[MV大解構] 許靖韻推出新歌《偷東西的女孩》以千禧年代情歌為靈感 скачать в хорошем качестве

[MV大解構] 許靖韻推出新歌《偷東西的女孩》以千禧年代情歌為靈感

🎧聽歌：https://angelahui.lnk.to/CheatingOnYou 🎬睇MV：   • 許靖韻 Angela Hui《偷東西的女孩》(Cheating On You) [O...   許靖韻（Angela）今日（2日）推出全新廣東作品《偷東西的女孩》，歌曲由徐浩作曲、林若寧填詞、黃兆銘編曲。歌曲demo於兩年前已創作出來，事源Angela跟徐浩寫歌錄音時，二人突然間有個想法，因為Angela十分喜歡千禧年代的廣東歌，於是新歌便以千禧年代情歌為靈感，Angela說：「呢個年代嘅歌對我影響好深，係陪住我大，全部都係戳心嘅慘情歌，所以我哋係參巧咗當時嘅某些歌，去寫咗呢首歌嘅demo。」再加上因為寫歌的那段時期，Angela所推出的歌都是慘情歌中被傷害的一個，所以今次決定來個大反轉，「所以新歌就係講我主動地去傷害人，哈哈。」 Angela亦大讚這次的MV內容及前期鋪墊十分有心思，「之前拍MV唔會有角色名，今次有個角色名，我嘅角色叫Mia，佢亦都係有職業㗎喎，係一個愛情專欄作家。成個故事係好完整，感覺好似拍緊一部微電影多過MV，我幾鍾意呢個感覺，因為令到首歌嘅層次感再多啲，可以表達到更多。另外，MV有一個幾深嘅鋪墊，團隊特登幫Mia開咗一個IG account，大家可以去follow佢，哈哈。因為『佢』係會不定時咁share佢對愛情嘅觀點，將MV入面一啲嘢擺喺真實世界，我覺得：咦？幾得意喎，有關連喎。」Angela又透露正在錄第二首歌，如果大家留意到「Mia」這個角色，她希望將「Mia」帶到第二首歌，把角色延續下去。 歌名《偷東西的女孩》，顧名思意，這是一首講述偷情、出軌的歌曲，問到Angela有否類似經歷，她坦言試過「被派帽」，「入行前有被出軌過嘅，一開始有好多唔甘心嘅情緒，或者想嘗試原諒對方，但最後都係分手收場，因為覺得有好多嘢對方做錯咗，自己接受唔到，就會信任破裂，埋下咗唔相信嘅種子，咁就好難繼續走落去。近年啲朋友同fans都有好多類似經歷嘅分享，咁我儲埋佢哋呢啲嘅經歷，所以今次喺感情演繹同創作上都好有幫助。」MV其中一句對白，「其實每段關係都需要內疚去維繫」，Angela亦表示認同，「因為人愈內疚可能會愈盡力對對方好，或者去包容對方，有內疚感相對地係罪惡感。」問到維擊關係的最好的方法，她認為信任是最重要，「我覺得維繫一段關係係互相去付出，大家嘅付出唔會有一個過多，或者有一個過少 ，仲有就係信任，彼此信任係好緊要，同埋最緊要係相處得舒服。」