Mas malawak na access sa murang bigas sa Pampanga, target ng DA скачать в хорошем качестве

Mas malawak na access sa murang bigas sa Pampanga, target ng DA

Commitment na magkakaroon ng mas malawak na access sa murang bigas ang mga Kapampangan ang iniwang mensahe ni Department of Agriculture (DA) Secretary Francisco Tiu Laurel, Jr. matapos ang isinagawang inspection sa ongoing rice complex project at launching ng ₱20 na bigas sa Kadiwa Store sa bayan ng Lubao. Ayon kay Laurel, mahalaga ang papel ng Pampanga sa food security ng bansa kaya patuloy ang suporta ng national government sa mga programang magpapalakas sa produksyon at magpapababa ng presyo ng bigas para sa mga mamimili, lalo na ang mga nasa vulnerable sector. Sinabi naman ni Gov. Lilia “Nanay” Pineda na hindi napag-iiwanan sa modernisasyon ang lalawigan, lalo’t malaking bahagi ng investment ng DA sa rice mill at rice processing plant ay inilaan mismo sa probinsya. Dagdag pa ng gobernadora, ang mga pasilidad na ito ay inaasahang magbibigay ng mas maayos na merkado para sa mga magsasaka at magpapalakas sa lokal na ekonomiya. Sa usapin ng farm-to-market roads, ayon sa Pamahalaang Panlalawigan, mas paiigtingin ang monitoring at safeguards upang matiyak ang kalidad at tibay ng mga imprastraktura sa agriculture sector. Inaasahang makatutulong ang mga proyektong ito sa pagpapababa ng gastos sa produksyon, mas mabilis na pagdadala ng ani sa merkado, at mas matatag na food supply sa Pampanga at mga karatig-lalawigan. | via Paulo Gee Santos, CLTV36 News #CLTV36News #CLTV36NewsBites #CLTV36NewsDigital