Солтүстік Қазақстан облысының Ленинградское ауылының тұрғындары жарты айдан бері ауыз сусыз отыр скачать в хорошем качестве

Солтүстік Қазақстан облысының Ленинградское ауылының тұрғындары жарты айдан бері ауыз сусыз отыр

Солтүстік Қазақстан облысының Ленинградское ауылының тұрғындары жарты айдан бері ауыз сусыз отыр. Бау-бақшасы құрғап, қорадағы малының аңқасы кепкен жұрт бұған билікті кінәлайды. Айтуларынша, 3000-ға жуық халқы бар елдімекенді сумен қамту үшін соңғы үш жылда мемлекеттен 140 миллион теңге бөлінген. Алайда, өткен жылы ғана салынған су мұнарасының қуаты әлсіз. Соның кесірінен жұртты тіршілік нәрімен толық қамти алмайды дейді. Ал әкімдіктегілер болса, тұрғындар бақша суарып, малына су бермесе мұнарадағы тіршілік көзі бәріне жетеді деп отыр. Жаз келсе бақша егіп, картоп өсіретін Заринаның биыл уайымы көп. Көктемде еккен көкөністері тіршілік нәрінің тапшылығынан қурауға шақ тұр. Еккен еңбегім еш кетті деген келіншек, үйдегі жағдай да мәз емес дейді. Себебі, күнделікті ішетін ауыз судың да жетіспей жатқанын айтады. Ал ауыл тұрғыны Амангелді Капеев тіршілік нәрін сатып ішуге мәжбүр. АМАНГЕЛДІ КАПЕЕВ, Ленинградское ауылының тұрғыны: — Міне, бір аптадан бері үйде су жоқ. Мұнараны уақытында суға толтырмайды. Салдарынан не ішетін, не кір-қоңымызды жуатын суға жарымай отырмыз. Тіршілік нәрін арнайы көліктерден немесе дүкеннен сатып ішуге мәжбүрміз. МАНУ КАБДУШЕВА, Ленинградское ауылының тұрғыны: — Су не таңертең, не кешке жоқ. Осы мұнараның жұмысына жауапкершілік алған соң, әр мәселеге мұқият қарау керек қой?! Шеткі көшелерге су мүлдем жетпейді. Ал кәсіпкердің айтуынша, мұнара тәулігіне 300 куб су береді. Он минут сайын ондағы су көлемі азайып, шеткі үйлер сусыз қалады. Өйткені бірі өткен жылы сатып алынған, екіншісі жөндеуден өткен екі сорғының қуаты халықты түгелімен сумен қамти алмай отыр. 14-15 сағат бойы үздіксіз істейтін сорғыларды қызып кетпес үшін сөндіріп отырады екен. Сол кезде халық сусыз қалады. ГҮЛБАРШЫН МҰХАТОВА, “Болашақ” жеке кәсіпкерлік жетекшісі: — Қуаты жоғары сорғы сатып алу қажет. Біздегі 2 сорғы әлсіз. Сағатына екеуі 20 куб су береді. Жаңасын алсақ, бір өзі 30 куб су берер еді. Халық судың ақшасын төлеген соң, айдың басында соны жинап, жаңа сорғы сатып аламын. Ал аудандық әкімдіктегілер ауыл тұрғындарына тіршілік нәрі түгел жету үшін суды бау-бақшаға жұмсамауға кеңес бер. АРЫСТАН ӘБИЛДИНОВ, Ақжар аудандық тұрғын үй коммуналдық шаруашылық бөлімінің жетекшісі: — Заң бойынша оны бау-бақша суаруға, малға беруге пайдалануға болмайды. Судың барлығына бірдей жетпеуі осыдан. Су таситын көліктер бар ауылда. Басқа қажеттіліктерге халық суды содан сатып алу керек немесе шамасы келсе, техникалық су қазып алуы тиіс. Ал бақшамен күн көріп, малмен жан бағып отырған жұрт бүгінгі берілген уәделер орындалса, тіршілік көзінен тарықпаймыз деп үміттенеді. . . . . Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Наши сайты: www.31.kz и www.informburo.kz Наш WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал