DD News Mizoram - Chanchinthar | 28 September 2024 | 6:30 PM скачать в хорошем качестве

DD News Mizoram - Chanchinthar | 28 September 2024 | 6:30 PM

HEADLINES: 1. Chief Minister Pu Lalduhoma'n hmarchhak bial hmasawnna tura tha thawhtu pawimawh chu DoNER leh NEC te an nih thu sawiin, tihchak deuh deuh a tul thu a sawi. 2. Commonwealth Parliamentary Association (CPA), India Region, zone-III , 21st Annual Conference member kalkhawm-te chuan Project lian kal mek India- Myanmar- Thailand Highway leh Kaladan Transit Project -te rang thei ang bera zawhfel a nih theih nan hmalak nise an ti. 3. Art & Culture Minister Pu C. Lalsawivunga'n nimin khan Union Minister for Culture Gajendra Singh Sekhawat chu a chennaah hmuin thil pawimawh hrang hrang a sawipui. 4. Health Minister Pi Lalrinpuii'n World Rabies Day, 2024 puala hun hmannaah WHO, FAO leh OIE te'n kum 2030 ral hma ngeia ui seh atanga natna kai avanga thihna thleng thei tihreh tuma hmalakna an nei chu tha a tih thu a sawi. 5. Supply Minister Pu B Lalchhanzova'n nimin khan August ni 28-a Hailakandi district Killarbak khaw bula Tlawng lui lianin rel kawng a tih chhiat chu a hmunah tlawhin a enfiah. 6. Excise Minister Pu Lalnghinglova Hmar chuan Tuivamit Branch YMA buatsaih a 'Ruihhlo do kawng zawh' vawiin khan a telpui. 7. National Highway 302 zawh a harsat chhoh mek avangin Tlabung, Lungsen leh Chawngte bakah khaw hrang hranga mipuiten harsatna nasa tak an tawk mek tih Tlabung DDK palai chuan a sawi. 8. Chhandamna Kohhran kum 10 tlin denchhenin Aizawl Area Salvation Church Thalai Pawl(STP) chuan Aizawl Bazar leh Treasury Square Bazar-ah nizan khan thingpui leh a hmeh an sem. 9. Vairengte Police leh CID (SB) Vairengte team-te chuan Vairengte Police check gate, Kawngthar vengah nizan khan methamphetamine ni ngeia hriat, Kg 35, cheng nuai 445 hu an man. 10. Excise and Narcotics Department chuan vawiin khan thuchhuah siamin nimin leh vawiin khan Heroin gram 900.6 an man tih an tarlang. 11. President Droupadi Murmu chuan thudik sawi hian thawhona a tihchak zawk thu a sawi. 12. Prime Minister Narendra Modi leh Home Minister Amit Shah-te chuan zalenna sualtu Bhagat Singh chu a piancham pualin zahna chibai an buk. 13. Political party-te chuan Jammu and Kashmir-a Assembly inthlan thawh thumna atan ngawrh zawkin campaign an kalpui. 14. Hezbollah hruaitu Hassan Nasrallah chu Lebanon khawpui Beirut-ah thlawhna hmanga beihnaah a thi tih Israeli sipai thupuangtu Lieutenant Colonel Nadav Shoshani a sawi. 15. Lok Sabha Speaker Om Birla chuan, hmarchhak bialah tun hnai hian hmasawnna tam tak a awm thu a sawi. 16. Indian Railways chuan Durga Puja, Diwali leh Chhath Puja-ah kutpui hman chhungin a bik taka buatsaih rel (special train) 6,000 chuang a awm dawn. 17. Union Minister for Fisheries, Animal Husbandry and Dairying, Rajiv Ranjan chuan thing phun uar-in sik leh sa inthlak danglam tur a ven dawn thu a sawi. 18. Indian Army te chuan vawiin khan Gunners Day vawi 198-na an hmang. Follow DD Mizoram:   / ddnewsmizoram     / ddnews_mizoram     / ddnewsmizoram