СТОЖКИ котлеты😋 скачать в хорошем качестве

СТОЖКИ котлеты😋

Бу бүлүүдэ гарнирыгар рис астаныаххытын сөп. Кинилэр бэркэ дьүөрэлэһэллэр. Бу рецептэн 6 стожки кэтилиэт тахсар. Биһиэхэ наада: • фарш – 800 гр; • сымыыт – 4-5 уст.; 1 уст. кэтилиэккэ туһаныллар. • луук– 1 уст. (улахан размердаах); • моркуоп – 1 уст. (орто размердаах); • кытаанах сыыр – 100 гр; • хортуоппуй – 2-3 уст.; • килиэп – 2 быһыы; • туус; • майонез. Бастаан ингредиеннэрбитин буһаран, теркалаан бэлэмниэхпитин наада. 4-5 сымыыты буһарабыт. Сымыыт хахтанара үчүгэй буоллун диэн, буһара турар уубутун хайаан да туустуубут уонна сойутарбытыгар тымныы ууга хостуубут. Оччоҕо дьэ, бэркэ хахтанар буолар. Сымыыты ыраастыыбыт уонна теркалаан кэбиһэбит. Луук кырбастанар, моркуоп теркаланар уонна мас арыытыгар ыһаарылыыбыт. Сыыр эмиэ теркаланар. Онтон хортуоппуйбутун ыраастыыбыт уонна сиикэйдии, буһарбакка эрэ, теркалаан кэбиһэбит. Крахмалын ууга үчүгэйдик сайҕаан ылабыт. Кэтилиэппитин бэлэмниибит. Килиэп быһыыларын ууга илитэбит, ыгабыт уонна фаршка кутабыт. Фаршка маннык килиэп куттахха сымнаҕас буолар. Онно эбии сымыыт уонна туус. Барыта биир кэлимсэ буолуор диэри илиибитинэн булкуйабыт. Дьэ, ингредиеннэрбит бэлэм буоллулар. Духуопкабытын эрдэттэн 180 кыраадыска, үөһэ-аллара режимҥэ холбоон сылыта турабыт. Духуопка лииһигэр пергамент кумааҕы тэлгиибит. Чараас, кэтит гына кэтилиэт оҥоробут, ол үрдүгэр ити атын ингредиеннэрбитин ууруохпут, ону учуоттаарыҥ. Кэтилиэттэри бэйэ-бэйэлэриттэн тэйиччи соҕус уурталаарыҥ. Маннык бэрээдэгинэн ингредиеннхэргитин уурталаарыҥ: фарш – луук+моркуоп – хортуоппуй (туус таммалатаарыҥ) – сымыыт – майонез. Сыыр кэлин кутуллар, ол иһин остуолга тура хаалар. Эрдэттэн сылытыллыбыт духуопкаҕа 45-50 мүнүүтэ устата буһар. Сыырбытын умнубаппыт, 30 мүнүүтэ ааспытын кэннэ стожкиларбыт үрдүгэр сыыр кутабыт уонна төттөрү духуопкаҕа симэбит. Дьэ, стожкиларбыт бэлэм буоллулар.