Pas vrasjes/Familjarët e Anxhelo Avdias: Kishte 10 ditë që ishte kthyer s’dimë asgjë për konflikt скачать в хорошем качестве

Pas vrasjes/Familjarët e Anxhelo Avdias: Kishte 10 ditë që ishte kthyer s’dimë asgjë për konflikt

Një ditë pas vrasjes së dy të rinjve në Durrës, flasin familjarët e njërit prej viktimave. Familjarët e Anxhelo Avdias deklaruan për gazetaren e ‘News24’ Klodjana Haxhiaj se 24-vjeçari ishte kthyer nga Anglia 10 ditë më parë. Ata shprehen se nuk ishin në dijeni të ndonjë konflikti apo hasmërie. “Prej 10 ditësh ishte kthyer nga Anglia. Ne nuk dimë të kishte konflikte apo hasmëri. Kanë një vëlla dhe një motër, janë rritur pa baba. Motra me nënën jetonin vetëm, ndërsa vëllai jetonte në Gjermani. Familja ishte në mjerim të plotë”, -thanë familjarët e viktimës. Mbrëmjen e djeshme Anxhelo Avdia dhe Dorian Shkoza u qëlluan nga një makinë në ecje në lagjen nr.14, në Shkozet, e cila u gjet e djegur në zonën e njohur si Bishti i Zhurit në Rrogozhinë. Mësohet se Avdia ka ndërruar jetë në spital pas plagëve të marra, ndërsa Shkoza ka vdekur në vend. Të dy rezultojnë me precedentë penalë për vjedhje dhe njihen si konsumatorë të lëndëve narkotike.