中華商業第一股爆雷！豫園股份34年首虧48億，金價愈高生意愈差，地產業務拖到盡，關店400+變賣資產，復星系能否力挽狂瀾？ скачать в хорошем качестве

中華商業第一股爆雷！豫園股份34年首虧48億，金價愈高生意愈差，地產業務拖到盡，關店400+變賣資產，復星系能否力挽狂瀾？

金價一路高企，人人以為黃金股一定賺到笑，點知呢間上市足足34年嘅A股「老八股」企業，竟然反被高金價反噬，一年勁蝕48億！ 老牌上市公司業績突然爆雷，不單止被地產業務拖到殘，就連一向被視為穩賺嘅黃金珠寶業務都同步大跌，真係出乎所有人意料。 消息一出，即時掀起市場熱議。馬年本來大家都期待佢可以「馬到成功」翻身，點知翻身唔成，反而收到上交所發出嘅問詢函，處境相當尷尬。 隨住各大上市公司陸續公佈年報，一隻又一隻業績黑天鵝相繼浮出水面，今年邊間先至係真正嘅「年度虧損王」，真係愈睇愈心驚。 連素有「中國版巴菲特」之稱嘅商界大佬，都被推到業績同債務嘅雙重懸崖邊上，呢間曾經風光無限嘅老字號巨頭，仲可唔可以做到「輕舟已過萬重山」？ 由上市34年長期盈利，到而家關店超過400間、不停變賣資產，呢間被譽為「中華商業第一股」嘅百億珠寶王國，點解突然間連貨都賣唔郁？ 今日主角，就係上海豫園旅遊商城（集團）股份有限公司，簡稱豫園股份。 作為上交所早期「老八股」之一，佢喺A股市場上市足足34年，一向都係長期盈利、穩健經營嘅典範，過往業績相當亮麗，幾乎從未試過年度虧損。 但系，呢個保持幾十年嘅紀錄，今年正式被打破。 根據最新年度業績預告，豫園股份交出一份史上最差成績單： 全年預計虧損48億元人民幣，扣非歸母淨利潤虧損47億元。 呢個數字，唔單止係普通咁差，而係上市34年以來第一次年度大虧，一蝕本就蝕到盡，震撼整個市場。 回顧過往數據，喺2024年之前，豫園股份每年淨利潤都維持喺20億到40億之間，現金流同盈利能力都相當穩健。 但去到2024年，淨利潤突然急跌到只得1.3億，盈利大幅縮水近20倍，已經系明顯警號。 去到2025年，情況更加失控，單計第四季就蝕超過43億，平均每個月蝕十幾億，跌幅誇張到難以想像。 曾經由上海豫園商城，變身成為復星系旗下核心平台，郭廣昌接手之後，地產、黃金、文旅、白酒樣樣都食過紅利，風光一時無兩。 三十年河東，三十年河西，曾經嘅多元化紅利，而家逐一變成壓力，多重業務一齊受壓，呢間老字號仲可唔可以力挽狂瀾？ 為咗應對資金壓力，公司近年開始瘋狂賣賣賣，進行大規模資產瘦身： • 2022年沽售金徽酒13%股份，套現超過19.37億 • 出售日本株式會社新雪股權，套現17.1億 • 出售星光耀廣場物業，套現15.15億 短短時間內，透過出售非核心資產，成功回籠幾十億現金，暫時穩住現金流。 但系，賣資產只可以解決眼前燃眉之急，並唔等於解決根本問題。 資產總有賣完一日，長期發展，始終要靠主營業務賺錢。 豫園股份最核心、最穩陣嘅業務，就係黃金珠寶。 旗下擁有老廟黃金、亞一等多個家喻戶曉嘅老字號品牌，門店一度超過4600間，係內地黃金珠寶行業嘅重量級玩家。 但系，最新數據顯示： 2025年前三季，珠寶時尚業務收入大跌31.86%，只得184.47億。 雖然毛利率輕微上升，但營收大幅下滑，已經反映出市場消費力轉弱。 更直觀嘅信號，就係門店數量大減： 由2024年嘅4615間，縮減到2025年9月底嘅4115間， 短短一年時間，關店接近500間。金價愈高，市民反而愈買唔起。消費者唔係唔想買，係真係追唔上價位，購買力明顯下降。 再加行業競爭激烈、稅收政策調整，多重壓力一齊壓落嚟，就算係老字號都頂唔順。 一向被外界視為「穩賺不賠」嘅黃金生意，而家都出現增長乏力、收入下滑，對豫園股份嚟講，絕對係一個非常危險嘅信號。 好多人唔明白，明明黃金業務都算穩健，點解公司會蝕到咁交關？ 答案就係：地產拖垮全公司。 豫園股份除咗黃金珠寶，同時擁有大量商業地產、物業開發項目。 前幾年地產景氣，呢啲資產係寶藏；而家地產下行，全部變包袱。 2025年前三季，物業開發收入雖然同比大增55%，超過56億， 但毛利率低到只得3.22%。 收入升、利潤微，幾乎係蝕本賺吆喝。 收入增長靠結盤、靠降價去庫存，利潤薄如紙，風險卻極高。 除咗地產業務輕微增長之外，珠寶、餐飲、化妝品、度假村等幾乎全線下跌，消費市場整體疲軟可見一斑。 一間以黃金珠寶、老字號品牌起家嘅公司，最後被非核心嘅地產業務拖到虧損嚴重，確實令人唏噓。 主業被副業拖累，呢個亦都系好多多元化企業最容易踩嘅坑。 面對業績大滑坡、資金壓力大，豫園股份選擇嘅路就係： 賣資產、止血、聚焦主業。沽酒股、賣股權、售物業，一連串操作，目的好清晰： 回籠資金、降低負債、減少非核心業務虧損、將資源集中返黃金珠寶同消費板塊。 從商業邏輯睇，放棄低毛利、高風險、重資產嘅業務，守住高現金流、高品牌價值嘅核心業務。呢種做法系冇錯的！ 但問題在於，賣資產只能救一時，唔可以救一世。 公司未來真正嘅出路，只有三條： 1.徹底降低地產業務比重，甚至逐步退出 2. 強化黃金珠寶主業，提升同店銷售、線上渠道、品牌溢價 3. 用好19個老字號品牌，做文化、做東方美學，做出差異化 豫園股份最大優勢，就係佢擁有近20個老字號，文化底蘊深厚，品牌認知度極高。 呢啲資產，係好多新品牌花幾十億都買唔到嘅。 只要用得好，完全有機會重新站起來。 講到豫園股份，就一定避不開郭廣昌同復星系。 郭廣昌素有「中國版巴菲特」之稱，曾經係滬上首富，資本運作能力極強。 佢曾經講過： 「主動退出非核心資產，係一種進與退嘅商業平衡，企業不進則退。」 賣資產，唔等於認輸； 縮規模，唔等於失敗。 商場之上，有時候退一步，係為咗行得更遠； 捨棄非核心，係為咗守住基本同未來。 企業經營，從來都唔係斗邊個跑得最快，而係斗邊個活得最耐、捱得最耐、穿越周期能力最強。 經濟上行時擴張，經濟下行時收縮，本就系正常商業周期。 過去34年，豫園股份經歷過無數風浪，依然屹立不倒； 今次一年虧損48億，固然係重大打擊，但絕對唔係末日，更唔係神話破滅。 消費市場變天，年輕人更加理性，唔再容易被概念同故事打動。 靠「講故事」賣貨嘅時代已經過去，未來靠嘅係： 產品力、性價比、品牌力、渠道效率。 豫園股份手上有王牌：黃金珠寶主業基礎紮實，多個老字號品牌深入人心，➕上海地標級商業文化符號同復星系背後支持 相信佢地只要做到：徹底同低毛利地產業務切割，集中資源做強黃金珠寶，優化門店、提升線上銷售，用好老字號文化價值 呢間34年老牌企業，仍然有機會扭虧為盈，重新返回增長軌道。 做企業難，守一間老牌企業更難。 風浪越大，越考驗定力同眼光。 一年虧損48億，系警鐘，亦都系轉型契機。 捱過寒冬，春天總會嚟。 呢間見證中國商業幾十年變遷嘅老字號，未來能否再創輝煌，大家不妨拭目以待。 你覺得豫園股份可以成功翻身嗎？ 歡迎留言分享你嘅看法。