Ecos da Terra (Constantino Bellón) скачать в хорошем качестве

Ecos da Terra (Constantino Bellón)

Constantino Bellón é ben recoñecido na comarca de Ferrolterra principalmente pola súa faceta como formador de varias xeracións de gaiteiros da zona. Unindo as súas orixes tradicionais cunha formación musical exerceu, ademais de gaiteiro, como saxofonista da orquestra Copacabana e dirixiu tamén a banda da Empresa Bazán. Un dos alumnos máis destacados de Bellón, Javier Rodríguez Fariñas, gaiteiro de Raparigos, garda varias libretas manuscritas polo seu mestre coas melodías que este lles ía ensinando. Así chegou até nós esta muiñeira, probablemente da súa autoría, que leva por título «Ecos da Terra», nome dun coro que existiu en Ferrol e do cal o vello gaiteiro formou parte. A peza é interpretada con trío de gaita de fol, requinto e caixa. O punteiro empregado é do artesán Manuel Lago, tío de Constantino Bellón.