Tula 👏🏻 "ANG DIWA NG PASKO" | Tula ni Bert Cabual скачать в хорошем качестве

Tula 👏🏻 "ANG DIWA NG PASKO" | Tula ni Bert Cabual

"Anong aginaldong iyong ibibigay kay Hesus, kay Huse, at sa Birheng mahal? Anong aginaldo ang hiling mo naman na buhat sa Haring Diyos na Maykapal? Ang diwa ng Pasko’y pag-ibig na buhay sa diwa’t damdamin ng tanang nilalang." – Tulang isinulat at binigkas ni Bert Cabual, batikang makata, mambabalagtas, manunulat, brodkaster at guro buhat sa Batangas. Kasalukuyan siyang naninirahan sa London. ANG DIWA NG PASKO Ni Bert Cabual Sa dakong silanga’y namitak ang tala na tanglaw sa timog, kanlura’t hilaga; nagising ang mundo sa pamamayapa nang dumupikal na ang mga kampana; sa dapyo ng lamig sa balat ng lupa, dama ang pagsilang ng Haring dakila. Kamatayang laging pinangangambahan ang pangambang ngayon ay wala nang saysay; sapagka’t ang Pasko’y baluti’t sanggalang ng buhay na galing sa Diyos na paham; taong nananalig ay di mamamatay, buhay na kakamtin ay wala nang hanggan. Kaya, halikayo’t tayo’y magsiluhod sa munting sabsabang sumilang si Hesus; ngayong kapaskuha’y laganap ang lugod sa ngiti ng Sanggol na Anak ng Diyos; nagwakas ang sigwa sa dagat ng poot, sa batis ng luha’y tapos na ang lungkot. Wagas na pagsuyo ay nagpapakilig ng tuwa sa bawa’t pusong humihibik; maligayang Pasko’y ating maririnig na bati’t awiting pagkatamis-tamis; pang-ampat ang Pasko sa hapdi at pait ng luha at dugong sugat ng daigdig. Anong aginaldong iyong ibibigay kay Hesus, kay Huse, at sa Birheng mahal? Anong aginaldo ang hiling mo naman na buhat sa Haring Diyos na Maykapal? Ang diwa ng Pasko’y pag-ibig na buhay Sa diwa’t damdamin ng tanang nilalang. Tungkol sa larawang ginamit sa videong ito: Adoration of the Shepherds by Christian Wilhelm Ernst Dietrich (1712 – April 23, 1774), a German painter and art administrator. Gumawa at may-ari ng video: Rafael A. Pulmano #spokenword #poetry #tagalog #love #merrychristmas