Thu Thar Thlirna #46 | Russiain Ukraine an bei chhunzawm | US & Iran an inbia | India & US in inrem скачать в хорошем качестве

Thu Thar Thlirna #46 | Russiain Ukraine an bei chhunzawm | US & Iran an inbia | India & US in inrem

Tunlai Khawvel leh India ram chhung chanchinthar thlirna | Episode - 46 | 1. Ukraine President Volodymyr Zelenskyy chuan February ni 7 Inrinni a chanchinthar lakhawmtute hmaa a thusawiah United State sawrkar chuan kumin June thla chhunga Russia leh Ukraine indo chu tihtawp an duh tih a sawi. Russia chuan Ukraine kawlphetha pekchhuahna hmunpuite an bei chhunzawm zel. 2. February ni 6 Zirtawpni khan US President Donald Trump chuan thupek chhuahin Iran ram nena sumdawnna kalpui mek ramte lakah a hranpaa chhiah tihsan an tum. Iran nena sumdawnna kalpui mek ramte laka US in chhiah tihsan an tumnaah hian eng zat chiahin nge an tihsan sawi la ni lo mahse 25% vel chuan an tihsan rin a ni. 3. US sawrkar chuan Gaza dinthar leh na tura thuneitu sang an din Board of Peace thutkhawm hmasaber chu February ni 19 ah Washington khawpuiah an nei dawn. US sawrkar chuan he thutkhawm a tel tur hian ram hrang hrang 26 te hnenah sawmna an thawn chhuak tawh a ni. Israel PM Benjamin Netanyahu chuan February ni 18 atanga 22 chhung hian Washington tlawhin a zin dawn a, Gaza Board of Peace thutkhawm neih lai velin US-ah hian a cham dawn a ni. 4. February ni 6 Zirtawpni khan Pakistan khawpui Islamabad khaw daifema Tarlai Kalan vengah Muslim biak in Khadija Tul Kubra Shia mosque-ah bomb a puah avangin mi 32 chuangin nunna an chan a, mi 170 ten hliam an tuar bawk. He bomb puaka nunna chantate hi February ni 7 Inrinni khan vui liam an ni. 5. February ni 7 Inrinni khan India PM Narendra Modi chuan ni 2 cham turin Malaysia khawpui Kual Lumpur a thleng. Tun tuma Modia'n Malaysia a tlawh hi kumin 2026 chhunga ram danga a zin chhuah vawi khatna a ni. Malaysia-ah hian PM Modi hian India mi awm te nen hun an hmang hova, Malaysia PM Anwar Ibrahim pawhin a telpui a ni. 6. India leh US chuan sumdawnna kawnga thawhhona tura inremna hmasaber chu February ni 7 Inrinni khan an siam fel a, ram 2 inkara sumdawnna kalpuinaah chhiah tihtlem na tur leh sumdawnna hlawk zawka kalpui dan turte an duan fel a ni. He an inremna siamfel hmasaber hi dan hmanga inremna la siam leh angai a, chu chu March thla laihawlah peihfel hman rin a ni. 7. Manipurah President rule titawpin mipui thlan chhuah MLA ten rorelna an kalpui leh ta. February ni 4 Nilaini khan BJP MLA Y Khemchand Singh chu Manipur CM thar atan lakluh a ni ta kha a ni a, Deputy CM atan Kuki hnam a mi hmeichhe MLA Kangpokpi bial a mi Nemcha Kipgen chu lakluh a ni a, tin, Naga hnam a mi L Dikho pawh Deputy CM pakhat zawk atan lakluh a ni bawk. Zo hnahthlak MLA 3 deputy CM Nemcha Kipgen leh MLA dang 2 - LM Khaute, Zo hnam Churachanpur MLA leh Hmar hnam zinga mi Ngursanglur Sanate (Tipaimuk MLA) te chu sawrkar thar an zawm ve avang hian lungawi lovin Kuki Students’ Organisation chuan Churachandpur District-ah darkar 24 chhung nawrh an huaihawt a ni. ----------------- This video is a brief analysis of the latest international & Indian politics and general news (current affairs) narrated in the Mizo language. -------------------------------------------------- DISCLAIMER: This video has been created with care to avoid unauthorized use of visual content. All images and visuals used are either original, believed to be in the public domain, or sourced under licenses that permit commercial use (such as Creative Commons). Where copyrighted visuals are included, they are used in a transformative manner under the principles of fair use, specifically for purposes such as education, commentary, criticism, or illustration. This video may include references to political, social, or cultural topics intended strictly for informational and educational purposes. No endorsement of any intended harmful political position, ideology, or organization is expressed or implied. The creator seeks to present content with respect and sensitivity toward diverse perspectives. The creator does not claim ownership of any third-party copyrighted visual content and fully respects the rights of original creators. If you are the rights holder of any image or visual material featured in this video and believe its use is inappropriate or insufficiently attributed, please contact me directly to e-mail: azassk@gmail.com, so the issue can be reviewed and addressed.