"மீளா அடிமை உமக்கே" ஆழ்ந்த கவலைகள் போக சுந்தரர் அருளியது நன்றி By குரலிசை P.சம்பந்த குருக்கள் скачать в хорошем качестве

"மீளா அடிமை உமக்கே" ஆழ்ந்த கவலைகள் போக சுந்தரர் அருளியது நன்றி By குரலிசை P.சம்பந்த குருக்கள்

தலம் : திருவாரூர் சுந்தரர் அருளியது இறைவர் : வன்மீகநாதர், புற்றிடங்கொண்டார், தியாகராஜர் இறைவியார் : அல்லியம் பூங்கோதை, கமலாம்பிகை, நீலோத்பலாம்பாள் பண் : செந்துருத்தி. திருச்சிற்றம்பலம். மீளா அடிமை உமக்கே ஆளாய்ப் பிறரை வேண்டாதே மூளாத் தீப்போல் உள்ளே கனன்று முகத்தால் மிகவாடி ஆளாய் இருக்கும் அடியார் தங்கள் அல்லல் சொன்னக்கால் வாளாங் கிருப்பீர் திருவா ரூரீர் வாழ்ந்து போதீரே. 1. விற்றுக் கொள்வீர் ஒற்றி யல்லேன் விரும்பி ஆட்பட்டேன் குற்றம் ஒன்றுஞ் செய்த தில்லை கொத்தை யாக்கினீர் எற்றுக் கடிகேள் என்கண் கொண்டீர் நீரே பழிப்பட்டீர் மற்றைக் கண்தான் தாரா தொழிந்தால் வாழ்ந்து போதீரே. 2. அன்றில் முட்டா தடையுஞ் சோலை ஆரூ ரகத்தீரே கன்று முட்டி உண்ணச் சுரந்த காலி யவைபோல என்றும் முட்டாப் பாடும் அடியார் தங்கண் காணாது குன்றின் முட்டிக் குழியில் விழுந்தால் வாழ்ந்து போதீரே. 3. துருத்தி யுறைவீர் பழனம் பதியாச் சோற்றுத் துறையாள்வீர் இருக்கை திருவா ரூரே உடையீர் மனமே யெனவேண்டா அருத்தி யுடைய அடியார் தங்கள் அல்லல் சொன்னக்கால் வருத்தி வைத்து மறுமைப் பணித்தால் வாழ்ந்து போதீரே. 4. செந்தண் பவளந் திகழுஞ் சோலை இதுவோ திருவாரூர் எந்தம் அடிகேள் இதுவே யாமா றுமக்காட் பட்டோர்க்குச் சந்தம் பலவும் பாடும் மடியார் தங்கண் காணாது வந்தெம் பெருமான் முறையோ என்றால் வாழ்ந்து போதீரே. 5. தினைத்தாள் அன்ன செங்கால் நாரை சேருந் திருவாரூர்ப் புனத்தார் கொன்றைப் பொன்போல் மாலைப் புரிபுன் சடையீரே தனத்தா லின்றித் தாந்தாம் மெலிந்து தங்கண் காணாது மனத்தால் வாடி அடியார் இருந்தால் வாழ்ந்து போதீரே. 6. ஆயம் பேடை அடையுஞ் சோலை ஆரூ ரகத்தீரே ஏயெம் பெருமான் இதுவே ஆமா றுமக்காட் பட்டோர்க்கு மாயங் காட்டிப் பிறவி காட்டி மறவா மனங்காட்டிக் காயங் காட்டிக் கண்ணீர் கொண்டால் வாழ்ந்து போதீரே. 7. கழியாய்க் கடலாய்க் கலனாய் நிலனாய்க் கலந்த சொல்லாகி இழியாக் குலத்திற் பிறந்தோம் உம்மை இகழா தேத்துவோம் பழிதா னாவ தறியீர் அடிகேள் பாடும் பத்தரோம் வழிதான் காணா தலமந் திருந்தால் வாழ்ந்து போதீரே. 8. பேயோ டேனும் பிரிவொன் றின்னா தென்பர் பிறரெல்லாம் காய்தான் வேண்டிற் கனிதா னன்றோ கருதிக் கொண்டக்கால் நாய்தான் போல நடுவே திரிந்தும் உமக்காட் பட்டோர்க்கு வாய்தான் திறவீர் திருவா ரூரீர் வாழ்ந்து போதீரே. 9. செருந்தி செம்பொன் மலருஞ் சோலை இதுவோ திருவாரூர் பொருந்தித் திருமூ லட்டா னம்மே இடமாக் கொண்டீரே இருந்தும் நின்றும் கிடந்தும் உம்மை இகழா தேத்துவோம் வருந்தி வந்தும் உமக்கொன் றுரைத்தால் வாழ்ந்து போதீரே. 10. காரூர் கண்டத்து எண்தோள் முக்கண் கலைகள் பலவாகி ஆரூர்த் திருமூலட்டானத்தே அடிப்பேர் ஆரூரன் பாரூர் அறிய என் கண் கொண்டீர் நீரே பழிப்பட்டீர் வாரூர் முலையாள் பாகம் கொண்டீர் வாழ்ந்து போதீரே. 11. திருச்சிற்றம்பலம்.