《Em Yêu Anh》《我愛妳》 梁碧友（Lương Bích Hữu）（Vietnamese越南文原唱歌詞 + Cantonese粵文意譯歌詞） скачать в хорошем качестве

《Em Yêu Anh》《我愛妳》 梁碧友（Lương Bích Hữu）（Vietnamese越南文原唱歌詞 + Cantonese粵文意譯歌詞）

《Em Yêu Anh》《我愛妳》 梁碧友[Lương Bích Hữu] Vietnamese越南文原唱歌詞 + Cantonese粵文意譯歌詞 新生代越南土生粵僑靚聲歌手梁碧友越南語靚歌《Em Yêu Anh》欣賞 融入定居國主流社會嘅選擇令佢哋呈現明顯嘅越南人大於粵人嘅取態 http://namyuekok.freeforums.org/em-ye... http://cantonia.freeforums.org/em-yeu... 堤岸係越南最大粵僑聚居城市[現胡志明市第5郡同第6郡]，靚聲歌手梁碧友1984年喺嗰度出世。梁碧友祖籍廣東，佢係越戰之後喺越南本土成長嘅新生代越南土生粵僑當中嘅佼佼者，佢嘅演藝事業相當多元化，既出唱碟又拍電視劇，2003年19歲出道至今從藝11年間佢發行過17張專輯。 梁碧友唱功了得，運氣自如，中高音高揚兼且又有適度低音，佢對高音快歌嘅演繹尤其令人印象深刻。《Em Yêu Anh》[我愛妳] 係梁碧友2012年同名專輯嘅主打作品，堪稱係佢最經典嘅代表作，雖然首歌啲詞係啲愛到要生要死搵刀gat大髀嘅情情塔塔嘢，不過呢條歌亦確實旋律優美氣場激揚，首歌先由一段聽落好舒服嘅悠揚嘅鋼琴獨奏+小提琴弦樂帶出，經過幾句和緩醇厚嘅中低音鋪墊之後，節拍明顯轉快嘅中高音緊接而嚟並掀起中前段一波小高潮，接著中間一段人聲和音同小提琴弦樂搭配得天衣無縫，喺隻歌中後部嘅高潮段，節奏急快唱詞一句連實一句咬字又多而且句句中高音，非常之考唱功嘅，真係少啲氣都唔掂，但係梁碧友依然應付自如。梁碧友嘅唱風同HK實力派女歌手彭羚相當接近，兩個都好識運氣，仔細聽下梁碧友嘅呢首《Em Yêu Anh》同彭羚嘅飲歌《來讓我跟妳走》，至少有八九成似。 依家喺網路度我哋可以睇到唔少關於粵語喺全世界範圍內勢力衰退嘅評論，喺越南等國嘅粵僑圈我哋同樣亦都可以睇到相似嘅感嘆，不過粵語喺海外嘅勢力衰退同粵語喺大粵本土嘅勢力衰退顯然係兩樣性質截然唔同嘅嘢嚟，前者係海外粵人為咗更好噉融入定居國嘅主流社會而自願噉放棄，而後者係粵人喺自己民族世居嘅故土上高明顯受到支那殖民壓迫反抗未起成效所致。融入定居國嘅主流社會，呢樣嘢對越戰之後至出世嘅新生代越南土生粵僑嚟講尤其係一個必須要妥當解決嘅逼切現實問題，因為佢關乎個人前程升遷幸福以至生活生計生存。其實祇要睇睇梁碧友所唱嘅歌，我哋就可以好清楚噉睇得出佢哋融入定居國主流社會嘅選擇令佢哋呈現明顯嘅越南人大於粵人嘅取態。 梁碧友本人好強烈認同佢自己係“越南華人”，佢嘅唔少專輯亦都打著“華人”嘅旗號發行，之但係喺佢從藝11年間，冇跡象顯示佢發表過粵語歌。佢所唱嘅歌，至少95%係越南語作品，至於其餘嗰5%，則係用撈頭嘅漢語唱嘅，而佢呢啲漢語作品好顯然係針對臺灣市場嘅。越臺交往嘅頻密程度遠遠超過越支交往，梁碧友早喺2011年就去臺北開過佢嘅個人演唱會，卻從嚟冇踏足過佢祖先嘅鄉下大粵本土，梁碧友喺臺灣早就經已聲名在外，而直到今日，梁碧友喺我哋大粵本土嘅知名度卻依然微弱柔絲，根本就冇幾多個人識得佢。 一個出道咁耐嘅越南土生粵僑歌手居然冇發表過一首用自己母語粵語唱嘅歌，的確好令人遺憾，我諗唔少大粵本土粵人都覺得噉好唔應該，之所以會噉，或者係越南粵語社會市場細掛，又或者係梁碧友覺得自己啲粵語同正宗廣州話相比唔試正蕃薯屎味太重唔好意思搵粵語唱掛，不過呢啲解釋好顯然都係好牽強嘅，融入定居國主流社會嘅選擇至係個中關鍵。 奧黛係越南傳統女裝，白色奧黛則係越南在校女生嘅標準校服，梁碧友2008年發行嘅專輯《It's Not Over》[仲未結束]，就係一身身著白色奧黛嘅在校大學生裝扮。喺佢2013年發行嘅專輯《Đứt Từng Đoạn Ruột》[走落田間]，梁碧友更向世人展現出佢身著奧黛頭戴斗笠呢一越南女性嘅最傳統柔美形象，驟眼一睇張相，若然冇人提妳佢係一個越南粵僑，我諗100%嘅人都會認為佢係一個純正嘅越南妹。雖然話呢啲祇係藝照，不過卻係相當程度上折射出越戰之後新生代越南土生粵僑積極融入越南主流社會嘅現實。佢哋生於越南長於越南，對佢哋嚟講，越南至係佢哋嘅屋企佢哋嘅鄉下，顯然，佢哋對越南本土感嘅認同正喺度增加，聯絡疏離嘅大粵喺佢哋心目中正逐漸顯得遙遠而陌生，而支那更係一個令佢哋自身安全一次又一次陷入險境嘅麻煩製造者。