çdo të mirë për shoqërinë," pohoi Klodiana Spahiu, Nënkryetare e Kuvendit. Me praninë e kardinalit Giorgio Jacob Kovakad, drejtues i Dikasterit për Dialogun Ndërfetar, takimi u hap me fjalimin e Ambasadores së Shqipërisë pranë Selisë së Shenjtë, Majlinda Frangaj, e cila solli një seri refleksionesh mbi rëndësinë e gruas në kontekste pune sa prestigjioze, aq edhe komplekse. Gjatë fjalës së saj, ambasadorja përmendi edhe personalitetin e madh të Nënë Terezës. “Sot kemi zgjedhur të organizojmë këtë event kushtuar pikërisht Ditës Ndërkombëtare të Grave. Edhe pse në fillim doja ta titulloja 'Zërat e grave', sepse janë shumë zëra sot: një teologe, një shkencëtare, deputetet që kanë ardhur nga Parlamenti i Shqipërisë – prandaj përfshihet edhe lidershipi politik, i inteligjencës artificiale, zëra të ndryshëm, mjeke... janë gra që janë lidere në shumë fusha – pastaj zgjodha ta titulloja 'Gratë, lidershipi dhe dialogu, ura mes dijeve, kulturës dhe shoqërisë. Sot na nderon edhe kardinali Giorgio Jacob Kovakad, drejtues i Dikasterit për Dialogun Ndërfetar,” deklaroi Majlinda Frangaj, Ambasador e Shqipërisë pranë Selisë së Shenjtë. “Unë personalisht sot kam zgjedhur të flas për Nënë Terezën, pra për lidershipin e saj, sepse ajo na mësoi se forca e vërtetë qëndron në aftësinë për të shërbyer, për të dëgjuar dhe për të njohur dinjitetin e çdo personi. Nënë Tereza ka kaluar kufij kulturorë, fetarë dhe gjeografikë, duke ndërtuar ura mes botëve të ndryshme përmes kujdesit konkret, solidaritetit dhe vëmendjes për më të brishtët.” Konventa ofroi një ballafaqim të pasur reflektimesh përmes përfshirjes së personaliteteve autoritare nga fusha të ndryshme, duke ofruar një rast të vlefshëm për të arsyetuar mbi cilësitë e shumta që i përkasin grave, të afta gjithmonë të krijojnë ura dijesh dhe kulture.SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/